Hibru 7:25 - Kaa n Kəzə̀ n fəghə mə

²⁵ À wey loʼ ghə i tii zə tə loʼ ni bəghəshiə ghə̂ ghey ghə bəghənə n səə Zə̀ kə nəŋə tədzəm nə̀ ghə tsəghə n baa wi n təŋkey, muu i wi i loʼ tən tsə kə ni buʼu wɔɔ kə tə̀ Zə̀ kə n tow u ghə.

Hibru 7:25 ပူးပေါင်းရင်းမြစ်များ

Tùm i dzuŋu zə kuum Yeso Klisto tə Jɔn â tɔɔnə 14:13

Abə ghaa nɔɔ kənə kee kə n zəd zuŋ, mə i fuunu tə̀ ghaa, sey nə̀ Bày loʼ ni keeli nkɔʼlə bòʼ Waa.

Tùm i dzuŋu zə kuum Yeso Klisto tə Jɔn â tɔɔnə 14:16

Mə i gɔŋŋə ndow tə Bày, tə i tûm bə ghaa n Wù wey tə tsə̀ənə ghə̂ ghə, tə i bə doʼo tən bə ghi ghaa tə̀ mbi nə bə may.

Tùm i dzuŋu zə kuum Yeso Klisto tə Jɔn â tɔɔnə 14:6

Yeso n beeli ndow wi nə̀, “N loʼ jii, isəŋə nsə muu zə. Wù way dzə ni bə n səə Bày nə̀ a ka ney ndòw mə wi n səə wi.

Roma 5:10

N sey dza n təŋkey, abə və i waa wi zə â loʼ ni ghəŋə nə̀ saa ghə̂ a təngəmə a Kəzə̀ a doʼo bə nə kəfə kəmɔʼ ghi Zə̀ kə. Nya wən saa loʼnə nə kəfə kəmɔʼ ghi Zə̀ kə, i sey dii nə̀ Klisto i bəghəshiənu saa n təŋkey tə loʼ utaw.

Roma 5:2

À loʼ bəghəm i fə̀ŋ zən saa khənə n kow Yeso Klisto, i ghəŋənə nə̀ saa keeli ndzuŋ ə Kəzə̀ zən saa muunə tii nya. Saa khə ni duʼlə n təŋkey saa ləmmə tənə nəŋə zey saa i loʼnə ghi Zə̀ kə, tə i ghəŋə nə̀ saa keeli soʼo kɔʼlə mən tə khənə.

Roma 8:34

À loʼ ndee tə loʼ ni dza nə̀ saa n bwu saʼ a? Wù umɔʼ tsəm way n təŋkey, Yeso Klisto wən tə â kpunə, Zə̀ kə zhəm dzəŋŋə bə wi nə ivə, tə u loʼnə nya n kpii u Kəzə̀ u təmə wə, teynu tə gɔŋŋə n tow u saa.

1 Kɔrint 1:21

I loʼ sey n təŋkey, Zə̀ kə n ghəŋə n tɔb u wi nə̀ ghə̂ a way dzə ni keeli wi n tɔb u ghə. Zə̀ kə n ghəŋə nə̀ ghə̂ a mbi a fəd keeli wi n bam i tûm i dzuŋu zən ghə naʼlənə ghə tɔŋŋənə nə̀ a loʼ ilaʼlə. Zə̀ kə n tsəm tsu ni bəghəshi ghə̂ ghey ghə bəghəmnə tə̀ tûm i dzuŋu zən ghə̂ a mbi a tɔŋŋə nə̀ a loʼ ilaʼlə.

Efesus 2:18

À loʼ n bam i Klisto saa dzəŋi loʼnə ni bə n sə̂ K-a-zə̀ n daʼa kə Zay kə Zow kə.

Efesus 3:12

Sey, saa loʼnu nyisa ni ndow n səə Kəzə̀ nə̀ saa khə way tsəŋ zə, tə i kpiney saa nghee saa loʼnə nə kəfə kəmɔʼ ghi Klisto nsə bəghəm i fə̀ŋ zən saa khənə n kow wi.

Efesus 3:20

Kɔʼlə n ndzəm n loʼ tə̀ Zə̀ kə, Zə̀ kən kə loʼnə ni ghəŋə aghəə adzəm n bam i Zay kə Zow kən kə muunə n fə̀ŋ, tə buʼ ghəŋə tsəghəshinə ghəə ghey adzəm saa â bəbnə nkee saa â moʼlənə.

Filipi 3:21

N daʼa key tə khənə ni ney naŋa bə ufə̂ udzəm n tənə wi, tə î kwey nuu kɔʼɔ vən fə uwû fə wù sɔŋtsuʼ fə saa fən, tə fuu saa n ndzoʼo vən fə uwû fey Zə̀ kə â fuunə tə wi nghee tə â zhəm dzəŋŋə bənə wi nə ivə.

1 Timoti 2:5

I loʼ sey n təŋkey, Zə̀ kə loʼ kə kəmɔ̀ʼ, wù loʼ soʼo umɔʼ tə təmə dzəŋinə ghə̂ ghə ghi Zə̀ kə, wù tii loʼ Yeso Klisto.

