Hibru 12:28 - Kaa n Kəzə̀ n fəghə mə

²⁸ Sey, saa fuu kəzɔŋŋə tə̀ Zə̀ kə nghee saa təmə dzəŋi ndownə ghə̂ ghey ghə loʼnə n fɔɔ u Kəzə̀ wən ghə i way ni noʼlə. Saa fuu kəzɔŋŋə tə̀ Zə̀ kə, saa ngii ngɔɔmə soʼo wi n jìi zey zə i ghəŋŋə nə̀ tə duʼlə,

Hibru 12:28 ပူးပေါင်းရင်းမြစ်များ

Matyo 25:34

Tə i daŋŋə dza ndòw tə̀ ghə̂ ghey n kpii u wi u təmə wə nə̀, ‘Bə na n səə mə, ghaa ghən ghaa loʼ nə̀ Bày wuŋ n ghaa buulə, bə zə̂ na fɔɔ u Kəzə̀ wən ghə â bayyə naŋa nə nzeyyə tə̀ ghaa nə̀ mbi ka kam kaʼ.

Lukas 1:33

Tə nə saʼa n sad i kəbii i Yakɔb tə̀ mbi nə bə may. Saʼ i wi i nə may koʼ way.”

Roma 11:20

À loʼ kənu isəŋə nə̀ ghə â khə̂mə nuu shi bə kpìi tə loʼ tey n təŋkey ghə â ka bəghəm dzə tə̀ Zə̀ kə, ghaa a kee tey n təŋkey, ghaa bəghəm tə Zə̀ kə. À kee loʼ nə̀ ghaa khə dzə way ni ghaŋŋə wû zə n ghə i loʼ zə, ghaa fəd khə ni ney ighə̂mə.

Efesus 1:6

Tə â ghəə ghən ghəŋə sey nə̀, saa i kɔʼlə wi bòʼ ndzuŋ ə wi i nii zən tə funə tə saa naʼ idzəm n bam i Waa wi wən tə gaʼnə fə̀ŋ.

Efesus 5:10

Sey, ghaa ndəmi tsu iwû ni kəŋ shi kɔʼ ghəə ghey a dzɔbənə tə̀ Mûkəbii, ghəŋŋə ndow ghəə a tii ghə.

Filipi 4:18

N loʼ ni dza nə̀ mə n naamə kuŋ kə keeli kpi, buʼ tsəghəshi. Mə n zə̂ kow fə̂ wən ghaa â tûm bənə tə̀ mə n wɔ̂ Epafroditus. Fə̂ u tii u loʼ tə̀ a loʼ naamə kə lə̀mmə dzɔbə kə tə̀ Zə̀ kə, fə̂ u tii u loʼ soʼo tə̀ a loʼ maʼlə u dzuŋu wə n sə̂ K-a-zə̀.

Hibru 10:19

Sey, waazə ghuŋ ghə, saa khə tənnu nə̀ saa i nyiənu n Luʼu kən kə Zow tsəghənə Luʼu tə tədzəm n bam i kaŋ tən Yeso â fəələnə.

Hibru 13:15

Sey, saa tsəghə ndow sə kə ni fuu nkɔʼlə tə̀ Zə̀ kə tə̀ a loʼ maʼlə u saa n bam i Yeso. Abə saa dza shi bənə n dzuu i saa nə̀ tə loʼ Mûkəbii, saa sey fəələ umaʼlə.

Hibru 13:21

fuu ghaa n fə u dzuŋu wə udzəm tə̀ ghaa i bwey ndow n jìi zey tə ləghənə. Tə ghəŋə nə̀ saa i fwaʼa fwa key tə ləghənə n bam i Yeso Klisto, tə wən a fuunə wi n kɔʼlə mə nə tənəŋə tədzəm. Zə i loʼ sey.

