Hibru 2:17 - Kaa n Kəzə̀ n fəghə mə

¹⁷ À wən loʼ ghə i tii zə Zə̀ kə a khə ni ghəŋə tsu nə̀ tə doʼo bə tə̀ a loʼ saa waazə a wi nə təjìi tədzəm sey nə̀, tə loʼ ni doʼo bə fɔɔngili u nii nii wə. Tə wən ghə loʼ ni gaʼ fə̀ŋ n kow wi, tə khə soʼonə sî i kwɔɔlə zə. Sey nə̀ tə loʼ ni ney fuu ndow wû u wi tə̀ a loʼ umaʼlə ni sow maʼa ghəə a bəbə ghən ghə̂ a ghəŋŋənə.

Hibru 2:17 ပူးပေါင်းရင်းမြစ်များ

Roma 15:17

Nghee n loʼ dzənə nə kəfə kəmɔʼ ghi Yeso Klisto, n loʼnu ni kɔʼlə uwû n fwaʼ kən n fwaʼanə tə̀ Zə̀ kə.

Roma 5:10

N sey dza n təŋkey, abə və i waa wi zə â loʼ ni ghəŋə nə̀ saa ghə̂ a təngəmə a Kəzə̀ a doʼo bə nə kəfə kəmɔʼ ghi Zə̀ kə. Nya wən saa loʼnə nə kəfə kəmɔʼ ghi Zə̀ kə, i sey dii nə̀ Klisto i bəghəshiənu saa n təŋkey tə loʼ utaw.

Efesus 2:16

A loʼ n və i wi n zat kə fəkaʼ tə ghəŋə nə̀ baa zə iwû zey ghə a khənə i may. A loʼ n bam i və i wi n zat kə fəkaʼ tə ghəŋə nə̀ naʼa tən təbəghə, tə doʼo bə nə kəfə kəmɔʼ, ney dzəŋŋə bə ghə n səə Kəzə̀.

Kolose 1:21

Ghaa loʼ soʼo n taŋa tii, n təŋkey ghaa a buʼ way tsə ghi Zə̀ kə, ghaa n loʼ tsə ghə̂ a təngəmə a wi bòʼ ghəə a ghaa a bəbə ghən ghaa â ghəŋə tsənə ghi moʼlə tə ghaa tə bəbə tən ghaa â khə tsənə n fə̀ŋ tə ghaa.

Hibru 10:21

Nghee saa khənə fɔɔngili u səŋi wə tə loʼnə tow kə n ndaw Kəzə̀,

Hibru 2:11

Yeso ghi ghə̂ ghey tə â sow maʼa tsunə bəb i ghə zə, dzəŋi khə bày umɔʼ. À wey loʼ ghə i tii zə Yeso dədlə way n tow kə ni tɔŋɔ ghə nə̀ a loʼ waazə a wi.

Hibru 2:14

Nghee waa a Kəzə̀ a loʼnə ghə̂ ghə, ghə khə gow uwû, khə soʼo təkaŋ. À wey loʼ ghə i tii zə Yeso n wû u wi wə â doʼo bə soʼonə wù sɔŋtsuʼ sey nə̀, abə tə i bə kpu tsunə, tə i wey maʼa daʼa key kə ghəŋŋənə nə̀ ghə̂ ghə i kpuulə tɔŋŋə daʼa kə avəətsəə.

Hibru 2:16

À loʼnu isəŋə nə̀ Yeso â ka bə dzə ni bə gaamə tsətəndəghə tə Kəzə̀, tə â bə ni bə gaamə waa a waa ghə Abraham.

Hibru 3:1

Waazə ghuŋ a zow ghə, ghaa ghən Zə̀ kə tɔŋɔnə nə̀ ghaa dzəŋi doʼo ghə̂ a wi idəŋ, gaʼ ndow na fə̀ŋ tə ghaa n kow Yeso wən Zə̀ kə tûm bənə nə̀ tə bə doʼo fɔɔngili u nii nii wə tə̀ saa.

Hibru 3:2

Yeso â fwaʼ dzɔbnu tə̀ Zə̀ kən kə â sày naŋanə wi, ighələ tə̀ Mushi â fwaʼ dzɔbnə n dzəŋi kə dzûmə tə Klisto.

Hibru 3:5

Mushi â fwaʼ dzɔbnu fwaʼ kə wi kə tə̀ a loʼ wù kəfwaʼ n dzəŋi kə dzûmə tə Klisto, tə n dza naŋa zey bə ghəə ghən Zə̀ kə â khə ni nam bə dza.

