Hibru 7:19 - Kaa n Kəzə̀ n fəghə mə

¹⁹ Tə â ghəŋə sey n təŋkey, laŋ kə â way ni ghəŋə ghə i loʼ zə i khə way chɔd wə. Abə nya ghə n dii saa n jii i dzuŋu zey saa khə ni ləmmə, nə̀ saa loʼ ni tsəghə tii ni ndow n səə Kəzə̀.

Hibru 7:19 ပူးပေါင်းရင်းမြစ်များ

Tùm i dzuŋu zə kuum Yeso Klisto tə Jɔn â tɔɔnə 1:17

Zə̀ kə â fu bə kəlaŋ fa n mbi nə̀ kə tsəghə n kow Mushi, Zə̀ kə n kee fu bə ndzuŋ nsə isəŋə nə̀ kə tsəghə n kow Yeso Klisto.

Tùm i dzuŋu zə kuum Yeso Klisto tə Jɔn â tɔɔnə 14:6

Yeso n beeli ndow wi nə̀, “N loʼ jii, isəŋə nsə muu zə. Wù way dzə ni bə n səə Bày nə̀ a ka ney ndòw mə wi n səə wi.

Kəfwaʼ 13:39

Sey, ghə̂ ghey adzəm ghə bəghəmnə tə wi, ghə i doʼlənu tsətsəghə n sə K-a-zə̀, loʼ sey nə̀ ghə â way ni doʼo tsətsəghə n sə kə K-a-zə̀ a dza ghə naŋŋə laŋ kə Mushi.

Roma 5:2

À loʼ bəghəm i fə̀ŋ zən saa khənə n kow Yeso Klisto, i ghəŋənə nə̀ saa keeli ndzuŋ ə Kəzə̀ zən saa muunə tii nya. Saa khə ni duʼlə n təŋkey saa ləmmə tənə nəŋə zey saa i loʼnə ghi Zə̀ kə, tə i ghəŋə nə̀ saa keeli soʼo kɔʼlə mən tə khənə.

Roma 7:7

Saa loʼ ni baa dza tsu nə̀ ngee nya a? À loʼ nə̀ laŋ kə loʼ fə kə bəbə kə ə? Ngaŋ, à ndɔm way dzə sey. À kee ndzəm loʼ nə̀ abə a mə bow tə laŋ kə, mə way ni keeli fə key bəb i loʼ ghii kə. Abə laŋ kə mə ka dza nə̀, “Kə wə nə shiə n sə ghə n fə kə wù.” Tə n mə khə dzə way nə̀ i dzɔbə way ni shiə n sə ghə n fə kə wù.

Roma 8:3

Zə̀ kə mâ ghəŋə ghəə ghey laŋ kə Mushi kə â way ni ghəŋə n kow ghey təŋkey gow uwû ləghə way ni ghəŋŋə ghəə ghey laŋ kə dzanə. Tə n ney kɔʼ waa wi tûm bə fa n mbi n wû u wù sɔŋtsuʼ tə a loʼ umaʼlə ni ghəŋə nə̀ kə bəb i nə kəm keelinə daʼa kə n kow saa.

Galeshia 2:16

Saa khənu nə̀, a way dzə laŋ wey wù naŋŋənə, u ghəŋŋənə nə̀ tə doʼo tsətsəghə n sə kə K-a-zə̀, à loʼ bəghəm i fə̀ŋ zən wù khənə n kow Yeso Klisto. À wey loʼ zuŋ key saa ghən saa loʼ nə ghə̂ a Təjuu ghə, saa â bəghəm tə Yeso Klisto sey nə̀ saa doʼo tsətsəghə n sə K-a-zə̀ n bam i bəghəm i fə̀ŋ zən saa khənə n kow wi, a way dzə n laŋ wey saa naŋŋənə. Isəŋə loʼ nə wù loʼ way dzə tə i doʼlənə tsətsəghə n sə K-a-zə̀ a dza tə naŋŋə laŋ wə inaʼ.