Hibru 3:6

Klisto kee loʼ waa Kəzə̀ wən tə â fwaʼ dzɔbnə n dzəŋi kə dzûmə tə Klisto. Saa loʼ tə a loʼ ndaw wi abə saa ndownə n sə kə ni kow fə̀ŋ nsə ni ləmə fə key saa ləmmənə nə̀ saa tsəŋə way.

Hibru 4:16

Abə saa ləghənə fə kə, saa n ndow bəb ndow tə̀ Zə̀ kə saa kən kə diinə saa n fə̀ŋ ə wi i dzuŋu zə nə̀ saa tsəŋə way. Saa khənu nə̀ tə i kwɔɔlənu sî zə n kow saa, tə fuu saa n fə key kə kpiinə tə̀ saa.

Hibru 5:7

Nghee Yeso â muunə fa n mbi, tə n gɔŋŋə, buʼ soʼo kəwɔɔ nə idey nsə sə̂ mə tə̀ Zə̀ kə, tə loʼnə ni bəghəshi vən fə uwû fə wi n wɔɔ kə ivə. Sey, Zə̀ kə n zow gɔŋŋə i wi n təŋkey, tə â zow tə̀ Zə̀ kə ngɔɔmə soʼo wi.

1 Pita 1:17

Ghaa tɔŋŋə Kəzə̀ nə̀ a loʼ Bày ghey abə ghaa gɔŋŋə tə̀ wi wən tə saʼanə ghə̂ ghə nə̀ tə laalə way tûm usə u wù wə. Tə saʼa kə kay wù n ghəə ghey tə ghəŋənə. Sey, ghaa khə ni muu tən kə ni ngɔɔmə Zə̀ kə n nəŋə zən ghaa nam khənə nghee ghaa tyi nyi doʼonə fa.

1 Pita 2:20

Abə wə kownə fə̀ŋ abə ghə bwɔdlɔnə wɔ nə ighəə nə̀ wə n ghəŋə bəəbə, Zə̀ kə way dzə ni dii fə̀ŋ ə wi i dzuŋu zə tə wɔ. Abə wə kee kownə fə̀ŋ ni fəghə nə ighəə nə̀ wə ghəŋə dzɔbnu, Zə̀ kə i diinu fə̀ŋ ə wi i dzuŋu zə tə̀ wɔ bòʼ ghə i tii zə.

1 Pita 2:5

Bə n na n səə Mûkəbii tə a loʼ tay ghey a loʼnə utaw, ghə ney kɔʼ ghaa, ghə bəghə teyyə kɔʼ ndaw Kəzə̀ i nii zə a tii, ghaa i fwaʼa tə a loʼ fɔɔngili tə Zow tə ni fəələ maʼlə u Zay kə Zow kə Zə̀ kə ləghənə n bam i Yeso Klisto.

Chi dii 1:6

A loʼ wi tə ghəŋənə nə̀ saa doʼo bə ghə̂ a wi, saa doʼo soʼo ghə fɔɔngili ni fwaʼa tə Zə̀ kə tə loʼ Bày wi. Nkɔʼlə n dzəm nsə daʼa wə udzəm n mbi loʼ u wi wə tə̀ mbi nə bə may. Zə i loʼ sey.

Chi dii 15:4

A loʼ ndee tə i tsəŋə way wɔ a Mûkəbii? À loʼ ndee tə i tuunə ni ney bə nkɔʼlə n zəd zə ə? À may kə wɔ wə zownə Naʼa tədzəm i bəghənu Ghə fuu wɔ n kɔʼlə mə, N təŋkey aghə̂ adzəm n koʼ nə̀ wə ghəŋŋə ghəə a loʼnə tsətsəghə.”

Chi dii 5:10

Wə n ghəŋə nə̀ ghə doʼo bə fɔɔ wey fɔɔngili tə shiənə tii ni fwaʼ tə̀ Zə̀ kə saa kə ghə i saʼa aghə̂ adzəm fa a ghəlitsə.”