Hibru 12:25 - Kaa n Kəzə̀ n fəghə mə

²⁵ Sey, ghaa ney ighə̂mə nə̀ kə ghaa i tuu ni zəllə tə̀ Zə̀ kə nghee tə ghɔɔmə bənə tə̀ ghaa. Abə ghə̂ ghə Izree ghə â ka nɔb shi nghee ghə â tuu ni zow tə̀ Mushi wey tə â fuunə ghə n tsə̀ zə fa a ghəlitsə, i sey dii nə̀ zə i bəbə tsəghəshiənu n kow saa, abə saa tuunə ni zow tə̀ wù wey tə ghɔɔmə tsuu bənə tə̀ saa idəŋ.

Hibru 12:25 ပူးပေါင်းရင်းမြစ်များ

Matyo 17:5

Nghee tə̀ tə nam ghɔɔmənə, mbaʼ tə fəmə tə n tsəd bə ghə, dzə̀ i loʼ zə n shi bə fu tii nə təmbaʼ dza, “À wən loʼ waa wuŋ u tsuʼu wə, à loʼ wi tə i ghəŋŋənə nə̀ mə i ngii duʼlə. I zow na tə̀ wi.”

Matyo 8:4

Yeso n dza ndòw tə̀ wi nə̀, “Kə̂ wə nə̀ dzanə ghəə zən tə̀ wù loʼ, ndòw dii ndòw wû wə wə̀ tə̀ fɔɔngili, wə fuu ndòw maʼlə wey Mushi â dzanə, ni dii tsu nə̀ wə n taw.”

Kəfwaʼ 7:35

À loʼ Mushi wən ghə â tuu maʼanə wi, bəb tə wi nə̀, ‘À wɔ naŋa ndee nə̀ kətow nə̀ wə i saʼa ghey ə?’ À loʼ Mushi u mɔʼɔ wən Zə̀ kə â tûm bənə nə̀ tə bə doʼo tow kə ghə nsə bəghəshi ə ghə n bam i tsəndəghə Kəzə̀ zən zə â dii bənə wû wə tə̀ wi n mbvən ə ntsaŋ.

1 Tesalonika 5:15

Kə ghaa i bəghəm nə̀ wù loʼ n fəŋŋə kə ghaa kûmmə dzəŋŋə ibəb nə ibəb. Ghaa fəd khə ni ghəŋŋə ghəə ghey a dzɔbənə n wû i ghaa nsə tə̀ ghə̂ ghə adzəm.

2 Timoti 4:4

Ghə nə tuu maʼa ni zəllə ghɔɔmə i Kəzə̀ zən i loʼnə isəŋə, ghə nə fədlə fuu may ndow kə tuŋŋə u ghə wə n zəzəə n wey mən n maŋ loʼnə kənunu.

Hibru 1:1

Sə̂ isə, Zə̀ kə â ghɔɔmə tə̀ ghə bày bày a saa ghə n ndəmə tə tənəŋə nsə n ndəmə tə təjìi n bam i tûm tə Kəzə̀.

Hibru 11:7

A loʼ bəghəm i fə̀ŋ zə â ghəŋənə nə̀ Noa zow tsə̂ i Kəzə̀ n chɔd wən wə â khə ni bə shi nə̀ tə koʼo way. Tə n bɔɔmə zow ndow ghəə ghey Zə̀ kə dzanə, bəghə kɔʼ fə̀n kən kə â bəghəshinə wi ghi sali ndaw i wi zə. À loʼ bəghəm i fə̀ŋ zən Noa â khənə, tə a dii ndownə tə̀ ghə̂ ghə nə̀ ghə̂ a mbi a loʼ ghə̂ a bəbə ghə. Zə̀ kə â ney Noa nə̀ tə loʼ wù wən tə loʼnə tsətsəghə n təŋkey, tə â bəghəm tə̀ Zə̀ kə.

Hibru 12:19

Ghaa ka bə dzə n kaʼ wey sɔŋ i fuŋunə fu, ghaa ka bə dzə n kaʼ wey dzə̀ ə wù n khəə shiə bənə ghəə fu tii soʼo n jìi zey ghə̂ ghey ghə â zownə dzə̀ ə tii, ghə n buʼ kəwɔɔ nə̀ ghə kəm ləghə way ni zow kpiʼi dzə̀ ə tii.

Hibru 3:12

Waazə ghə, ghaa ney ighə̂mə nə̀ kə wù ghaa u loʼ u nə keeli fə̀ŋ i bəbə zə tə̀ tə loʼ ni tuu ni bəghəm tə̀ Zə̀ kə. Wù wey tə khənə ndzoʼo fə̀ŋ zən, way dzə ni ndow n səə Zə̀ kən kə fuunə muu zə.

Hibru 3:17

Zə̀ kə a fəələ unəghə ghi ghə ndee nə tənùm nghəm nkaykə ə? Â loʼ ghə̂ ghən ghə a ghəŋŋə ghəə a bəbə ghə, vən a ghə ghə â bwu kpuulə bənə n mbvən ə ntsaŋ.

Hibru 8:5

Fwaʼ key ghə fwaʼanə tə̀ a loʼ ghə fɔɔngili maŋa fiilə ghəə ghey a loʼnə idəŋ, a baa way dzə ghəə ghey a loʼ idəŋ. À wey loʼ ghə i tii zə nghee Mushi a dza i khəm kɔʼ fəə fə tii fə, Zə̀ kə n dza tə̀ wi nə̀, “Tɔʼɔ laalə nyi tsu ni koʼ nə̀ ufə udzəm u bɔɔmə loʼ tə̀ a loʼ u wey wə â koʼnə nə ukaʼ.”

1 Pita 1:22

Nya wən ghaa sow maʼa dzənə wû i ghaa zə nghee ghaa naŋŋənə isəŋə, sey nə̀, ghaa i ndzəmə ləghə wû i ghaa zə tə a loʼ a awaazə, i ndzəmə ləghə na wû i ghaa zə n fə̀ŋ tə ghaa tə tədzəm.

Chi dii 19:10

Mə n bwu ndow n tənə fuu i wi ni ngɔɔmə wi. Tə n fəd dza tə mə nə̀, “Ngaŋ ka ghəŋə sey! N loʼ soʼo wù kəfwaʼ tə a loʼ wɔ ghi ghə̂ ghən ghə bəghəmnə tə̀ Yeso. I ngɔɔmə Zə̀ kə! Boʼnə à loʼ Zay kə Zow kə, kə chi dii ghəə ghə tə̀ tûm tə Kəzə̀ tə kuum Yeso.”

Chi dii 22:9

Tə n fəd dza bə tə̀ mə nə̀, “Ka ghəŋə dzə sey! N loʼ soʼo wù kəfwaʼ tə a loʼ wɔ ghi waazə ghə ghə̀, ghə loʼnə tûm tə Kəzə̀ nsə ghi ghə̂ ghey adzəm ghə dzûmənə ghɔɔmə zən i loʼnə n màʼlə kən. Ngɔɔmə Zə̀ kə!”