Galeshia 3:21

N dza n bəb bə nə̀, laŋ K-a-zə̀ kə nya ballə kɔʼɔ bə ghi təb K-a-zə̀ kə ə? Ngaŋ! Abə laŋ kə mə loʼ ni ghəŋə saa nə̀ a keeli imuu, ghə̂ adzəm a mə ndzəmə naŋŋə laŋ u tii wə, sey nə̀, ghə loʼ ni loʼ tsətsəghə n sə K-a-zə̀.

Galeshia 3:24

Sey, à saa â keyyə kɔʼ bə kəlaŋ ni bə kùm n nəŋə zey Klisto â bənə tii. Zə â loʼ sey ni ghəŋə tsu nə saa doʼo tsətsəghə n sə K-a-zə̀ n bam i bəghəm i fə̀ŋ.

Efesus 3:12

Sey, saa loʼnu nyisa ni ndow n səə Kəzə̀ nə̀ saa khə way tsəŋ zə, tə i kpiney saa nghee saa loʼnə nə kəfə kəmɔʼ ghi Klisto nsə bəghəm i fə̀ŋ zən saa khənə n kow wi.

Kolose 1:27

Zə̀ kə â ləghə ni dii bə ghaʼ i wi nsə ghəə a wi a dzuŋu ghə tə ghə̂ ghən ghə way ghə̂ a Təjuu ghə soʼo. Ghəə zey Zə̀ kə â nyi naŋanə loʼ nə̀, Klisto muu n kow ghaa, dii tsu nə̀ ghaa ləmmə soʼo ni keeli kɔʼlə mən n loʼnə tə̀ ghə̂ a Kəzə̀ ghə.

1 Timoti 1:1

A màʼlə kən tɔ̀ɔ bə mə Pɔl, n loʼnə ngəd ə Yeso Klisto. N doʼonə tsəndəghə ə wi nə̀ a mə sày Zə̀ kən kə loʼnə bəghəshi ə saa nsə Yeso Klisto wən saa gaʼnə fə̀ŋ n kow wi.

Hibru 10:1

Laŋ kə maŋa dii bə nyaŋi fə ghəə a dzuŋu ghey ghə i bəghənə, kə dii may bə dzə way nghee tə̀ ghəə a dzuŋu a tii a baa loʼnə tii. À wən loʼ ghə i tii zə maʼlə u mɔʼɔ wən ghə fəələnə num tənum, way ni ghəŋə nə̀ ghə̂ ghən ghə bəghənə n səə Kəzə̀, nə̀ ghə doʼo nə̀ ghə khə way bwù i loʼ zə.

Hibru 11:40

Zə̀ kə â ka fuu fə key tə â təb naŋanə tə̀ ghə n təŋkey, tə â bayyə naŋa ghəə ghey a dzɔb tsəghənə a ghən tə̀ saa. Tə â ləghə nə̀ bəghəm i fə̀ŋ i saa i teeli doʼo bə soʼo tə̀ a loʼ i ghə zə tə̀ ghə ni doʼo may bə ndzoʼo ghə̂ ghey tə ləghənə nə̀ ghə doʼo.

Hibru 11:6

Sey, wù loʼ way dzə ni ghəŋə nə̀ Zə̀ kə i duʼlə ghi wi abə tə khə way bəghəm i fə̀ŋ zə, n təŋkey, wù wey tə bəghənə n səə Kəzə̀, tə khə ni teeli khə bəghəm i fə̀ŋ zə nə̀ Zə̀ kə loʼnu nsə nə̀ tə naamənu ghə̂ ghən ghə kəŋənə wi.

Hibru 3:6

Klisto kee loʼ waa Kəzə̀ wən tə â fwaʼ dzɔbnə n dzəŋi kə dzûmə tə Klisto. Saa loʼ tə a loʼ ndaw wi abə saa ndownə n sə kə ni kow fə̀ŋ nsə ni ləmə fə key saa ləmmənə nə̀ saa tsəŋə way.

