Hibru 13:24 - Kaa n Kəzə̀ n fəghə mə

²⁴ Ghaa tɔŋɔ zow ghə̂ ghey ghə diinə jìi tə̀ ghaa nsə ghə̂ a Kəzə̀ ghə adzəm. Waazə a saa ghən n naʼ i Itali tûm bə itɔŋɔ zow tə̀ ghaa.

Hibru 13:24 ပူးပေါင်းရင်းမြစ်များ

Kəfwaʼ 18:2

Tə n ndow kpiilə ndow ghi wù Juu u loʼ fu ghə â tɔŋŋə nə̀ aloʼ Akwila ghə â jinə wi n naʼ i Pontus. Tə n loʼ ghi wey wi Prisila. Ghə â kuʼlə nuu bə n naʼ i Itali kuumnə Klodius wən tə â loʼnə də̀ŋ kə Roma kə â tsəʼlə kəlaŋ nə̀ ghə̂ a Təjuu adzəm a zəghə naʼ i Roma. Pɔl n nuu ndow ni ndow koʼ ghə.

Kəfwaʼ 27:1

Ambə ghə bəghəm dzəŋi kɔʼ nə̀ ghey ndow n Itali, ghə n ney kɔʼ Pɔl ghi ghə̂ a ndaw tsaʼ a loʼ ghə, fuu tsu tə wù nii təsawgoʼ wən ghə â tɔŋŋə nə̀ a loʼ Juliɔs. Wù wən â loʼ wù n saʼ kə sawgoʼ tey ghə tɔŋŋə nə̀ a loʼ, “Saʼ kə təsawgoʼ tə də̀ŋ kə Rom.”

Kəfwaʼ 9:13

Ananyas n beeli kɔʼ nə̀, “Mûkəbii, ndəmə aghə̂ ghə n dza ghəə ghə tə mə kuum wù wən nsə ndəmə tə aghəə tə bəbə tey tə ghəŋŋənə n kow ghə̂ a Kəzə̀ ghə n Yerosalem.

1 Kɔrint 16:16

N buʼu bə kəwɔɔ nə̀ ghaa i zow ndow tə̀ ndzoʼo ghə̂ ghən nsə ghə̂ ghən adzəm ghə fwaʼanə, fəʼlə dzəŋi soʼo ghi ghə.

2 Kɔrint 1:1

À màʼlə kən tɔ̀ɔ bə mə Pɔl, mə wən Zə̀ kə sàynə nə̀ n doʼo ngəd ə Yeso Klisto. N loʼ fa ghi waazə saa Timoti. N tɔ̀ɔ bə tə̀ ghə̂ a Kəzə̀ ghey n naʼ i Kɔrint, nsə ghə̂ a Kəzə̀ ghey adzəm n mbuʼu Akaya idzəm.

2 Kɔrint 13:13

Ghə̂ a Kəzə̀ ghən fa adzəm a tɔŋŋə zow bə ghaa.

Filipi 1:1

À màʼlə kən tɔ̀ɔ bə mə̀ Pɔl nsə Timoti, ghey loʼnə ghə̂ a kəfwaʼ a Yeso Klisto ghə. N tɔ̀ɔ bə tə̀ ghə̂ a Kəzə̀ a zow ghə, ghə loʼnə nə kəfə kəmɔʼ ghi Yeso Klisto n naʼ i Filipi. N tɔ̀ɔ bə soʼo tə̀ ghə̂ ghey ghə loʼnə tow wə n Ndaw Kəzə̀ nsə ghə̂ ghən ghə fuunə gaamə zə n Ndaw Kəzə̀.

Filipi 4:22

Ghə̂ a Kəzə̀ adzəm fa tɔŋŋə zow bə ghaa, a ka ndɔm taŋ a ghey ghə loʼnə n bii kə baʼtum tɔŋŋə Siza.

Kolose 1:2

N màʼlə kən tɔ̀ɔ bə tə ghə̂ a Kəzə̀ ghən ghə bəghəm nə tə Klisto n naʼ i Kolose. N gɔŋŋə nə̀, Zə̀ kə, tə loʼnə Bày saa, tə fuu ghaa n ndzuŋ nsə buulə zə.

Filemun 1:5

N fuu kəzɔŋŋə n təŋkey mə n zow ndzoʼo ləghə zey wə khənə n kow ghə̂ a Kəzə̀ ghə adzəm nsə bəghəm i fə̀ŋ zey wə khənə n kow Mûkəbii Yeso.

Hibru 13:17

Ghaa i zow tə̀ ghə̂ ghey ghə diinə ghaa n jìi, ghəŋŋə ndow ghəə ghey ghə dzanə. À loʼ ghə, ghə laalənə tow u ghaa wə, à i tiilə dza soʼo ghə tə̀ Zə̀ kə ghəə ghey adzəm ghə â fwaʼnə tə̀ ghaa. Abə ghaa zownə tə̀ ghə, ghə i fwaʼa fwaʼ kə ghə kə tə̀ ghaa nə iduʼlə. Abə ghaa zow way tə̀ ghə, ghə i fwaʼa fwaʼ kə ghə kə nə imow. Abə ghə fwaʼanə nə imow, zə i gaamə way ghaa n ghə i loʼ zə.

Hibru 13:7

Kə ghaa nə neyzəənə ghə̂ ghey ghə â diinə ghaa n jìi, tɔŋŋə ghə̂ ghən ghə a khəənə ghəə a Kəzə̀ ghə tə̀ ghaa. Moʼlə tsuu n na jìi zey ghə â muunə tii, ghaa dzûmə ndow ghow kə ibwey kə ghə n bəghəm i fə̀ŋ zey ghə â khənə n kow Zə̀ kə.