Hibru 6:12 - Kaa n Kəzə̀ n fəghə mə

¹² Ghey ləghə way nə̀ ghaa doʼo bə ghə̂ a lay ghə, ghey fədlə ləghə nə̀ ghaa i dzûmə ndow ghow kə ibwey kə ghə̂ ghən ghə khənə bəghəm i fə̀ŋ zə, kow soʼo fə̀ŋ ni bə keeli fə key Zə̀ kə â təb naŋanə tə̀ ghə.

Hibru 6:12 ပူးပေါင်းရင်းမြစ်များ

Matyo 22:32

‘N loʼ Zə̀ kə Abraham, Zə̀ kə Ayzik, nsə Zə̀ kə Yakɔb kə.’ Tə way dzə Zə̀ kə ghə̂ a kpuu ghə, tə̀ loʼ Zə̀ kə ghə̂ ghey ghə loʼnə utaw.”

Matyo 25:26

Mûkəbii wey n beeli ndòw wi dza nə̀, ‘Wə loʼ wù kəfwaʼ u bəbə bəbə wə, lay soʼo, wə â fa khənu nə̀, n ləghə ni zə̂ə nə̀ n ka fwaʼ, kpey ufə n luʼu key n ka zəghə.

Lukas 16:22

Ambə wù laa wey kpuu tsunə, tsətəndəghə tə Kəzə̀ tə n ney naŋa ndòw wi n səə Abraham, wù kûm wey n bə kpu tsu soʼo, ghə n ney tsələ ndow wi.

Lukas 8:15

Tə tey tə â tsɔʼlə bənə n zub tə dzuŋu tə, à loʼ ghə̂ ghey ghə zownə ghɔɔmə i Kəzə̀ zə, ngɔɔmə naŋa n fə̀ŋ tə dzuŋu tə, zuŋə kwɔɔ keeli tsu wû i ghə, zə n məə bə tam u dzuŋu wə n muu i ghə.

Roma 12:11

Ndəmi n na wû zə ni fwaʼ, kə ghaa nə doʼlənə ghə̂ a lay ghə. Ghaa khə ni khə zày ni fwaʼa ndow tə Mûkəbii n fə̀ŋ tə ghaa tə tədzəm.

Roma 2:7

Zə̀ kə i fuu muu zə itsali tə̀ ghə̂ ghən ghə buu doʼlə way ni ghəŋŋə ndzuŋ, ləmmə kə tə̀ wi nə̀ tə kɔʼlə naŋŋa kɔʼ ghə.

Roma 4:12

Abraham loʼ soʼo bày tə ghə̂ ghən ghə loʼ nə̀ ghə n səghə tyi u ghə wə. Ghə səghə tyi u ghə n fə̀ŋ, à kad way kə a bii. Ghə a bəghəm soʼo tə̀ Zə̀ kə nghee tə̀ bày saa Abraham â bəghəmnə tə̀ wi nə̀ ghə ka kam səghə tyi kə wi kə.

1 Tesalonika 1:3

Abə ghey gɔŋŋənə tə̀ Zə̀ kə tə loʼnə Bày saa, ghey n moʼlə bə fwaʼ key ghaa fwaʼanə bòʼ bəghəm i fə̀ŋ i ghaa, nsə ghəə a dzuŋu ghey ghaa ghəŋənə bòʼ ləghə zey ghaa khənə n wû i ghaa, ghaa n təmi taw soʼo bòʼ bəghəm i fə̀ŋ zey ghaa khənə n kow Mûkəbii ə saa Yeso Klisto.

2 Tesalonika 1:4

À wən loʼ ghə i tii zə ghey tsɔbənə fə̀ŋ bòʼ ghaa n dzəŋi u dzûmə tə Klisto udzəm. Ghey tsɔbə fə̀ŋ n təŋkey ghaa fəʼlənu, ghə̂ ghə a baa soʼo ghaa bòʼ Kəzə̀, ghaa a kee nam kow kə fə̀ŋ, ndow soʼo n sə kə ni bəghəm tə̀ Zə̀ kə.

