Hibru 13:16 - Kaa n Kəzə̀ n fəghə mə

¹⁶ Kə ghaa i neyzəə ni ghəŋŋə ndzuŋ nsə ni dzawwə fuu ndow ghə̂ ghey ghə khə way boʼnə Zə̀ kə duʼlənu n ndzoʼo maʼlə wən.

Hibru 13:16 ပူးပေါင်းရင်းမြစ်များ

Lukas 18:22

Nghee tə Yeso zow tsu nə sey, tə n beeli ndòw wi nə̀, “Ghə i loʼ i nam doʼo səənu wə khənə ni ghəŋə, fii may tsu fə wey wə khənə, wə fu ndòw khəə u tii wə tə ghə̂ a laa ghə. Abə wə ghəŋə tsu nə sey, wə i keeli ikum idəŋ. Sey, wə i loʼ ni daŋŋə dzûmə bə mə.”

Kəfwaʼ 10:38

Ghaa khənu nghee Zə̀ kə â tsuʼ naŋanə Yeso, wù Nazaled, fuu tsu wi n Zay kə Zow kə nsə daʼa kə. Ghaa khə soʼonu nghee tə â bwey kaabənə, ghəŋŋə ndzuŋ, baŋŋə ghə̂ ghən adzəm ghə a loʼ nə n tənnə daʼa kə avəətsəə, n təŋkey, Zə̀ kə â loʼ ghi wi.

Kəfwaʼ 9:36

Dzûmə ə Yeso u loʼ wə n naʼ i Jopa ghə â tɔŋŋə nə̀ a loʼ Tabita, n ghɔɔmə i Grik nə a loʼ Dɔkas, dii tsu nə a loʼ ngaw. Weyzən wən n ghəŋŋə tsə ghəə a dzuŋu ghə tə ghə̂ ghə nəŋə tədzəm, fuu soʼo igaamə tə ghə̂ a laa ghə.

Roma 12:13

Ghaa khə ni buu n wɔɔ kə ni fuu ndow tə dzûmə tə Klisto tey tə laʼanə fə kə n fəŋŋə kə ghaa. Fuʼu n təndaw n ghaa n khə ni loʼ tən kə təghə tə̀ ghə̂ ghən ghə bwey bəghənə.

Galeshia 6:10

À wən loʼ zuŋ key, saa khə ni ghəŋŋə ghəə a dzuŋu ghə tə ghə̂ ghə adzəm abə saa keeli kɔʼ buʼ kə tii kə. A ka ndɔm dza dzə ghə̂ ghən ghə bəghəm nə tə Klisto.

Galeshia 6:6

Ghə̂ ghən ghə zoʼlənə ghəə a Kəzə̀ ghə, khə ni fuu ndow soʼo fə u dzuŋu wən ghə khənə tə ghə̂ ghən ghə diinə ghə n ghəə a Kəzə̀.

Efesus 4:28

Wù wey tə â tsɔŋɔ tsənə, khə ni maʼa mwam u tsɔŋɔ wə. Tə khə ni fwaʼa fwaʼ kə səŋi kə n wɔɔ a wi ghə, sey nə̀, tə i mbɔŋ loʼ ni gaamə ghə̂ ghey ghə laʼanə.

Filipi 4:14

 nam loʼnu ghə i dzuŋu zə tə̀ ghaa ni gaamə mə n chɔd wuŋ.

Filipi 4:18

N loʼ ni dza nə̀ mə n naamə kuŋ kə keeli kpi, buʼ tsəghəshi. Mə n zə̂ kow fə̂ wən ghaa â tûm bənə tə̀ mə n wɔ̂ Epafroditus. Fə̂ u tii u loʼ tə̀ a loʼ naamə kə lə̀mmə dzɔbə kə tə̀ Zə̀ kə, fə̂ u tii u loʼ soʼo tə̀ a loʼ maʼlə u dzuŋu wə n sə̂ K-a-zə̀.

1 Tesalonika 5:15

Kə ghaa i bəghəm nə̀ wù loʼ n fəŋŋə kə ghaa kûmmə dzəŋŋə ibəb nə ibəb. Ghaa fəd khə ni ghəŋŋə ghəə ghey a dzɔbənə n wû i ghaa nsə tə̀ ghə̂ ghə adzəm.

2 Tesalonika 3:13

Abə ghaa waazə ghə i khə ghaa nə̂ buu doʼonə ni ghəŋə ghəə a dzuŋu ghə.

1 Timoti 6:18

Dza tə ghə nə̀ ghə i ghəŋŋə ghəə a dzuŋu ghə, ghə i dii kùm i ghə zə n ghəə a dzuŋu ghən ghə ghəŋŋənə. Ghə i buu n wɔɔ kə ni gaamə ghə̂ ghey ghə laʼanə fə wə, ghə i khə soʼo zày ni fuu dzaw fə wey ghə khənə tə ghə̂ ghə.

Filemun 1:6

N gɔŋŋə nə̀ wə i loʼ ni tɔʼ zowkeeli ghəə a dzuŋu ghən adzəm saa keeli abə saa loʼnə nə kəfə kəmɔʼ ghi Klisto nghee saa bweynə nə kəghow kəmɔʼ n bəghəm i fə̀ŋ i saa tə a loʼ waa a Kəzə̀.

Hibru 6:10

Zə̀ kə way dzə wù wey tə way tsətsəghə n ghəə a wi, sey, tə i neyzəə way fwaʼ kə ghaa kə nsə ləghə zən ghaa dii bənə tə̀ wi nghee ghaa gaamənə ghə̂ a wi ghə, ghaa a nam ndow kə n sə kə ni ghəŋŋə sey.

3 Jɔn 1:11

N fə̂, kə wə nə dzûmə ndzoʼo mwam u bəbə wən, i dzûmə ndow ghəə a dzuŋu ghə. Wə keeli tsu nə ghə̂ ghən ghə ghəŋŋə ndzuŋ, dii bə nə ghə loʼ waa a Kəzə̀. A ghey ghə ghəŋŋə ghəə a bəbə ghə, ghə khə way Zə̀ kə.