Hibru 12:27 - Kaa n Kəzə̀ n fəghə mə

²⁷ Ghɔɔmə zən nə̀, “Kpiʼi.” Sey dii nə̀ ghə nə noʼlə maʼa kɔʼɔnu fə wey udzəm Zə̀ kə â bɔmnə fa a ghəlitsə, sey nə̀ u wey u loʼnə idəŋ nə̀ ghə way ni noʼlə i loʼ ni doʼo tən.

Hibru 12:27 ပူးပေါင်းရင်းမြစ်များ

Matyo 24:35

Bikighow nsə ghəlitsə kə î tsəghə nuulənu, ghɔɔmə zuŋ i nə tsəghə koʼ way.”

Roma 8:19

N dza sey n təŋkey, fə wey udzəm Zə̀ kə bɔmnə fa n mbi ləmmə tənə tsuʼ fey Zə̀ kə i dii bənə ghə̂ ghey ghə ndzəm loʼnə waa a wi ghə.

Roma 8:21

bəghəshi fə u mbi n ndzoʼo kɔd kən u loʼnə tii, nsə nə̀ kə waa a Kəzə̀ a nə kəmə doʼlənə n tənə daʼa kə ghəə a bəbə ghə, ghə keeli soʼo kɔʼlə n loʼnə tə̀ waa a Kəzə̀ ghə.

1 Kɔrint 7:31

Abə a ghey ghə fwaʼanə n fə̂ u mbi, kə ghə nə ngii fuu nyiə ndownə wû i ghə zə tii n təŋkey mbi zən a loʼnə tii, nya tsəghə daŋŋənu.

Hibru 1:10

I tɔ̀ɔ doʼo soʼonu nə̀ Zə̀ kə dza nə̀, “Mûkəbii, à loʼ wɔ wə â bɔmnə fə wə udzəm n ghəlikətsə tə̀ mbi a nə kaʼnə, Fə wən udzəm u loʼ idəŋ, â loʼ soʼonə wɔɔ a kəfwaʼ ghə ghə.

Hibru 13:14

Saa khə dzə way naʼ zən i doʼo tən nə tə̀ saa fa n ghəlikətsə, saa fədlə ləmmə ndow naʼ zey i nam khə ni bə.

Hibru 9:11

Klisto n kee bə tə̀ a loʼ fɔɔngili u nii nii wən tə fuunə fə u dzuŋu wən u loʼ zeynə fa. Fəə key tə fwaʼanə ghəə a wi ghə tii, tsəghəshinu, kpii tsəghəshi soʼo fəə u loʼ wən. À way dzə wù sɔŋtsuʼ tə khəmnə fəə fə tii fə, dii tsuu nə̀ fə way dzə n fə wey Zə̀ kə â bɔmnə fa n mbi.

Chi dii 11:15

Jim wə n kəm bə mə. N jim u tii wə, tsəndəghə Kəzə̀ zey nə ulii usəghəmbəghə n tɔŋ tsu sɔŋ i wi, mə n zow ndow dzə̀ tə taw tə loʼ tə, tə fuŋunə idəŋ, dza bə nə̀, “Daʼa key ni saʼ fɔɔ u mbi zən Loʼ n wɔɔ kə Zə̀ kə saa ghi wù wey tə â dza naŋa nə̀ i tûm bənu, Tə i saʼa saa tə̀ mbi nə bə may.”

Chi dii 21:1

Mə n daŋŋə koʼ ndow dəŋ kə fəghə kə nsə ghəlitsə kə fəghə kə. Dəŋ kə sə isə key nsə ghəlikətsə kə sə isə̂ n tsəghə nuu tsu, nali kə dzuu kə n tsəghə nuu tsu soʼo.

Chi dii 21:4

Tə i zə̀d maʼa tsu sə mey n dzəm n loʼnə n sə a ghə. Ghə̂ ghə i kəm kpuu way. Ghə̂ ghə i kəm mow way, dey way zow soʼo way fɔɔbə zə n təŋkey, mbi i wey zə n tsəghə nuu.”

Chi dii 21:5

Wù wey tə â doʼnə n kuu kə fɔɔ key n dza nə̀, “Nya, n ghəŋŋə tsu ufə̂ udzəm u doʼo bə u fəghə wə!” Tə n dza kpiʼi bə tə mə nə̀, “Tɔ̀ɔ naŋa tsu ghəə a ghən, n təŋkey ghɔɔmə zən loʼ ghɔɔmə zey ghə̂ a loʼ ni gaʼ fə̀ŋ tii, loʼ soʼo isəŋə.”