Hibru 6:2 - Kaa n Kəzə̀ n fəghə mə

² Saa kəm khə soʼo way ni ghɔɔmə zeeli ghəə ghə bòʼ ni dii aghə̂ n ghəə a fuu a wù ghə n mmuu n Kəzə̀ mə, ghəə a gaʼa ghə awɔɔ ghə n tow kə wù ni fuu ibuulə, ghəə a zhəm dzəŋŋə bə ghə nə ivə. Saa khə soʼo way ni ghɔɔmə zeeli nghee Zə̀ kə i saʼanə ghə̂ ghə a tii nsə nghee saʼ i wi i doʼo tən nə.

Hibru 6:2 ပူးပေါင်းရင်းမြစ်များ

Matyo 28:19

Sey ndòw na, ghaa i ghəŋŋə ndow nə̀ ghə̂ a naʼa tədzəm, ghə doʼo dzûmə tuŋ, fuu ndòw ghə n mmuu n Kəzə̀ mə n zəd i Bày, Waa, nsə Zay kə Zow kə,

Matyo 3:14

Jɔn n dza i tuu, bəb tə̀ wi nə̀, “Wə̀ sə̀ kəm loʼ ngee ni bə n səə mə nə̀ n fuu wɔ n mmuu n Kəzə̀ mə, loʼ sey nə̀ à khə wɔ̀ ni fuu mə n mmuu n Kəzə̀ mə ə?”

Malakus 16:16

Wù wey tə bəghəmnə ghəə zey ghaa dzanə, ney kɔʼ mmuu n Kəzə̀, tə i keeli ibəghəshi. Wù wey tə ka bəghəm i keeli ngoʼ.

Malakus 7:4

Abə ghə zuu bənə fə kə n bikiwən, ghə way ni zə̂ nə̀ ghə ka sow. Ghə â dzûmə ndəmə ulaŋ u loʼ wə u diinə jìi zey wù khənə ni sow wɔ̀ɔ tə ghə tə, tətɔ̀ɔ, ngow, ukaŋ, nsə neeli wə.

Malakus 7:8

Yeso n ndow n sə kə dza nə̀, “Ghaa n baʼ naŋa laŋ u Kəzə̀, fədlə tɔʼlə naŋŋə kə ghəə ghə inaʼ a ghaa.”

Lukas 11:38

Dzuu zə n zum wù Falasi wey, nə Yeso zəə nə̀ tə ka sow wû wə tə̀ Laŋ kə ghə kə â diinə.

Lukas 12:50

A loʼ kə nə̀, N nam khə ndəm uchɔd ni koʼ isə tə̀ wù nə ney mmuu n Kəzə̀ mə n dzuu. Mə i sa loʼ kə nə imôw ni ndòw kùm n nəŋə zey zə maynə tii.

Lukas 14:14

kùmnə ghə i way ni tsə dzəŋŋə wɔ, sey, wə nə keeli ibuulə, abə ghə̂ ghey ghə loʼ tsətsəghə nə zhəm dzəŋŋə bənə nə ivə.”

Lukas 3:16

Jɔn n beeli ndòw ghə adzəm dza, “mə, n fuu ghaa n Mmuu n Kəzə̀ mə nə n mmuu, wù loʼ bəghənu, tə tsə̀ghə̀shinə mə. N ka buʼ kɔʼ kpii dzə ni zii baʼ u təgow u wi. Tə i bəghə fuu ghaa n Mmuu n Kəzə̀ mə n daʼa kə Zay kə Zow kə nsə nə uvəllə.

Tùm i dzuŋu zə kuum Yeso Klisto tə Jɔn â tɔɔnə 1:33

Wû wuŋ, mə â khə way nə̀ à loʼ wi Zə̀ kə â dza naŋa nə̀ i tûm bənu, â loʼ Zə̀ kən kə â tûmnə mə nə̀ n bə fuu mmuu n Kəzə̀ nə n mmuu, kə â dzanə tə̀ mə nə̀, ‘Wù wey wə i koʼnə Zay kə Zow kə, kə tsuu mwaa tsunə n kow wi, a loʼ wi tə i fuunə Zay kə Zow kə.’”

Tùm i dzuŋu zə kuum Yeso Klisto tə Jɔn â tɔɔnə 5:29

Abə ghə nə zownə dzə̂ ə Waa Kəzə̀ zən, ghə i zhəm dzəŋŋə bə. Ghə̂ ghey ghə â ghəŋŋənə ndzuŋ, ghə i keeli imuu, abə ghə̂ ghey ghə â ghəŋŋənə ghəə a bəbə ghə, ghə i saʼ ghə, ghə tûm ndow ghə n luʼu key ghə chɔdlɔnə ghə̂ ghə a fu.”

Kəfwaʼ 10:47

“N khənu nə wù loʼ way dzə fa tə loʼ ni tuu nə̀ ghə̂ ghən ka ney mmuu n Kəzə̀ mə nə mmuu n təŋkey, ghə n keeli soʼo Zay kə Zow kə tə a loʼ saa.”