Hibru 1:14

Tsətəndəghə tə Kəzə̀ tə baa loʼ ghə ndee? Ghə loʼ zay wən Zə̀ kə â tûm bənə nə̀ ghə bə fwaʼ tə̀ ghə̂ ghey tə i bəghəshiənə ghə.

Hibru 10:36

Ghaa khə ni kow tsu kə təfə̀ŋ sey nə̀, abə ghaa ghəŋə tsunə ghəə ghey Zə̀ kə ləghənə, tə i fuu ghaa n fə key tə â təb naŋanə tə ghaa.

Hibru 11:33

À loʼ bəghəm i fə̀ŋ zən ghə̂ ghən â khənə n kow Zə̀ kə, zə â ghəŋənə nə̀ wù umɔʼ n ghə̂ ghən təm zə̂ tənaʼa n tsam. Ghə â ghəŋə ghəə ghey ghə â kpiilənə n sə K-a-zə̀, Zə̀ kə n fuu tsu ghə n fə key tə â təb naŋanə tə̀ ghə. À loʼ soʼo bəghəm i fə̀ŋ zən ghə â khənə n kow Zə̀ kə, zə â ghəŋənə nə̀ ghə̂ a ghə a loʼ a fìi naŋa dzuu a tədəmow,

Hibru 12:1

Nghee i loʼ nə̀ saa khənu nɔɔ kə aghə̂ kə nii kə, ghə taʼanə ghi saa, saa zəghə maʼa ghəə ghey adzəm a təʼlənə saa n bəghəm i fə̀ŋ i saa nsə ghəə a bəbə ghey a taw doʼo bə n kow saa. Saa nyəŋ n fə̀ŋ tə saa tə tədzəm ni keeli fə key Zə̀ kə təb naŋanə tə̀ saa.

Hibru 13:7

Kə ghaa nə neyzəənə ghə̂ ghey ghə â diinə ghaa n jìi, tɔŋŋə ghə̂ ghən ghə a khəənə ghəə a Kəzə̀ ghə tə̀ ghaa. Moʼlə tsuu n na jìi zey ghə â muunə tii, ghaa dzûmə ndow ghow kə ibwey kə ghə n bəghəm i fə̀ŋ zey ghə â khənə n kow Zə̀ kə.

Hibru 5:11

Ghey khənu ndəmə aghəə ni dza bòʼ ghəə zən, à kee loʼ nə̀ i tawnu ni tiilə dza bə tə̀ ghaa n təŋkey, ghaa way ni mbad zow tɔb ighəə.

Hibru 6:15

Sey, nghee Abraham kow tsunə fə̀ŋ ni ləmə, tə n bə keeli kɔʼ fə key Zə̀ kə â təb naŋanə tə̀ wi.

Jems 1:3

n təŋkey chɔd mən mɔm koʼo bəghəm i fə̀ŋ i ghaa sey nə̀, ghaa loʼ ni təmi taw n bəghəm i fə̀ŋ zey ghaa khənə.

2 Pita 1:10

Sey waazə ghuŋ ghə, ghaa ngii dəm tsu ni dii tsu nə̀ Zə̀ kə sày shi bənu ghaa nə̀ ghaa bə doʼo ghə̂ a wi. Abə ghaa ghəŋŋə dzənə sey, ghaa nə bwu koʼ way n bəghəm i fə̀ŋ i ghaa.

1 Jɔn 2:25

Klisto a təb naŋa nə̀ fə kən tə i fuunə tə saa, loʼ muu itsali zə.

Chi dii 13:10

Abə wù loʼ nə̀ ghə khə ni kwu fìi naŋa wi n ndaw tsaʼ, ghə i teeli kwɔɔ fìi naŋŋənu wi. Wù wən i loʼ nə̀ ghə khə ni wey wi n kɔb, ghə i teeli weynu wi n kɔb. Ghəə ghən dii bə nə̀ ghə̂ a Kəzə̀ a zow a khə ni kow tsu fə̀ŋ, ghə n təmi taw tsu n bəghəm i fə̀ŋ i ghə n kow Zə̀ kə.