Hibru 12:24 - Kaa n Kəzə̀ n fəghə mə

²⁴ Ghaa n bə n səə Yeso wən tə bayyənə nkaa n fəghə mə nsə n səə kaŋ tə wi tən tə â fəələnə ni sow maʼa ibəb i dzɔb tsəghəshi kaŋ tə Ebel tey tə loʼnə ni dey təngəmə.

Hibru 12:24 ပူးပေါင်းရင်းမြစ်များ

Matyo 23:35

Sey kaŋ tə ghə̂ ghən ghə loʼ nə̀ ghə khə way bwu i loʼ zə, ghə â weynə fa n mbi adzəm i tsuu tsu n tow u ghaa, ni zey bə n kaŋ tə Ebel bə kuum bə n kaŋ tə Wù tûm Kəzə̀ Zakalia, waa Berakaya wən ghə â weynə n luʼu key kə loʼnə n fə̀ŋ ə tsə zey ghə fəələnə maʼlə wə tii nsə baa baa Ndaw Kəzə̀.

Matyo 26:28

a wən loʼ kaŋ tuŋ, kaŋ tə kaa mey Zə̀ kə zə̂nə ghi ghə̂ a wi ghə, tə fəələnə nə̀ Zə̀ kə neyzəə bəb i ndəmə aghə̂.

Malakus 14:24

Yeso n dza tə̀ ghə nə̀, “À wən loʼ kaŋ tuŋ, n fəələnə bòʼ ndəmə aghə̂, ni zɔ̀ʼ nkaa n Kəzə̀ ghi ghə̂ ghə.

Lukas 11:51

Ni ney nuu tsu n kaŋ tə Ebel bə kùm bə n kaŋ tə Zachariah wən ghaa â weynə n fə̀ŋ ə tsə zey ghə fəələnə maʼlə wə tii nsə n luʼu key kə zow tsəghəshinə luʼu tə tədzəm. N dza bə isəŋə tə̀ ghaa nə ghə̂ ghən n num tən i fəʼlənu bòʼ ghəə a tii ghə.

Lukas 22:20

Ambə ghə zə̂ may kɔʼnə, tə n ney pkiʼi kɔʼ wɔɔ nlə, fu ndow tə ghə dza, “Wɔɔ nlə zən loʼ nkaa n fəghə mə ghaa zəə ghi Zə̀ kə n kaŋ tuŋ n fəələnə bòʼ ghaa.

Galeshia 3:20

Wù təmə dzəŋi wə aghə̂ wə khə kə kəfwaʼ abə ghə̂ a loʼnə abəghə nə ghə bəghəm dzəŋi way. A kee loʼ nə̀ Zə̀ kə â loʼ n nəŋə wi n nəŋə zey tə â fuunə təb kə.

1 Timoti 2:5

I loʼ sey n təŋkey, Zə̀ kə loʼ kə kəmɔ̀ʼ, wù loʼ soʼo umɔʼ tə təmə dzəŋinə ghə̂ ghə ghi Zə̀ kə, wù tii loʼ Yeso Klisto.

Hibru 10:22

sey, saa khə ni ndow n səə Kəzə̀ n fə̀ŋ tə saa tə tədzəm, saa ndzəm bəghəm fuu soʼo tə̀ wi. Saa khə ni bə n səə wi nə̀ saa n sow maʼa moʼlə tə bəbə tən tə loʼnə n fə̀ŋ tə saa nə̀ tə i zow, sow maʼa soʼo wû i saa n mmuu n zow mə.

Hibru 11:28

À loʼ bəghəm i fə̀ŋ i Mushi zə â ghəŋənə nə̀ ghə̂ ghə Izree a naŋa Zə̂ kə taa zaʼa kə nsə nə̀ ghə tsoʼlə kaabə ndow təkaŋ n fuʼu n təndaw n ghə, sey nə̀ kə tsəndəghə ə ivə nə wey maʼanə waa a num a ghə̂ ghə Izree a sə̂ isə ghə.