Kəfwaʼ 13:3

Ambə ghə bam may tsunə dzuu zə, gɔŋŋə may tsu soʼo, ghə n gaʼ ndow awɔɔ n tow u ghə, tûm nuu shi ndow ghə.

Kəfwaʼ 16:15

Ambə tə ney kɔʼnə mmuu n Kəzə̀ mə ghi ghə ghey n ndaw wi adzəm, tə n dza tə ghey nə̀, “Abə ghaa koʼnə nə̀ n loʼ wù wey n ndzəm bəghəmnə tə Mûkəbii, ghaa n bə muu bə fa n ndaw zuŋ.” Tə n ghəŋŋə kə sey, kɔŋŋə nuu ndow ghey.

Kəfwaʼ 16:33

Wù wey tə â laalənə ndaw tsaʼ zən n ney kɔʼ ghə n tsuʼu tə wey, ndow sow maʼa tsu fəŋ a ghə. Wi ghi ghə̂ a ndaw wi ghə adzəm n daŋŋə ney kɔʼ mmuu n Kəzə̀.

Kəfwaʼ 17:18

Ghə̂ a dii a kəmàʼlə a loʼ ghə, ghə loʼnə n zəghə wə Epikurya nsə a Stɔyk n ndow bə fu, ghɔɔmə ballə ghi wi. A loʼ ghə bəbə nə̀, “Wù wən baa ləghə ni dza nə̀ ngee tə sə ndzaŋŋə luʼu tə fa nə ighɔɔmə ə?” A loʼ ghə n dza nə̀, “À loʼ kə tə̀ tə khəə ghəə a zə̀ u tətùm.” Ghə â ghɔɔmə sey n təŋkey, Pɔl â naʼlə tûm i dzuŋu zə kuum Yeso tə ghə nsə ghəə a zhəm dzəŋŋə ghə nə ivə.

Kəfwaʼ 2:38

Pita n dza tə ghə nə̀, “Kwey nuu bə na fə̀ŋ tə ghaa tə n ghəə a bəbə ghə, ghaa ney mmuu n Kəzə̀ n zəd i Yeso Klisto, tə Zə̀ kə neyzəə ghəə a ghaa a bəbə ghə. Sey, Zə̀ kə i fuu ghaa n naamə kə nə̀ a loʼ Zay kə Zow kə.

Kəfwaʼ 2:41

Ndəmə aghə̂ n bəghəm ghɔɔmə i wi, ney mmuu n Kəzə̀. Taŋ a ghə̂ ghey ghə â bəghəmnə tə Yeso n tsuʼ fə tii fə n loʼ tə a loʼ aghə̂ təkam tətəghə.

Kəfwaʼ 23:6

Nghee Pɔl koʼ tɔb kɔʼ nə̀ dəŋə kə loʼ kə mə loʼ ghə̂ a Sadusi, kə loʼ kə n loʼ ghə̂ a tə Falasi, tə n buʼ shi kɔʼ kəbɔŋ n ndaw tsə nə̀, “Waazə ghə, n loʼ wù Falasi, ghə bày bày ghuŋ a loʼ ghə̂ a tə Falasi. Ghə mə fa saʼa nghee n bəghəmnə nə̀ Zə̀ kə i ghəŋŋənu nə̀ ghə̂ a kpuu a zhəm dzəŋŋə bə nə ivə.”

Kəfwaʼ 24:15

N ləmmə tənə tə Zə̀ kə ighələ tə ghə ləmmə tənə soʼonə nə̀ ghə̂ ghən ghə loʼnə tsətsəghə nsə ghə̂ ghən ghə way tsətsəghə, i zhəm dzəŋŋə bənu nə ivə.

Kəfwaʼ 24:21

A may kə ighəə imɔʼ mə â taw shi kɔʼnə n ndzə̂ tii nə n loʼ ghi ghə n ndaw tsə̂. Mə â dza nə̀, ‘Ghə mə na fa saʼa boʼnə n naʼlə nə̀ ghə̂ a zhəm dzəŋŋənu nə ivə.’”

Kəfwaʼ 24:25

Ambə Pɔl tɔʼ tiilə dza ndow tə ghə nghee ghə̂ a khə ni loʼ tsətsəghə tii, zuŋu uwû, nsə nghee Zə̀ kə nə saʼanə ghə̂ ghə tii. Tsəŋ zə n kwu Feliks, tə n dza nə̀, “Khəə ndow nya, abə mə i ndzɔʼ keeli tsu nəŋə zə, Mə i kəm tɔŋɔ bə wɔ.”

Kəfwaʼ 26:8

A loʼ kee i tawnə tə ghaa ghən ghaa loʼnə fa, ni bəghəm nə Zə̀ kə loʼnu ni zhəm nuu dzəŋŋə bə wù nə ivə?

