Hibru 13:21 - Kaa n Kəzə̀ n fəghə mə

²¹ fuu ghaa n fə u dzuŋu wə udzəm tə̀ ghaa i bwey ndow n jìi zey tə ləghənə. Tə ghəŋə nə̀ saa i fwaʼa fwa key tə ləghənə n bam i Yeso Klisto, tə wən a fuunə wi n kɔʼlə mə nə tənəŋə tədzəm. Zə i loʼ sey.

Hibru 13:21 ပူးပေါင်းရင်းမြစ်များ

Matyo 12:50

Wù wey tə ghəŋŋənə ghəə ghey Bày wuŋ idəŋ ləghənə, tə sey loʼ waazə wuŋ u num wə, waazə wuŋ u zən wə nsə này wuŋ.”

Matyo 21:31

À loʼ waa u ghaa wə tə â ghəŋənə ghəə zey bày â ləghənə ə?” Ghə n dza, “U sə isə wey.” Sey, Yeso n dza tə̀ ghə nə̀, “N kuum dza bə tə̀ ghaa nə̀, ghə̂ a kwɔɔ a màʼlə kə tsow kə nsə gheyzən a kəkpala a nə ndow nyiənu n Fɔɔ u Kəzə̀ isə n kow ghaa.

Matyo 28:20

dii ndòw ghə n ghəə ghə, nə̀ ghə i naŋŋə laŋ wey udzəm â fuunə tə̀ ghaa. Keeli tsu na nə̀ mə i loʼ ghi ghaa nəŋə tədzəm, tə̀ mbi nə̂ bə may.”

Matyo 6:13

Kə wə nə bəghəm nə̀ vəətsəə a mɔm koʼ ghey, Kee bəghəshi kə ghey n wɔɔ kə avəətsəə.’

Matyo 7:21

Yeso n nam dza ndow tə̀ ghə nə̀, “À way dzə aghə̂ adzəm ghə ngɔɔmənə mə nə̀, ‘Mûkəbii, Mûkəbii’, ghə î nyiənə n fɔɔ u Kəzə̀. À may kə wù wey tə ghəŋŋənə ghəə ghey a kpiilənə tə̀ Bày wuŋ wən tə loʼnə idəŋ.

Tùm i dzuŋu zə kuum Yeso Klisto tə Jɔn â tɔɔnə 17:23

Mə n gɔŋŋə nə̀ mə i loʼ nə kəfə kəmɔʼ ghi ghə nghee tə̀ wə loʼnə nə kəfə kəmɔʼ ghi mə, nə̀ ghə i tɔʼ tey tə a loʼ wù umɔʼ, tə ghə̂ a mbi ghə i keeli nə̀ a loʼ wɔ wə tûmnə mə, nsə nə̀ wə ləghə ghə ighələ tə̀ wə ləghənə mə.

Tùm i dzuŋu zə kuum Yeso Klisto tə Jɔn â tɔɔnə 7:17

Wù wey tə ləghənə ni ghəŋŋə ghəə ghey Zə̀ kə ləghənə, tə i keelinu nə̀ ghəə ghən n diinə fa, a nuu bə n wɔ Zə̀ kə mɔ n ghɔɔmə n ngəŋ zuŋ ə.

Roma 11:36

I loʼ sey n təŋkey, à loʼ Kəzə̀ kə fwaʼnə fə wə udzəm. À naŋŋə wi fə wə udzəm, à loʼ wi tə khənə fə wə udzəm. Saa khə ni fuu kɔʼləmə tə Zə̀ kə nəŋə tədzəm. Zə i loʼ sey.

Roma 16:27

À may kə Kəzə̀ kə khənə ghəə ghə adzəm. N gɔŋŋə nə̀ saa mə tsəghə n bam i Yeso Klisto ni fuu kɔʼləmə tə̀ wi nəŋə tədzəm. Zə i loʼ sey.

2 Kɔrint 9:8

Zə̀ kə loʼnu ni fuu ghaa n buulə zə naʼ idzəm sey nə̀, ghaa i ngii khə fə̂ wey ghaa ləghənə naʼ idzəm nə tənəŋə tədzəm. Sey, ghaa i loʼ ni ghəŋŋə ghəə a dzuŋu ghə n ndəm ni gaamə nduŋŋə ndow ghə̂ a loʼ ghə.

Galeshia 1:5

Kɔʼləmə i loʼ tə Zə̀ kə nəŋə tədzəm! Zə i loʼ sey.

