Hibru 5:2 - Kaa n Kəzə̀ n fəghə mə

² Nghee fɔɔngili u nii nii wən loʼ nə̀ à loʼ wù sɔŋtsuʼ, tə loʼnu ni bwu khə̂mə, à kee loʼ nə̀ tə loʼnu ni maʼa uwû ghi ghə̂ ghey ghə ghəŋŋənə bəb zə nə̀ ghə khə way nsə ghə̂ ghey ghə nyəŋə laʼa ndownə.

Hibru 5:2 ပူးပေါင်းရင်းမြစ်များ

Lukas 22:32

“À kee lòʼnə mə̀ n gɔŋŋə tə wɔ a Shimun, nə khə bəghəm i fə̀ŋ zə i nə buu doʼonə, abə wə̀ i təmi dzəŋŋə bənə, wə̀ i gàamə̀ soʼo waazə ghə.”

2 Kɔrint 11:30

Sey, abə n khə ni teeli tsɔb fə̀ŋ, mə î tsɔbə fə̀ŋ n ghəə ghey a diinə nə̀ n laynu.

2 Kɔrint 12:5

Sey, n loʼnu ni tsɔb fə̀ŋ bòʼ ndzoʼo wù wən. N way ni tsɔb fə̀ŋ n wû wuŋ, abə n dza i tsɔb fə̀ŋ, n tsɔbə fə̀ŋ n ghəə ghey a diinə nə̀ n laynu.

Galeshia 4:13

Ghaa khənu nə̀ â ghəŋə dzaŋ zuŋ nə n keeli kəbuʼ ni bə naʼa tûm i dzuŋu zə fa tə ghaa n nəŋə i sə isə zə.

Efesus 4:18

Fə̀ŋ tə ghə tə zowkeeli way ghə i loʼ zə n ghəə a Kəzə̀, ghə khə soʼo way wɔɔ kə n muu zən Zə̀ kə fuunə, n təŋkey, ghə khə way ghə i loʼ zə, taw soʼo n tow kə.

1 Timoti 1:13

Nghee mə â loʼ nə̀ n ka kam bəghəm tə Klisto, mə â ghɔɔmə bəəbə tsə bòʼ wi, tsayyə wi, chɔdlɔ tsə soʼo wi. Zə̀ kə n kee kwɔɔlə isî n kow mə boʼnə mə â ka kam keeli dzə bəghəm i fə̀ŋ zə, mə n khə soʼo way ghəə ghey mə â ghəŋŋənə.

Hibru 12:13

Ghaa ghəŋə nə̀ jìi zey ghaa bweynə tii i loʼ tsətsəghə, sey nə̀, ghə̂ ghey ghə bəghənə n baa ghaa, nghee ghə buʼ loʼ kə nə̀ ghə ngɔdlɔ bweynu, ghə i way ni nii bwu, ghə i fədlə taw dzɔbə.

Hibru 2:17

À wən loʼ ghə i tii zə Zə̀ kə a khə ni ghəŋə tsu nə̀ tə doʼo bə tə̀ a loʼ saa waazə a wi nə təjìi tədzəm sey nə̀, tə loʼ ni doʼo bə fɔɔngili u nii nii wə. Tə wən ghə loʼ ni gaʼ fə̀ŋ n kow wi, tə khə soʼonə sî i kwɔɔlə zə. Sey nə̀ tə loʼ ni ney fuu ndow wû u wi tə̀ a loʼ umaʼlə ni sow maʼa ghəə a bəbə ghən ghə̂ a ghəŋŋənə.

Hibru 2:18

Nghee i loʼ nə̀ wû u wi, tə mâ fəghə, ghə n mɔm koʼ soʼo wi nə̀ tə bwù n ghəə a bəbə ghə, à wey loʼ ghə i tii zə tə loʼnə ni gaamə ghə̂ ghey ghə mɔm koʼo soʼonə ghə nə̀ ghə bwu n ghəə a bəbə ghə.

Hibru 4:15

N dza sey n təŋkey, fɔɔngili u nii nii wən way dzə ni doʼo nə̀ tə ka kwɔɔlə sî zə n kow saa abə saa bwu khə̂mə tsunə. Saa fəd khə fɔɔngili u nii nii wə, ghə â mɔm koʼnə wi nə təjìi tədzəm tə̀ ghə mɔm koʼonə saa, tə n ka kee ghəŋə dzə ghə i bəbə i loʼ zə.

Hibru 7:28

Laŋ kə Mushi kə â say kɔʼɔ ghə fɔɔngili a nii nii ghə n fəŋŋə kə aghə̂, nə̀ aghə̂ adzəm loʼ ni ghəŋə bəəbə. À kee loʼ nə̀ kaa mən mə â bənə n bàa kəlaŋ â tsuʼ naŋa kɔʼ waa Kəzə̀ wən tə ghəŋŋə bəəbə koʼo tsə way.

Hibru 9:7

À kee may kə fɔɔngili u nii nii wə tə â nyiə tsənə n dzuu i kəfəə i fə̀ŋ zey nəŋə imɔʼ nə kənum. Tə n ney kɔʼ təkaŋ ni ndow fəələ tə̀ Zə̀ kə n tow kə wi nsə n ghəə a bəbə ghən ghə̂ a ghəŋŋə nə̀ ghə khə way nə̀ ghə sey ghəŋŋə bəəbənu.

Jems 5:19

Waazə ghuŋ ghə, abə wù ghaa u loʼ u ney dzəŋŋə bənə wù wey tə nyəŋə laʼa ndownə n jìi zey i way isəŋə,

1 Pita 2:25

I loʼ sey n təŋkey, ghaa â loʼ tsə tə a loʼ tənjì tə laʼa nay ndownə, a kee bə nya ghə n ghaa ney dzəŋŋə bə nə̀ ghaa i dzûmə ndow wù baʼa u tənjì wə nsə wù wən tə laalənə fə̀ŋ tə ghaa tə.