2 Timoti 1:12

A wey loʼ zuŋ key n fəʼlə fa tii n ndaw tsaʼ. N kee dədlə dzə way n tow kə a dza n loʼ n ndaw tsaʼ n təŋkey n khənu wù wey n bəghəm fuunə tə wi, mə n tɔʼ khə soʼo nə̀ tə i kwɔɔ keelinu fə key tə â fuunə tə mə ni ndow kuum n tsuʼ fey tə i bəghə dzəŋŋənə ibam.

Hibru 11:6

Sey, wù loʼ way dzə ni ghəŋə nə̀ Zə̀ kə i duʼlə ghi wi abə tə khə way bəghəm i fə̀ŋ zə, n təŋkey, wù wey tə bəghənə n səə Kəzə̀, tə khə ni teeli khə bəghəm i fə̀ŋ zə nə̀ Zə̀ kə loʼnu nsə nə̀ tə naamənu ghə̂ ghən ghə kəŋənə wi.

Hibru 13:15

Sey, saa tsəghə ndow sə kə ni fuu nkɔʼlə tə̀ Zə̀ kə tə̀ a loʼ maʼlə u saa n bam i Yeso. Abə saa dza shi bənə n dzuu i saa nə̀ tə loʼ Mûkəbii, saa sey fəələ umaʼlə.

Hibru 2:18

Nghee i loʼ nə̀ wû u wi, tə mâ fəghə, ghə n mɔm koʼ soʼo wi nə̀ tə bwù n ghəə a bəbə ghə, à wey loʼ ghə i tii zə tə loʼnə ni gaamə ghə̂ ghey ghə mɔm koʼo soʼonə ghə nə̀ ghə bwu n ghəə a bəbə ghə.

Hibru 2:9

Saa kee koʼo ndownu Yeso wey Zə̀ kə â ghəŋə tsu nə̀ tsətəndəghə tə Kəzə̀ tə nyaʼi tsəghəshi tsu wi n kəmə fə inəŋə. Nya, Zə̀ kə n tsuʼ naŋa kɔʼ wi nə̀ tə i khə kɔʼlə mə nsə ngɔɔmə zə nghee tə â fəghənə, bə kpu soʼo n tow u saa. À loʼ bòʼ fə̀ŋ i dzuŋu zən Zə̀ kə khənə n kow saa tə â ghəŋənə nə̀ Yeso bə kpu n tow wə aghə̂ adzəm.

Hibru 5:7

Nghee Yeso â muunə fa n mbi, tə n gɔŋŋə, buʼ soʼo kəwɔɔ nə idey nsə sə̂ mə tə̀ Zə̀ kə, tə loʼnə ni bəghəshi vən fə uwû fə wi n wɔɔ kə ivə. Sey, Zə̀ kə n zow gɔŋŋə i wi n təŋkey, tə â zow tə̀ Zə̀ kə ngɔɔmə soʼo wi.

Hibru 7:16

Wù tii â ka doʼo dzə fɔɔngili tə̀ laŋ u wù sɔŋtsuʼ u diinə, tə â kee doʼo bə fɔɔngili nə̀ à ghəŋə Kəzə̀ n bam i daʼa kən kə loʼnə nə imuu nə̀ kə may way.

Hibru 7:19

Tə â ghəŋə sey n təŋkey, laŋ kə â way ni ghəŋə ghə i loʼ zə i khə way chɔd wə. Abə nya ghə n dii saa n jii i dzuŋu zey saa khə ni ləmmə, nə̀ saa loʼ ni tsəghə tii ni ndow n səə Kəzə̀.

Hibru 7:24

Yeso kee kpuu koʼo tsə way, wù loʼ way soʼo tə loʼ ni ney fwaʼ kə wi tə̀ a loʼ fɔɔngili.

Hibru 7:8

Ghə fɔɔngili ghey ghə â neynə dzaw zə imɔʼ nə tədzawwə ighəm tə loʼnə ighələ, â kpuunu. I loʼ n màʼlə K-a-zə̀ nə̀, Mekisedek wən tə â ney soʼonə dzaw zə imɔʼ nə tədzawwə ighəm tə loʼnə ighələ, â loʼ wù nə̀ tə kpuu way.

Hibru 9:24

I loʼ sey n təŋkey, Klisto â ka nyi dzə n luʼu kə zow kə nə̀ à faalə wù sɔŋtsuʼ, kə maŋa fiilənə luʼu kə zow key kə loʼnə idəŋ. Tə â ndzəm nyi ndow n dzəŋi kə dzûmə tə Klisto key kə loʼnə n bikighow. Tə nya loʼ n sə K-a-zə̀ ni buʼu wɔɔ kə tə wi n tow u saa.

Màʼlə kə Jud tə̀ ghə̂ a Kəzə̀ ghə 1:24

N gɔŋŋə nə̀ saa adzəm i fuu kɔʼlə mə tə Zə̀ kə. Zə̀ kən kə loʼ ni kwu keeli saa nə̀ kə saa i bwu, nsə nə̀ saa i zow, ngii duʼlə soʼo n sə kə wi.