Hibru 4:16

Abə saa ləghənə fə kə, saa n ndow bəb ndow tə̀ Zə̀ kə saa kən kə diinə saa n fə̀ŋ ə wi i dzuŋu zə nə̀ saa tsəŋə way. Saa khənu nə̀ tə i kwɔɔlənu sî zə n kow saa, tə fuu saa n fə key kə kpiinə tə̀ saa.

Hibru 6:18

Sey, Zə̀ kə n dzəŋi fuu bə aghəə abəghə, ghəə zən tə a dza nə̀ tə i ghəŋŋənu nsə kaa n wi mə. Sey, ghəə ghən abəghə a way ni kwey boʼnə Zə̀ kə badla way ghəə ghə. Nsə sey, saa ghən saa nyəŋə ndownə n səə wi nə̀ tə tsəd naŋa saa, khə way tsəŋ zə, abə saa təmi taw tsu dzənə ni ləmə fə kən kə i bəghənə tə̀ saa.

Hibru 7:11

Fɔɔngili tən tə â shinə n sali i kəbii i Levi, â loʼ ni luulə laŋ kən Zə̀ kə â fuunə tə̀ ghə̂ ghə Izree ghə. Abə fɔɔngili tən â fwaʼanə n jìi zey Zə̀ kə ləghənə, Zə̀ kə mə way dzə ni kəm ghəŋə nə̀ ndzoʼo fɔɔngili u nuu u bə tə̀ a loʼ Mekisedek. Mekisedek â way dzə fɔɔngili tə shinə n sali i kəbii i Erɔn.

Hibru 7:20

I loʼ soʼo nə̀, nghee Zə̀ kə â naŋanə Klisto tə̀ a loʼ fɔɔngili, tə n kaa tsu soʼo. Zə̀ kə â ka kee zə̂ dzə kaa mə nghee tə â buʼu naŋŋə tsənə fɔɔngili tə loʼ tey.

Hibru 7:25

À wey loʼ ghə i tii zə tə loʼ ni bəghəshiə ghə̂ ghey ghə bəghənə n səə Zə̀ kə nəŋə tədzəm nə̀ ghə tsəghə n baa wi n təŋkey, muu i wi i loʼ tən tsə kə ni buʼu wɔɔ kə tə̀ Zə̀ kə n tow u ghə.

Hibru 8:6

A kee bə nya, Zə̀ kə n fuu Yeso n fwaʼ kə fɔɔngili kən kə tsəghəshinə kə fɔɔngili tə wey tey, ighələ tə̀ kaa mey Klisto â bayyənə tə̀ Zə̀ kə ghi ghə̂ a wi ghə, dzɔb tsəghəshinə n sə isə mey n təŋkey, Zə̀ kə â dza n təb kə fəghə kən nə̀, ghə̂ ghə i keeli fə u dzuŋu wə a tii tsəghəshi u wey ghə â keelinə n laŋ kə Mushi.

Hibru 9:9

Dzuu i sə isə zən loʼ tsəə i dii bənə tsuʼu mən saa loʼnə tii nya. I sey dii nə̀ fə wən nsə nyam tən ghə fəələ ndownə maʼlə wə tii tə̀ Zə̀ kə, way dzə ni ghəŋə nə̀ fə̀ŋ ə wù wey tə fuunə kɔʼlə n tii mə i kpii tə̀ Zə̀ kə.

Jems 4:8

Səŋ kəŋə bə na n səə Kəzə̀, Zə̀ kə i səŋ kəŋə bə soʼo n səə ghaa. Shiələ nuu na wɔɔ a ghaa ghə n ghəə a bəbə ghə, ghaa ghən ghaa ghəŋŋənə ghəə a bəbə ghə. Ghaa sow maʼa soʼo fə̀ŋ tə ghaa ghə nəb ityim.