Hibru 6:18 - Kaa n Kəzə̀ n fəghə mə

¹⁸ Sey, Zə̀ kə n dzəŋi fuu bə aghəə abəghə, ghəə zən tə a dza nə̀ tə i ghəŋŋənu nsə kaa n wi mə. Sey, ghəə ghən abəghə a way ni kwey boʼnə Zə̀ kə badla way ghəə ghə. Nsə sey, saa ghən saa nyəŋə ndownə n səə wi nə̀ tə tsəd naŋa saa, khə way tsəŋ zə, abə saa təmi taw tsu dzənə ni ləmə fə kən kə i bəghənə tə̀ saa.

Hibru 6:18 ပူးပေါင်းရင်းမြစ်များ

Matyo 24:35

Bikighow nsə ghəlitsə kə î tsəghə nuulənu, ghɔɔmə zuŋ i nə tsəghə koʼ way.”

Matyo 3:7

Ambə Jɔn koʼ tsunə ndəmə ghə̂ a tə Falasi nsə ghə̂ a tə Sadusi a bəghə soʼonə ni bə ney mmuu n Kəzə̀, tə n dza tə̀ ghə nə̀, “Ghaa loʼ tə̀ a loʼ zuu tə̀ bəbə tə! À ghaa mbɔŋ tsə̀ ndee nə̀ ghaa tyi ngoʼo Kəzə̀ zən i bəghənə ə?

Lukas 2:25

Wù loʼ â loʼ fu n Yerosalem ghə â tɔŋŋənə nə̀ a loʼ Shimiɔŋ. Mû i wi zə n loʼ tsətsəghə n sə̂ K-a-zə̀. Tə n naŋŋə laŋ u Kəzə̀. Zay kə Zow kə n loʼ ghi wi. Tə n ləmmə tənə tsuʼ fey Zə̀ kə î bəghəshiənə ghə̂ ghə Izree ghə tii.

Roma 15:5

N gɔŋŋə nə̀ Zə̀ kən kə kuunə fə̀ŋ tə ghə̂ tə, ghəŋŋə soʼo nə̀ ghə̂ ghə i loʼ ni kow fə̀ŋ, kə ghəŋə nə̀ ghaa i loʼ ni khə ndzoʼo fə̀ŋ zey Klisto â khənə n fəŋŋə kə ghaa.

Roma 3:25

Zə̀ kə â fuu bə Klisto tə aloʼ umaʼlə ni kàa maʼa ghəə a saa a bəbə ghə, seynə abə saa gaʼnə fə̀ŋ kow Yeso Klisto wən â kpuunə n zad kə fəkaʼ, Zə̀ kə i neyzəə saa n ghəə saa a bəbə ghə boʼ və i Yeso n tow u ghey. Zə̀ kə â ghəŋə sey ni dii bə nə̀ tə loʼ tsətsəghə n ghəə a wi. N num tə ibam tə, Zə̀ kə â koʼonu ghəə a bəbə ghən ghə̂ ghə â ghəŋŋənə, tə n kee kow kə fə̀ŋ. Sey, tə n ka chɔd aghə̂ n ghəə a bəbə ghey ghə â ghəŋŋənə n nəŋə i tii zə.

Roma 3:4

Ngaŋ! Abə aghə̂ adzəm fa n mbi tsəm loʼ kə ghə̂ a badla ghə aghəə ghə, Zə̀ kə kee dza tsə kə isəŋə nəŋə tədzəm. I loʼ tə i tɔ̀ɔ doʼo n màʼlə K-a-zə̀ nə̀, “Zə̀ kə, aghə̂ adzəm a khə ni keeli nə̀ wə naŋŋənu ghɔɔmə zə zə̀, Nə̀ ghə kwu kə wɔ n ghə i ghaa zə, wə i saʼa zəənu.”

Roma 5:5

Ləmə zən saa ləmmənə, way dzə ni doʼo kənunu n təŋkey, Zə̀ kə n kuu naŋa ləghə i wi zə n fə̀ŋ tə saa naʼidzəm n wû u Zay kə Zow key tə fuunə tə saa.

Filipi 2:1

Nghee ghaa loʼnə nə kəfə kəmɔʼ ghi Klisto, i kuunu fə̀ŋ tə̀ ghaa tə ə? Ləghə zən tə khənə n kow ghaa tsəmmənu ghaa a? Zay kə Zow kə naŋŋənu ghaa nə kəfə kəmɔʼ ə? Ləghə zən Klisto khənə n kow ghaa ghəŋŋənu nə ghaa i khə ləghə zə n wû i ghaa, khə soʼo sî i kwɔɔlə zə ə?

Kolose 1:23

A kee loʼ kə nə̀, ghaa təmi taw tsu n bəghəm i fə̀ŋ i ghaa n tûm i dzuŋu zən ghaa zownə. Kə ghaa nə bəghəmnə nə wù loʼ kəm soʼlə ghaa n tûm i dzuŋu zən ghaa â zownə, ghaa n gaʼ fə̀ŋ tii. À loʼ bòʼ tûm i dzuŋu zən, mə Pɔl, n loʼnə wù kəfwaʼ ə Klisto tɔŋŋə tûm i dzuŋu zən ghə naʼlənə tə mbi idzəm.

Kolose 1:27

Zə̀ kə â ləghə ni dii bə ghaʼ i wi nsə ghəə a wi a dzuŋu ghə tə ghə̂ ghən ghə way ghə̂ a Təjuu ghə soʼo. Ghəə zey Zə̀ kə â nyi naŋanə loʼ nə̀, Klisto muu n kow ghaa, dii tsu nə̀ ghaa ləmmə soʼo ni keeli kɔʼlə mən n loʼnə tə̀ ghə̂ a Kəzə̀ ghə.

