Hibru 5:13 - Kaa n Kəzə̀ n fəghə mə

¹³ Wù wən tə nam nyɔŋɔnə ghii zə, tə sey nam loʼ tə̀ a loʼ waa, tə ka kam tɔʼ keeli dzə ghəə zey i ghəŋŋənə nə̀ tə doʼo tsətsəghə n sə̂ K-a-zə̀.

Hibru 5:13 ပူးပေါင်းရင်းမြစ်များ

Matyo 11:25

Yeso n gɔŋŋə tsu n nəŋə i tii zə nə̀, “N fuu bə kəzɔŋŋə tə̀ wɔ a Bày wuŋ, Muu ə kədəŋ nsə ghəlitsə kə, n təŋkey, wə̀ â nyi naŋa ghəə ghən tə̀ ghə̂ a tɔbə ghə nsə ghə̂ a kəmàʼlə ghə, wə̀ u dii fu tsunə tə̀ ghinətəghə ghə.

Malakus 10:15

N kuum dza bə isəŋə tə̀ ghaa nə̀, abə wù ka bəghəm fɔɔ u Kəzə̀ tə̀ a loʼ winətəghə, tə nə̂ nyi koʼ way fu.”

Roma 2:20

Ghaa dii ghə̂ ghey ghə khə way ghəə a Kəzə̀ ghə, dii soʼo ghə̂ ghey ghə ka kam beyyə n ghəə a Kəzə̀. Ghaa moʼlə nə̀ nghee ghə khə dzənə laŋ kə Mushi kə, ghaa khə may aghəə adzəm, ghaa way ni ghəŋə soʼo ghə i loʼ zə nə̀ à way isəŋə.

1 Kɔrint 13:11

Nghee mə a loʼnə winətəghə, mə n ghɔɔmə tə̀ a loʼ winətəghə, moʼlə tuŋ tə n loʼ moʼlə tə winətəghə, mə n ghəŋŋə soʼo aghəə tə̀ a loʼ winətəghə. Ambə n nyəm kɔʼnə n wù, mə n zəghə maʼa ndow ghəə ghə a ghinətəghə.

1 Kɔrint 14:20

Waazə ghə, kə ghaa nə moʼlə nə̀ ghəə ghə tə̀ a loʼ aghinətəghə. Abə i bənə ni ghəŋə ghəə a bəbə ghə, ghaa khə ni loʼ tə a loʼ aghinətəghə. A kee bə n jìi zey ghaa zowkeelinə ghəə ghə tii, ghaa khə ni loʼ tə a loʼ agheynyim.

1 Kɔrint 3:1

Waazə ghə, mə â way dzə ni ghɔɔmə tə̀ ghaa tə̀ n ghɔɔmənə tə̀ ghə̂ ghey Zay kə Zow kə loʼnə n kow ghə. Mə â fəd khə ni ghɔɔmə tə̀ ghaa tə̀ a loʼ ghə̂ ghey ghə nam loʼnə n muu i mbi zən, loʼ soʼo tə à loʼ aghinətəghə n bəghəm i fə̀ŋ i ghə n kow Klisto.

2 Kɔrint 3:9

Abə laŋ kən kə i ghəŋŋənə nə̀ ghə̂ a kpuulə loʼ ni nyiəllə, i sey dii nə̀ kə kən kə ghəŋŋənə nə̀ ghə̂ a doʼo tsətsəghə i nyiəllə tsəghəshiənu.

Efesus 4:14

Sey, saa i kəm way dzə tə̀ a loʼ aghinətəghə n bəghəm i fə̀ŋ i saa. Saa i kəm fwɔdlɔ way tə̀ a loʼ kəfən n dzuu, zəŋ maŋa tənnə kaabənə, zə n tən n bad kən, zə n kəm tən ndow n bad kə key, ghə̂ a tsìi ghə i way ni maŋ sìi ndzəŋ saa n tɔb u ghə u tsɔŋɔ wə.

2 Timoti 3:16

À loʼ Kəzə̀ kə ghəŋŋənə nə̀ ghə̂ a tɔ̀ɔ ghəə ghey a tɔ̀ɔ doʼonə n màʼlə K-a-zə̀. Ghɔɔmə i Kəzə̀ zən loʼ ni dii ghə̂ ghə nə̀ isəŋə tii, kpaa ghə̂ ghey ghə ghəŋŋənə ghəə a bəbə ghə tii, ni dza ndow ghəə ghey ghə̂ a ghəŋə bəəbənə sey nə̀, ghə loʼ ni ghəŋə ghəə a dzuŋu ghə tii. Ghɔɔmə i Kəzə̀ i tii i loʼ soʼo ni tsə̀ə ghə̂ ghə tii nə̀ ghə i muu n jìi zey i loʼnə tsətsəghə.

1 Pita 2:2

Ghaa i mbuŋŋə ni nyɔŋ ghii n Zay kə Zow kə n loʼnə ghɔɔmə i Kəzə̀ zə tə̀ waa nə mbuŋŋənə ni nyɔŋ ghii n nay wi, sey nə̀, abə ghaa məənə ghii n tii mə, ghaa i loʼ ni tɔʼ beyyə taw tsu n bəghəm i fə̀ŋ i ghaa, Zə̀ kə i bəghəshi soʼo ghaa.

2 Jɔn 1:11

Təŋkey, wù wey tə tɔŋɔ zownə wi, tə sey təmdzəŋi dzə wi n ghəə a bəbə ghən tə ghəŋŋənə.