Hibru 6:20 - Kaa n Kəzə̀ n fəghə mə

²⁰ Yeso mâ nyi doʼo fu isə n tow u saa tə̀ saa ni ndow fu, tə u doʼo tən fɔɔngili u nii nii wə tə̀ saa tə̀ a loʼ Mekisedek.

Hibru 6:20 ပူးပေါင်းရင်းမြစ်များ

Roma 8:34

À loʼ ndee tə loʼ ni dza nə̀ saa n bwu saʼ a? Wù umɔʼ tsəm way n təŋkey, Yeso Klisto wən tə â kpunə, Zə̀ kə zhəm dzəŋŋə bə wi nə ivə, tə u loʼnə nya n kpii u Kəzə̀ u təmə wə, teynu tə gɔŋŋə n tow u saa.

Efesus 1:3

Kɔʼlə n loʼ tə Zə̀ kə, Bày Mûkəbii saa Yeso Klisto. Tə n fuu saa n buulə i Zay kə Zow kən kə nuu bə idəŋ nghee saa loʼnə nə kəfə kəmɔʼ ghi Klisto.

Hibru 1:3

À loʼ wi tə dii bənə nghee tə kɔʼlə mən Zə̀ kə khənə nyiəllənə tii. Tə bɔɔmə fiilə kə Kəzə̀ nghee tə kwu keelinə mbi n daʼa kə ghɔɔmə i wi. Ambə tə sow maʼa tsunə ghəə ghə aghə̂ a bəbə ghə, tə n nuu kɔʼ ndow idəŋ, ndow doʼo tsu n kpii u Kəzə̀ u təmə wə, tə khənə daʼa kə tsəghəshi ufə udzəm.

Hibru 12:2

Saa bɔɔmə naŋa ndow kə sə a saa n kow Yeso wən tə â ghəŋə nə̀ saa bəghəm tə̀ Zə̀ kə, gaamə soʼo saa nə̀ bəghəm i fə̀ŋ i saa zə i taw. Tə n kow tsu kə fə̀ŋ ni fəghə, tə bə kpu n zat kə fəkaʼ. Tə n ka dədlə kətow n ghə i tii zə n təŋkey, tə â khənu duʼlə zey tə i keelinə isə. Tə nya doʼ n kpii kə təmə kə n kuu kə fɔɔ K-a-zə̀.

Hibru 2:10

Ufə udzəm, à bɔm Kəzə̀, à loʼ soʼo wi tə ghəŋŋənə nə̀ fə u tii wə i loʼ n jìi zey u loʼnə tii. Zə̀ kə â ghəŋə nə̀ Yeso fəghə sey nə̀ tə i ndzəm loʼ wù sə isə wey tə kpiinə ni ghəŋə nə̀ ndəmə aghə̂ a keeli kɔʼlə n wi. À wən loʼ ghəə zey i ghəŋənə nə̀ Yeso i ndzəm loʼ wù wey tə kpiinə ni bəghəshi aghə̂.

Hibru 2:17

À wən loʼ ghə i tii zə Zə̀ kə a khə ni ghəŋə tsu nə̀ tə doʼo bə tə̀ a loʼ saa waazə a wi nə təjìi tədzəm sey nə̀, tə loʼ ni doʼo bə fɔɔngili u nii nii wə. Tə wən ghə loʼ ni gaʼ fə̀ŋ n kow wi, tə khə soʼonə sî i kwɔɔlə zə. Sey nə̀ tə loʼ ni ney fuu ndow wû u wi tə̀ a loʼ umaʼlə ni sow maʼa ghəə a bəbə ghən ghə̂ a ghəŋŋənə.

Hibru 3:1

Waazə ghuŋ a zow ghə, ghaa ghən Zə̀ kə tɔŋɔnə nə̀ ghaa dzəŋi doʼo ghə̂ a wi idəŋ, gaʼ ndow na fə̀ŋ tə ghaa n kow Yeso wən Zə̀ kə tûm bənə nə̀ tə bə doʼo fɔɔngili u nii nii wə tə̀ saa.

Hibru 4:14

Sey, nghee i loʼ dzə nə̀ saa khənu taw kə fɔɔngili u nii nii wən tɔŋŋə Yeso, tə loʼnə waa Kəzə̀, nə̀ tə n tsəghə tɔɔlə, ndow nyi n luʼu key Zə̀ kə loʼnə tii idəŋ, saa bɔɔmə təmi tən tsu kə n bəghəm i fə̀ŋ zey saa khənə n kow Zə̀ kə.

Hibru 5:10

Zə̀ kə mâ wi tsuʼ naŋa nə̀ tə doʼo fɔɔngili u nii nii wə tə̀ a loʼ Mekisedek.

Hibru 5:6

Zə̀ kə n dza soʼo n dəŋə kə loʼ kə n màʼlə K-a-zə̀ nə̀, “Wə i doʼlə fɔɔngili nə tənəŋə tədzəm, N jìi zey Mekisedek â loʼnə tii.”

Hibru 8:1

Sey, ghəə zey i baa loʼnə n ghəə ghən a dzanə i loʼ nə̀, saa khə ndzoʼo fɔɔngili u nii nii wən tə loʼnə n kpi u Kəzə̀ u təmə wə idəŋ nə̀ udaʼa udzəm u loʼ n wɔɔ kə wi.

Hibru 9:12

Tə â ka nyi dzə n luʼu kə zow kən n kaŋ tə ji tə nkee kaŋ tə mbɔŋ tə ni ndow fəələ umaʼlə tii, tə â fəd nyi ndow n kaŋ tə wi tə. Sey, tə n fuu saa n bəghəshi zən i nə may way.

Hibru 9:24

I loʼ sey n təŋkey, Klisto â ka nyi dzə n luʼu kə zow kə nə̀ à faalə wù sɔŋtsuʼ, kə maŋa fiilənə luʼu kə zow key kə loʼnə idəŋ. Tə â ndzəm nyi ndow n dzəŋi kə dzûmə tə Klisto key kə loʼnə n bikighow. Tə nya loʼ n sə K-a-zə̀ ni buʼu wɔɔ kə tə wi n tow u saa.

1 Pita 3:22

Klisto n kɔʼ idəŋ, tə u doʼnə n kpi u Kəzə̀ u təmə wə, saʼa tsətəndəghə tə Kəzə̀ nsə daʼa wey udzəm u loʼnə idəŋ.

1 Jɔn 2:12

N tɔ̀ɔ bə ghəə ghən tə ghaa ghən ghaa loʼnə waa ghuŋ ghə, n təŋkey, Zə̀ kə n ghəə a ghaa a bəbə a neyzəə bòʼ ghəə zey Klisto a ghəŋənə tə ghaa.