Efesus 2:10

À loʼ Kəzə̀ tə fwaʼ naŋa bənə saa tə̀ saa loʼnə nya boʼnə saa loʼ nə kəfə kəmɔʼ ghi Klisto. Tə saa bɔm nə̀ saa i loʼ nə kəfə kəmɔʼ ghi klisto sey nə̀ saa i loʼ ni fwaʼ fwaʼ kə dzuŋu kə, tɔŋŋə ghəə a dzuŋu ghey Zə̀ kə â khə bayyə naŋanə tə̀ saa nə̀ saa i ghəŋŋə.

Efesus 2:18

À loʼ n bam i Klisto saa dzəŋi loʼnə ni bə n sə̂ K-a-zə̀ n daʼa kə Zay kə Zow kə.

Filipi 1:11

Ghaa i khə muu i dzuŋu zey wù keelinə n bam i Yeso Klisto. Seynə nkɔʼlə nsə kali wə i loʼ tə̀ Zə̀ kə.

Filipi 2:11

Nsə nə̀, aghə̂ adzəm ghə i dza shiə bə mgbaŋ nə̀ Yeso Klisto loʼ Mûkəbii, Ni fuu ndow nkɔʼlə tə̀ Zə̀ kə tə loʼnə Bày saa.

Filipi 2:13

Ghaa keeli tsu nə̀ a loʼ Kəzə̀ kə fwaʼanə n kow ghaa, ghəŋə ghaa nə̀ ghaa i khə zay ni fwaʼ tə wi, fuu soʼo ghaa n daʼa kə nə̀ ghaa ghəŋə ghəə ghey a kpiilənə tə wi.

Filipi 4:13

N loʼnu ni ghəŋə aghəə adzəm n daʼa key Klisto fuunə tə̀ mə.

Filipi 4:18

N loʼ ni dza nə̀ mə n naamə kuŋ kə keeli kpi, buʼ tsəghəshi. Mə n zə̂ kow fə̂ wən ghaa â tûm bənə tə̀ mə n wɔ̂ Epafroditus. Fə̂ u tii u loʼ tə̀ a loʼ naamə kə lə̀mmə dzɔbə kə tə̀ Zə̀ kə, fə̂ u tii u loʼ soʼo tə̀ a loʼ maʼlə u dzuŋu wə n sə̂ K-a-zə̀.

Kolose 3:17

Ghəə zey ghaa ghəŋŋənə nkee ghaa dzanə, i khə ni loʼ n zəd i Mûkəbii Yeso, fuu ndow kəzɔŋŋə tə Zə̀ kə tə loʼnə Bày n zəd i Mûkəbii Yeso.

Kolose 3:20

Ghaa ghiinətəghə ghə, i zow na tə ghə bày a ghaa ghə nə aghəə adzəm, n təŋkey, a wən loʼ ghəə ghən a dzɔbənə n sə kə Mûkəbii.

Kolose 4:12

Epafras wən tə loʼnə wù naʼ i ghaa, loʼ soʼo wù kəfwaʼ a Yeso Klisto tɔŋɔ zow bə ghaa. Tə gɔŋŋə tə ghaa nəŋə tədzəm n fə̀ŋ ə wi idzəm. Gɔŋŋə nə̀ Zə̀ kə ghəŋŋə nə̀ ghaa i tɔʼɔ taw n bəghəm i fə̀ŋ i ghaa, sey nə̀, ghaa loʼ ni tɔʼ zowkeeli ghəə a səŋi ghey Zə̀ kə ləghə nə̀ ghaa ghəŋə.

1 Tesalonika 3:13

Ghey gɔŋŋə nə̀ abə ghaa i ghəŋənə ghəə ghən Zə̀ kə təm tawwə fə̀ŋ tə ghaa, tə ghəŋə nə̀ ghaa i loʼ tsətsəghə. Tə i ghəŋə soʼo nə̀ ghaa i loʼ tsətsəghə sə kə wi tə loʼnə Bày saa n nəŋə zey Mûkəbii saa Yeso i bə dzəŋŋənə ghi ghə̂ a wi ghən ghə khə way bəb i loʼ zə.

1 Tesalonika 4:3

Zə̀ kə ləghə nə̀ ghaa i zow n muu i ghaa, ghaa tuu maʼa tən ghəə a laŋŋə ghə.

