Hibru 13:14 - Kaa n Kəzə̀ n fəghə mə

¹⁴ Saa khə dzə way naʼ zən i doʼo tən nə tə̀ saa fa n ghəlikətsə, saa fədlə ləmmə ndow naʼ zey i nam khə ni bə.

Hibru 13:14 ပူးပေါင်းရင်းမြစ်များ

1 Kɔrint 7:29

Waazə ghə, ghəə zey n dzanə loʼ nə̀, nəŋə i Mûkəbii ni bə dzəŋŋə n shɔd. Sey, ni zey tsu nya ndòw n sə kə, gheynum ghey ghə khənə ghey ghə khə ni muu tə̀ a loʼ ghə̂ ghey ghə khə way ghey ghə,

2 Kɔrint 4:17

Sey, nyaŋi mə nchɔd mən saa koʼonə nyisa, n fədlə bayyə naŋa bə saa nə̀ saa i keeli kɔʼlə mən n nə may way, n tsəghəshinə chɔd mən n dzəm a keelinə.

Efesus 2:19

Sey, ghaa kəm way dzə ghə̂ a tətûm nkee ghə̂ a bwey bəghə ghə. Ghaa nya loʼ ghə̂ ghə inaʼ ghi ghə̂ a Kəzə̀ ghə, ghaa shinə n sad i kəbii i Kəzə̀.

Filipi 3:20

Abə ghey, naʼ i ghey i loʼ idəŋ, ghey fa ləmmə bəghəshi ə ghey, tə î nuu tsuu bənə fu, tɔŋɔ Mûkəbii Yeso Klisto.

Hibru 10:34

Ghaa â kwɔɔlə isî n kow ghə̂ a ndaw tsaʼ ghə, ghaa n bəghəm ndow nə iduʼlə nə̀ ghə bəkeeli nuu fə u ghaa n təŋkey, ghaa khənu nə̀ ghaa i keelinu fə wə, u dzɔb tsəghəshinə u wən, nə̀ wə i doʼlə tsali soʼonu.

Hibru 12:22

Luʼu key ghaa kee bənə tii nya loʼ n Kaʼ u Zayɔn, naʼ i Zə̀ kən kə loʼnə utaw n Yerosalem zey i loʼnə idəŋ. Ghaa n bə n luʼu key ndəmə kam tə tsətəndəghə tə Kəzə̀ tə muunə fu nə̀ wù way ni taŋ may.

Hibru 12:27

Ghɔɔmə zən nə̀, “Kpiʼi.” Sey dii nə̀ ghə nə noʼlə maʼa kɔʼɔnu fə wey udzəm Zə̀ kə â bɔmnə fa a ghəlitsə, sey nə̀ u wey u loʼnə idəŋ nə̀ ghə way ni noʼlə i loʼ ni doʼo tən.

Hibru 2:5

Zə̀ kə â ka fuu dzə daʼa kə tə tsətəndəghə tə Kəzə̀ tə nə̀ ghə i saʼa mbi zən i bəghənə, tɔŋŋə mbi zən a khəənə ghəə ghə tii nya.

Hibru 4:9

I sey dii nə̀ Zə̀ kə n bayyə naŋa nəŋə i zayyə zə tə̀ ghə̂ a wi ghə ighəllə tə̀ tə â zayyənə n tsuʼ inaʼ.

Hibru 9:11

Klisto n kee bə tə̀ a loʼ fɔɔngili u nii nii wən tə fuunə fə u dzuŋu wən u loʼ zeynə fa. Fəə key tə fwaʼanə ghəə a wi ghə tii, tsəghəshinu, kpii tsəghəshi soʼo fəə u loʼ wən. À way dzə wù sɔŋtsuʼ tə khəmnə fəə fə tii fə, dii tsuu nə̀ fə way dzə n fə wey Zə̀ kə â bɔmnə fa n mbi.

1 Pita 4:7

Nəŋə zə n kuʼlə tə̀ fə wə udzəm ni bə may. Sey ghaa khə ni kwu keeli tsu wû i ghaa, ghaa təmi kɔʼ n fuu zə, sey nə̀, ghaa i loʼ ni tɔʼ gɔŋŋə.

Chi dii 3:12

Wù wey tə i taw tsəghənə ghəə a bəbə ghə, mə i ghəŋə nə̀ tə doʼo kənyəllə n fəə kə Zə̀ kuŋ, nə̀ tə nə kəm zəghə maʼa koʼ way luʼu kə tii kə. Mə i tɔ̀ɔ tsu zəd i Zə̀ kuŋ n kow wi nsə zəd zə inaʼ Zə̀ kuŋ tɔŋŋə Yerosalem i fəghə zə, i zən i nuulə shiə tsu bə idəŋ n wɔ Zə̀ kuŋ kə. Mə i tɔ̀ɔ naŋa tsu zəd zuŋ i fəghə zə n kow wi.