Kolose 1:5

Bəghəm i fə̀ŋ zən nsə ləghə zən ghaa khənə loʼ n təŋkey ghaa ləmmə tənə ni keeli naamə kən Zə̀ kə naŋanə tə ghaa n fɔ̀ɔ wə idəŋ wə. Ghaa â keeli ndzoʼo moʼlə zən n nəŋə zey ghaa â bəghəmnə tûm i dzuŋu zən kuum Yeso Klisto i loʼnə isəŋə.

1 Tesalonika 1:10

Ghə dza kaabə soʼonu nghee ghaa ləmmənə Waa Kəzə̀ wən tə i tsu bə idəŋ, tɔŋŋə Yeso wən Zə̀ kə â zhəm dzəŋŋə bənə nə ivə. À loʼ wi tə bəghəshiənə saa n nə̀ kə Zə̀ kə nə chɔdlɔnə saa.

1 Timoti 1:1

A màʼlə kən tɔ̀ɔ bə mə Pɔl, n loʼnə ngəd ə Yeso Klisto. N doʼonə tsəndəghə ə wi nə̀ a mə sày Zə̀ kən kə loʼnə bəghəshi ə saa nsə Yeso Klisto wən saa gaʼnə fə̀ŋ n kow wi.

1 Timoti 6:12

Kwu keeli taw tsu bəghəm i fə̀ŋ zə zə̀. Abə wə ghəŋənə sey, wə i keeli muu zə itsali tə a loʼ naamə kə. Zə̀ kə â sày wɔ nə wə keeli ndzoʼo muu i tii zə n nəŋə zey wə â dzanə nə wə bəghəm tə Klisto n sə kə ndəmə aghə̂.

2 Timoti 2:13

Abə saa khə way bəghəm i fə̀ŋ zə n kow wi, Tə i nam loʼ kə wù wey tə loʼnə ghii wə, Tə way dzə ni tuu maʼa wû u wi.”

Taytus 1:2

Isəŋə zən i ghəŋŋənu, ghə i loʼ ni muu, ləmmə tənə nə̀ Zə̀ kə i fuunu ghə n muu zən i may way. Zə̀ kə kən kə badla way ghəə ghə, â təb naŋa saa n muu zə itsali zən tə̀ wi ni bɔm mbi.

Hibru 11:7

A loʼ bəghəm i fə̀ŋ zə â ghəŋənə nə̀ Noa zow tsə̂ i Kəzə̀ n chɔd wən wə â khə ni bə shi nə̀ tə koʼo way. Tə n bɔɔmə zow ndow ghəə ghey Zə̀ kə dzanə, bəghə kɔʼ fə̀n kən kə â bəghəshinə wi ghi sali ndaw i wi zə. À loʼ bəghəm i fə̀ŋ zən Noa â khənə, tə a dii ndownə tə̀ ghə̂ ghə nə̀ ghə̂ a mbi a loʼ ghə̂ a bəbə ghə. Zə̀ kə â ney Noa nə̀ tə loʼ wù wən tə loʼnə tsətsəghə n təŋkey, tə â bəghəm tə̀ Zə̀ kə.

Hibru 3:11

Nghee n fəələ kɔʼnə nəghə wə, mə n kaa i tsu, dza nə̀, ‘Ghə nə nyi koʼ way n luʼu key n bayyə naŋanə tə̀ ghə ni zayyə tii.’”

Hibru 3:6

Klisto kee loʼ waa Kəzə̀ wən tə â fwaʼ dzɔbnə n dzəŋi kə dzûmə tə Klisto. Saa loʼ tə a loʼ ndaw wi abə saa ndownə n sə kə ni kow fə̀ŋ nsə ni ləmə fə key saa ləmmənə nə̀ saa tsəŋə way.

Hibru 6:17

Zə̀ kə â ləghə ni tɔʼ dii ndow tə̀ ghə̂ ghey tə â təb naŋanə təb kə tə̀ ghə nə̀ tə bwuulə maʼa way təb kə wi kə. Sey, tə n zə̂ kɔʼ nkaa n təb kə tii kə.

Hibru 7:19

Tə â ghəŋə sey n təŋkey, laŋ kə â way ni ghəŋə ghə i loʼ zə i khə way chɔd wə. Abə nya ghə n dii saa n jii i dzuŋu zey saa khə ni ləmmə, nə̀ saa loʼ ni tsəghə tii ni ndow n səə Kəzə̀.

Hibru 7:21

Yeso â kee doʼo fɔɔngili nə̀ Zə̀ kə zə̂ kɔʼ nkaa. Zə̀ kə n təb naŋa tsu tə̀ wi nə̀, “Mə Mûkəbii n kaa, Mə i kweyyə soʼo way nə̀, ‘Wə i doʼlə fɔɔngili nə tənəŋə tədzəm.’”

1 Jɔn 1:10

Abə saa dza nə̀ saa ka ghə i bəb i loʼ i ghəŋə koʼ tsə, i sey dii nə̀ saa dza nə̀ Zə̀ kə badla aghəə nsə nə̀ ghɔɔmə i wi i way dzə n kow saa.

1 Jɔn 5:10

Wù wey tə bəghəmnə nə̀ tə loʼ Waa Kəzə̀, sey khənu n fə̀ŋ ə wi nə̀ ghəə ghən Zə̀ kə tiilə dza bənə kuum waa wi loʼ isəŋə. Wù wey tə ka bəghəm tə Zə̀ kə, loʼ wù badla wə aghəə wə, bòʼ nə̀, tə ka bəghəm dzə ghəə ghən Zə̀ kə tiilə dza bənə kuum waa wi.