1 Tesalonika 5:23

Ghey gɔŋŋə nə̀ Zə̀ kən kə ghəŋŋənə nə̀ fə̀ŋ tə ghaa tə i loʼ nə ibuulə, n wû u wi kə bə ghəŋə nə̀ ghaa i zow n muu i ghaa. Ghey gɔŋŋə nə̀ ghəə adzəm ghaa ghəŋŋənə, ghəə ghey ghaa ləghənə nsə ghəə ghey ghaa moʼlənə i khə way bwu i loʼ zə abə Mûkəbii saa Yeso Klisto i bə dzəŋŋənə.

2 Tesalonika 2:17

Ghey gɔŋŋə nə̀ tə kuu fə̀ŋ tə ghaa, tə ghəŋə soʼo nə ghaa i fwaʼa kə fwaʼ kə dzuŋu kə, ghɔɔmə i ghaa zə i loʼ kə ghɔɔmə i dzuŋu zə.

1 Timoti 1:17

N gɔŋŋə nə̀ ghə̂ a mə fuu ngɔɔmə zə nsə kɔʼləmə tə Zə̀ kə nəŋə tədzəm. Tə loʼ də̀ŋ kən kə loʼnə nya, loʼ nə tənəŋə tədzəm, də̀ŋ key kə kpuu koʼo tsə way, kə key wù loʼ ka kam koʼ koʼ tsə. A may kə wi tə mbi nə bə may. Zə i loʼ sey.

1 Timoti 5:10

Ghə̂ a khə ni khə wi bòʼ mwam u wi u dzuŋu wə tə a loʼ jìi zey tə ney kɔʼ bənə waa a wi ghə tii, jìi zey tə kpii neynə ghə̂ ghey ghə bwey bəghənə n ndaw wi. Tə u fwaʼa fwaʼ kə dzuŋu kə tə dzûmə tə Klisto tə, fuu soʼo igaamə tə ghə̂ ghən ghə loʼ nə uchɔd. Tə khə ni loʼ nə̀ tə n fuu nyi ndow wû u wi wə ni fuu gaamə zə tə ghə̂ ghə nə təjìi tədzəm.

1 Timoti 6:16

À may kə wi tə nə kpu koʼ way. Tə muu n luʼu key daa kə baŋanə fuu n jìi zey wù sɔŋtsuʼ way ni koʼ wi. Wù loʼ way tə koʼ koʼ tsənə wi nkee tə nə koʼonə wi. Nkɔʼlə ndzəm nsə daʼa kə i loʼ tə wi tə mbi nə bə may. A may kə sey.

2 Timoti 3:17

Zə̀ kə ney ghɔɔmə i wi zən ni tɔʼ bayyə ghə̂ a wi tii ni fwaʼ fwaʼa tə wi tə dzuŋu tə tədzəm.

2 Timoti 4:18

Mûkəbii i bəghəshiənu mə n wɔɔ kə ghəə a bəbə ghə adzəm. Tə nə nyoʼlə ney ndow mə n fɔɔ u wi wə idəŋ wə. N gɔŋŋə nə̀ ghə̂ ghə i fuu wi n kɔʼləmə nəŋə tədzəm. À may kə sey.

Hibru 10:36

Ghaa khə ni kow tsu kə təfə̀ŋ sey nə̀, abə ghaa ghəŋə tsunə ghəə ghey Zə̀ kə ləghənə, tə i fuu ghaa n fə key tə â təb naŋanə tə ghaa.

Hibru 12:23

Ghaa n bə n dzəŋi kə ghə̂ ghey ghə loʼ tə a loʼ waa a Kəzə̀ a sə isə ghən zəd a ghə a tɔ̀ɔ doʼonə idəŋ. Ghaa n bə n səə Zə̀ key kə saʼanə ghə̂ ghə adzəm. Ghaa n bə n luʼu key zay u ghə̂ a Kəzə̀ ghən muu i ghə zə â loʼnə tsətsəghə, Zə̀ kə n ghəŋə nə̀ ghə kpii tsu ghə̂ ghey tə ləghənə nə̀ ghə i loʼ ghii kə.

Hibru 12:28

Sey, saa fuu kəzɔŋŋə tə̀ Zə̀ kə nghee saa təmə dzəŋi ndownə ghə̂ ghey ghə loʼnə n fɔɔ u Kəzə̀ wən ghə i way ni noʼlə. Saa fuu kəzɔŋŋə tə̀ Zə̀ kə, saa ngii ngɔɔmə soʼo wi n jìi zey zə i ghəŋŋə nə̀ tə duʼlə,

Hibru 13:16

Kə ghaa i neyzəə ni ghəŋŋə ndzuŋ nsə ni dzawwə fuu ndow ghə̂ ghey ghə khə way boʼnə Zə̀ kə duʼlənu n ndzoʼo maʼlə wən.