Kəfwaʼ 4:2

Ghə̂ ghən â bə koʼ bə Pita ghi Jɔn n təŋkey nəghə mə â ngii fəə ghə nghee ghə diinə ghə̂ ghə n ghəə ghə bòʼ Yeso. Ghə â naʼlə nə̀ Yeso zhəm dzəŋŋə nə ivə, dii tsu nə̀ wù loʼnu ni zhəm dzəŋŋə nə ivə.

Kəfwaʼ 6:6

Ghə n ney teyyə naŋa shi bə ghə̂ ghən asəghəmbəghə n sə kə ngəd tə Yeso tey, ghə n gɔŋŋə tə ghə, gaʼ ndow awɔɔ n tow u ghə.

Roma 2:16

Tûm i dzuŋu zən n naʼlənə, bɔɔmə dii bə nghee zə i doʼlənə tii abə Zə̀ kə i saʼanə ghəə ghən a nyi doʼonə n fə̀ŋ tə aghə̂ tə n bam i Yeso Klisto.

1 Kɔrint 10:2

Ghə n dzəŋi ney kɔʼ mmuu n Kəzə̀ nə təmbaʼ nsə n naali kə dzuu kən nghee tə ghə â dzûmə ndownə Mushi.

1 Kɔrint 12:13

N jìi i mɔʼɔ zə, saa adzəm, abə wə loʼ kə wù Juu nkee wù wən tə way wù Juu, wə loʼ kəkɔd nkee wù ngəŋ, a loʼ kə Zay kə Zow kə mɔʼɔ kə, kə fuunə ghaa n mmuu n Kəzə̀ mə ni ghəŋə nə̀ saa doʼo nə kəfə kəmɔʼ. Ghəə zey i loʼnə, loʼ nə̀ saa dzəŋi khə kə Zay kə Zow kə kəmɔʼ.

2 Kɔrint 5:10

Saa adzəm khə ni teeli təmi n sə̂ kə Klisto, tə saʼ saa. Tə i fuu kə naamə kə kay wù n fwaʼ kən tə fwaʼnə fa mbi tə̀ a loʼ a wù sɔŋtsuʼ, nə̀ a loʼ kə fwaʼ kə dzuŋu kə nkee kə bəbə kə.

Filipi 3:21

N daʼa key tə khənə ni ney naŋa bə ufə̂ udzəm n tənə wi, tə î kwey nuu kɔʼɔ vən fə uwû fə wù sɔŋtsuʼ fə saa fən, tə fuu saa n ndzoʼo vən fə uwû fey Zə̀ kə â fuunə tə wi nghee tə â zhəm dzəŋŋə bənə wi nə ivə.

Kolose 2:12

N sey dza n təŋkey, ghə mâ tsələ dzəŋi ghaa ghi Klisto n mmuu n Kəzə̀ mən ghə â fuunə tə ghaa. Ghaa n zhəm dzəŋŋə bə soʼo ghi wi, keeli kɔʼ muu i fəghə zə, tənkey ghaa gaʼ fə̀ŋ n daʼa K-a-zə̀, tə â zhəm dzəŋŋə bənə Klisto nə ivə.

2 Timoti 2:18

Ghə̂ ghən dii ghəə ghey a way isəŋə. Ghə dii nə̀ ghə̂ a mâ nə kpu, zhəm dzəŋŋə tsəghə nə ivə. Laʼlə kə ighɔɔmə kə ghə kə tii kə fwɔdlɔ maʼa ghə̂ a loʼ ghey ghə bəghəmnə tə Klisto.

Hibru 11:35

À loʼ bəghəm i fə̀ŋ zən gheyzən ghə â khənə n kow Zə̀ kə, zə â ghəŋə tsu nə̀ ghə̂ a ghə ghən ghə â kpuulənə nə̀ ghə zhəm dzəŋŋə bə nə ivə. A loʼ bəghəm i fə̀ŋ zə â ghəŋənə nə̀ a loʼ a tuu ni shi n ndaw tsaʼ, ghə n fəghə fu n ndaw tsaʼ, bə kpu daŋŋə soʼo, sey nə̀, ghə loʼ ni keeli muu zey i dzɔb tsəghənə i zən abə ghə i zhəm dzəŋŋə bənə nə ivə.

Hibru 9:10

Ghəə ghən adzəm ghə ghəŋŋənə, ghə ghəŋŋə ndow bòʼ ghəə a zə̂ə ghə, ghəə a məə ghə nsə ghəə a sow a wù ghə tə̀ laŋ kə Mushi kə diinə. À wən maŋ loʼ kə ghəə a gow uwû, zə i keeli kə kəfwaʼ nya nsə ni ndow kuum n nəŋə zey Zə̀ kə i kəm faalə tsu ghəə ghə.

2 Pita 3:7

Zə a kee loʼ nə̀ n ghɔɔmə i wi i mɔʼɔ zən, Zə̀ kə n baʼ naŋa shi bə dəŋ key kə loʼnə nya nsə ghəlitsə kə nə̀ ghə i ləmmə tsu nəŋə zey tə i saʼanə ghə̂ ghey ghə ngɔɔmə way wi. Tə i ləŋi maʼa ghə nə uvələ.