Hibru 4:14

Sey, nghee i loʼ dzə nə̀ saa khənu taw kə fɔɔngili u nii nii wən tɔŋŋə Yeso, tə loʼnə waa Kəzə̀, nə̀ tə n tsəghə tɔɔlə, ndow nyi n luʼu key Zə̀ kə loʼnə tii idəŋ, saa bɔɔmə təmi tən tsu kə n bəghəm i fə̀ŋ zey saa khənə n kow Zə̀ kə.

Hibru 4:15

N dza sey n təŋkey, fɔɔngili u nii nii wən way dzə ni doʼo nə̀ tə ka kwɔɔlə sî zə n kow saa abə saa bwu khə̂mə tsunə. Saa fəd khə fɔɔngili u nii nii wə, ghə â mɔm koʼnə wi nə təjìi tədzəm tə̀ ghə mɔm koʼonə saa, tə n ka kee ghəŋə dzə ghə i bəbə i loʼ zə.

Hibru 5:1

Zə̀ kə sày shiə bə tsə kə fɔɔngili u nii nii wə n fəŋŋə kə waazə a wi. Ghə n tsuʼ naŋa kɔʼ nə̀ tə i ghɔɔmə tə Zə̀ kə n tow u ghə, fuu kənaamə tə̀ Zə̀ kə n tow u ghə, fəələ soʼo umaʼlə tə̀ Zə̀ kə nə̀ tə neyzəə ghəə a ghə a bəbə ghə.

Hibru 5:10

Zə̀ kə mâ wi tsuʼ naŋa nə̀ tə doʼo fɔɔngili u nii nii wə tə̀ a loʼ Mekisedek.

Hibru 5:2

Nghee fɔɔngili u nii nii wən loʼ nə̀ à loʼ wù sɔŋtsuʼ, tə loʼnu ni bwu khə̂mə, à kee loʼ nə̀ tə loʼnu ni maʼa uwû ghi ghə̂ ghey ghə ghəŋŋənə bəb zə nə̀ ghə khə way nsə ghə̂ ghey ghə nyəŋə laʼa ndownə.

Hibru 5:5

N jìi i mɔʼɔ zə, à way dzə Klisto tə â sàynə wû u wi wə ni doʼo fɔɔngili u nii nii wə nə̀ ghə̂ ghə i fuu bə wi n kɔʼlə mə. Â fəd loʼ Kəzə̀ kə â dza ndownə tə̀ wi nə̀, “Wə loʼ waa wuŋ, Ni ney nuu tsu na, n loʼ bày wə.”

Hibru 6:20

Yeso mâ nyi doʼo fu isə n tow u saa tə̀ saa ni ndow fu, tə u doʼo tən fɔɔngili u nii nii wə tə̀ saa tə̀ a loʼ Mekisedek.

Hibru 7:26

Yeso sey loʼ fɔɔngili u nii nii wən tə kɔʼ kpiinə ni laalə ghəə a saa ghə. Tə u zow, khə way bwu zə nkee bəb i loʼ zə n kow wi. Zə̀ kə a ney nuu shi kɔʼ wi n fəŋŋə kə ghə̂ a bəbə ghə, kɔʼlə naŋa kɔʼ wi idəŋ.

Hibru 7:28

Laŋ kə Mushi kə â say kɔʼɔ ghə fɔɔngili a nii nii ghə n fəŋŋə kə aghə̂, nə̀ aghə̂ adzəm loʼ ni ghəŋə bəəbə. À kee loʼ nə̀ kaa mən mə â bənə n bàa kəlaŋ â tsuʼ naŋa kɔʼ waa Kəzə̀ wən tə ghəŋŋə bəəbə koʼo tsə way.

Hibru 8:1

Sey, ghəə zey i baa loʼnə n ghəə ghən a dzanə i loʼ nə̀, saa khə ndzoʼo fɔɔngili u nii nii wən tə loʼnə n kpi u Kəzə̀ u təmə wə idəŋ nə̀ udaʼa udzəm u loʼ n wɔɔ kə wi.

Hibru 8:3

Nghee ghə â bəghə ghə n sày kɔʼ fɔɔngili u nii nii wə nə tə i fuu naamə kə, fəələ soʼo umaʼlə tə̀ Zə̀ kə n tow u ghə̂ adzəm, fɔɔngili saa u nii nii wən teeli khə ni khə soʼo fə kə ni fuu tə̀ Zə̀ kə.

Hibru 9:11

Klisto n kee bə tə̀ a loʼ fɔɔngili u nii nii wən tə fuunə fə u dzuŋu wən u loʼ zeynə fa. Fəə key tə fwaʼanə ghəə a wi ghə tii, tsəghəshinu, kpii tsəghəshi soʼo fəə u loʼ wən. À way dzə wù sɔŋtsuʼ tə khəmnə fəə fə tii fə, dii tsuu nə̀ fə way dzə n fə wey Zə̀ kə â bɔmnə fa n mbi.