1 Pita 2:5

Bə n na n səə Mûkəbii tə a loʼ tay ghey a loʼnə utaw, ghə ney kɔʼ ghaa, ghə bəghə teyyə kɔʼ ndaw Kəzə̀ i nii zə a tii, ghaa i fwaʼa tə a loʼ fɔɔngili tə Zow tə ni fəələ maʼlə u Zay kə Zow kə Zə̀ kə ləghənə n bam i Yeso Klisto.

1 Pita 4:2

Sey, ni ney nuu tsu nya, ndow n sə kə, ghaa khə ni teeli muu muu i ghaa zə n nəŋə zən ghaa nam khənə fa n mbi n jìi zey Zə̀ kə ləghənə, a way dzə n jìi zey gow uwû ləghənə.

2 Pita 3:18

Nyisa i loʼ kə nə̀ ghaa ndow kə n sə kə ni muu n jìi zey Mûkəbii saa nsə bəghəshi ə saa Yeso Klisto i ndəŋə dii bənə ghaa n fə̀ŋ ə wi i dzuŋu zə nsə n jìi zey ghaa i tɔʼɔ ndəŋə keelinə wi. N gɔŋŋə nə̀ ghaa i ngɔɔmə Yeso Klisto nya nsə nə tənəŋə tədzəm! Zə i loʼ sey.

1 Jɔn 2:17

Mbi zən nsə fə wən udzəm u loʼ nə tii ghə̂ a ləghə nə̀, u tsəghə daŋŋənu. À kee loʼ nə̀, ghə̂ ghey ghə ghəŋŋənə ghəə ghey Zə̀ kə ləghənə, ghə keeli muu zə itsali.

1 Jɔn 3:22

Saa i keelinu fə wən saa nɔɔnə n wɔ wi n təŋkey, saa naŋŋənu laŋ u wi wə, ghəŋə soʼo ghəə ghey a dzɔbənə tə wi.

Màʼlə kə Jud tə̀ ghə̂ a Kəzə̀ ghə 1:25

Saa i fuu kɔʼlə mə tə Zə̀ kə, à loʼ kənə wi Zə̀ kə. À loʼ wi bəghəshi ə saa n bam i Yeso Klisto Mûkəbii saa. Nkɔʼlə n dzəm, udaʼa udzəm nsə fɔ̀ɔ wə udəŋ wən udzəm wə â loʼnə tə̀ mbi ni kaʼ, u wən u loʼnə nya nsə u wey wə i bə doʼlənə tə̀ mbi nə bə may, loʼ tə wi. Zə i loʼ kə sey.

Chi dii 4:6

Fə kə loʼ kə n loʼ n sə kə kuu kə fɔɔ key tə a loʼ dzuu kəlungali nə̀ u zow tsaʼi tsaʼi tə a loʼ tay i wən i taw zə ghə tɔŋŋə nə̀ à loʼ krista. Fə u loʼ wə n taʼ dzəŋ tsəghə bə kuu kə fɔɔ kə tii kə ukaykə nə̀ u loʼ utaw. Wə n loʼ n sə̂ ghə n ndəm isə nsə ibam.

Chi dii 5:13

Mə n zow ndow fə̂ wən udzəm Zə̀ kə â bɔm idəŋ, n ghəlikətsə, n tənə ghəlikətsə nsə n nali kə dzuu u zhimnə nə̀, “Tə wù wən tə doʼnə n kuu kə fɔɔ nsə tə waa njì, ibuulə, ingɔɔmə, ukali nsə daʼa kə loʼ u ghə wə, tə̀ mbi nə bə may.”

Chi dii 5:9

Ghə n zhim ndzaŋ i fəghə zə nə̀, “Wə kɔʼ kpiinu ni ney màʼlə kə nəmi kən, nsə ni zhweyyə nuu kɔʼ mə̀ŋ tən tii, n təŋkey, ghə mâ wɔ wey, wə n ney kaŋ tə, kuum shi tsu tow wə aghə̂ tii fuu bə tə̀ Zə̀ kə. Wə â kuum nuu shi bə aghə̂ n sali ndaw tədzəm, təghɔɔmə tədzəm, təluʼu tədzəm nsə naʼa tə tədzəm.