Hibru 13:17 - Kaa n Kəzə̀ n fəghə mə

¹⁷ Ghaa i zow tə̀ ghə̂ ghey ghə diinə ghaa n jìi, ghəŋŋə ndow ghəə ghey ghə dzanə. À loʼ ghə, ghə laalənə tow u ghaa wə, à i tiilə dza soʼo ghə tə̀ Zə̀ kə ghəə ghey adzəm ghə â fwaʼnə tə̀ ghaa. Abə ghaa zownə tə̀ ghə, ghə i fwaʼa fwaʼ kə ghə kə tə̀ ghaa nə iduʼlə. Abə ghaa zow way tə̀ ghə, ghə i fwaʼa fwaʼ kə ghə kə nə imow. Abə ghə fwaʼanə nə imow, zə i gaamə way ghaa n ghə i loʼ zə.

Hibru 13:17 ပူးပေါင်းရင်းမြစ်များ

Lukas 16:2

Tə n tɔŋɔ naŋa bə wi, bəb ndòw tə̀ wi nə̀, ‘À wən loʼ ghəə a ghaa ghə n zownə bòʼ wɔ? Fu bə taŋ n fə wùŋ udzəm, n təŋkey wə kəm way ni laalə fə wùŋ.’

Kəfwaʼ 20:28

I keyyə na wû i ghaa zə nsə ghə̂ ghey adzəm Zay kə Zow kə fuu naŋanə n wɔ ghaa. Ghaa i laalə soʼo tə dzûmə tə Klisto tey Zə̀ kə â zuu nuu shi bənə n kaŋ tə waa wi.

Roma 14:12

À wey loʼ ghə i tii zə, saa adzəm saa i bəghənu n sə̂ K-a-zə̀ kay wù i taŋŋə dza kɔʼ bə nghee zə a loʼnə tii.

1 Kɔrint 16:16

N buʼu bə kəwɔɔ nə̀ ghaa i zow ndow tə̀ ndzoʼo ghə̂ ghən nsə ghə̂ ghən adzəm ghə fwaʼanə, fəʼlə dzəŋi soʼo ghi ghə.

Efesus 5:21

Ghaa khə ni zow tə̀ waazə a ghaa ghə ni dii tsu nə̀ ghaa ndzəmə ngɔɔmənu Klisto.

Filipi 1:4

Nəŋə tədzəm abə n gɔŋŋənə tə̀ ghaa, mə n gɔŋŋə tənə n duʼlə zə n fə̀ŋ zuŋ.

Filipi 2:12

Waazə ghuŋ a dzuŋu ghə, nghee tə̀ ghaa naŋŋə tsənə laŋ u Kəzə̀ wən mə â diinə ghaa tii n nəŋə zey saa â nam dzəŋi loʼ tsənə. Sey nya, abə n loʼ ghi ghaa nkee n way, dzɔb loʼ nə̀, ghaa ndow kə n sə kə ni naŋŋə laŋ u tii wə. Ghaa khə ni fwaʼa kɔʼɔ ndow n tsəŋ i Kəzə̀ n jìi zey ghaa loʼ ni keeli ibəghəshi tii.

Filipi 2:16

Kwu keeli taw tsu na ghɔɔmə i Kəzə̀ zən i fuunə muu zə itsali zə, sey nə̀ n tsuʼ fey Klisto î bəghənə tii, mə̀ i ghaŋŋə wû wə nə̀ fwaʼ kən mə fwaʼ ngəə tsəghə bənə, mə â ka fwaʼ maʼa dzə nə kənunu.

Filipi 2:29

Abə tə i bənə, kpii ney na wi nə iduʼlə tə̀ a loʼ waa Kəzə̀. Ghaa khə ni ngɔɔmə ndzoʼo ghə̂ ghey.

Filipi 3:18

Mə n dza tə ghaa n ndəmə tənəŋə, mə u nam dza kuulə bə tə̀ ghaa nya n sə̂ mə idey nə̀ ghə̂ a loʼ a muu ndzoʼo muu zey i diinə nə̀ ghə bəghəm way nə̀ Yeso Klisto â kpu n zat kə fəkaʼ.

Filipi 4:1

Sey, waazə ghuŋ ghən n ngii ləghənə, mbuŋŋə kìi soʼo ni koʼ. Ghaa loʼ fə key kə fuunə mə n duʼlə zə, ghaa u loʼ soʼo fə key Zə̀ kə naamənə mə tii n fwaʼ kuŋ. Sey waazə ghuŋ a dzuŋu ghə, təmi taw tsu kə na n doʼo i ghaa ghi Mûkəbii.

2 Tesalonika 3:14

Ney na ghə̂mə zə ghi ghə̂ ghey ghə tuu ni naŋa ghəə ghən ghey tɔ̀ɔ bənə n maʼlə kən. Kə ghaa i təmə dzəŋi ghi ghə, sey nə̀ ghə keeli tow kə dədlə kə.

1 Timoti 5:17

Dzûmə tə Klisto tə khə ni laalə tə ngəd tə dzəŋi kə dzûmə tə Klisto tə, tsəə dzɔbə soʼo ghə, a ka ndɔm taŋ a ghən ghə naʼlənə ghəə a Kəzə̀ ghə, dii soʼo aghə̂.

Hibru 13:24

Ghaa tɔŋɔ zow ghə̂ ghey ghə diinə jìi tə̀ ghaa nsə ghə̂ a Kəzə̀ ghə adzəm. Waazə a saa ghən n naʼ i Itali tûm bə itɔŋɔ zow tə̀ ghaa.

Hibru 13:7

Kə ghaa nə neyzəənə ghə̂ ghey ghə â diinə ghaa n jìi, tɔŋŋə ghə̂ ghən ghə a khəənə ghəə a Kəzə̀ ghə tə̀ ghaa. Moʼlə tsuu n na jìi zey ghə â muunə tii, ghaa dzûmə ndow ghow kə ibwey kə ghə n bəghəm i fə̀ŋ zey ghə â khənə n kow Zə̀ kə.

Jems 4:7

À sey loʼ nə̀, ghaa khə ni zuŋu tsu wû i ghaa zə n tənə Kəzə̀. Kə ghaa nə̂ bəghəm nə̀ vəətsəə a taw tsəghə ghaa, sey, vəətsəə a tii ghə i tyi zəghə tsu ghaa.

1 Pita 5:5

N jìi i mɔʼɔ zə, ghaa waa a fəghaŋ, ghaa khə ni zow ndow tə̀ gheynyim a ghaa ghə. Ghaa ghey adzəm ghaa loʼnə nə̀ ghaa n bəghəm fuu tə̀ Zə̀ kə, ghaa khə ni tsuulə tsu wû i ghaa ni fwaʼa ndow tə̀ waazu ghə, n təŋkey, i tɔ̀ɔ doʼo n màʼlə K-a-zə̀ nə̀, “Zə̀ kə baa ghə̂ ghey ghə kɔʼlənə wû zə Kee dii fə̀ŋ ə wi i dzuŋu zə tə̀ ghə̂ ghey tsuulə tsu wû i ghə zə.”