Hibru 11:4

A loʼ bəghəm i fə̀ŋ zən Ebel â khənə, zə â ghəŋənə nə̀ tə fəələ maʼlə wən u dzɔb tsəghəshinə u Ken wə. À loʼ n bam i bəghəm i fə̀ŋ i wi, Zə̀ kə â neynə wi nə̀ tə loʼ wù wən tə loʼnə tsətsəghə n təŋkey, Zə̀ kə n wû u wi wə â ney maʼlə wey tə â fəələnə nə̀ a loʼ maʼlə u dzuŋu wə. Nghee i buʼ loʼ kə nə̀ Ebel mâ kpu, saa nam zoʼlənu ghəə ghə na n wɔ wi kuum bəghəm i fə̀ŋ i wi n kow Zə̀ kə.

Hibru 13:20

N gɔŋŋə nə̀ Zə̀ kən kə fuunə buulə zə, tə wən tə â zhəm dzəŋŋə bənə Mûkəbii saa Yeso nə ivə, wù baʼa u tənjì u səŋi wə, tə wən tə â ney kɔʼnə kaŋ tə wi tə, zə̂ kɔʼ kaa mən n nə may koʼ way,

Hibru 7:22

N kaa mən nya, Yeso n bə ghəŋə nə̀ saa i khə tən nə̀ kaa mən à zə̂nə saa ghi Zə̀ kə nya, tsəghəshinu n wey mey.

Hibru 8:13

Ambə Zə̀ kə dza tsu nə̀, “Kaa mən loʼ kaa n fəghə mə.” Tə â sey ghəŋə nə̀ kaa n sə isə mey doʼo tsu n wey mə. Abə fə kə doʼo dzə kə wey kə, kə n lə̀ghə̀, bəghə soʼo n ghəə a may ghə.

Hibru 8:6

A kee bə nya, Zə̀ kə n fuu Yeso n fwaʼ kə fɔɔngili kən kə tsəghəshinə kə fɔɔngili tə wey tey, ighələ tə̀ kaa mey Klisto â bayyənə tə̀ Zə̀ kə ghi ghə̂ a wi ghə, dzɔb tsəghəshinə n sə isə mey n təŋkey, Zə̀ kə â dza n təb kə fəghə kən nə̀, ghə̂ ghə i keeli fə u dzuŋu wə a tii tsəghəshi u wey ghə â keelinə n laŋ kə Mushi.

Hibru 8:8

Zə̀ kə â kee koʼ tsu nə̀ ghə̂ a wi ghən ghəŋŋə bəəbənu, tə n dza tsu nə̀, “Mə Mûkəbii, n dza nə̀ Nəŋə i bəghənu, mə i zə̂ kɔʼ kaa n fəghə mə ghi ghə̂ ghə Izree ghə nsə ghə̂ a Juda ghə.

Hibru 9:15

À wən loʼ ghəə zən i ghəŋənə nə̀ Klisto doʼo wù wey tə bayyənə kaa n fəghə mən sey nə̀, ghə̂ ghey Zə̀ kə â tɔŋɔnə ghə, i loʼ ni keeli ibuulə nəŋə tədzəm tə Zə̀ kə â təb naŋanə. Ghəə ghən i neynu bənə kə n təŋkey, Klisto mâ kpu ni kuum nuu shi bə tow u ghə n ghəə ghey ghə â ghəŋŋə tsənə nə̀ a kpiilə way n nəŋə zey kaa n sə isə mey â nam khə tsənə daʼa kə n kow ghə.

Hibru 9:19

Nghee tə Mushi â tiilə may ndownə laŋ u Kəzə̀ wə udzəm tə̀ ghə tɔ̀ɔ naŋanə nə kəlaŋ tə̀ ghə̂ ghə, tə n daŋŋə ney kɔʼ kaŋ tə waa mbɔŋɔlɔʼ nsə kaŋ tə ji tə nə̀ ghə n nyɔmmə kɔʼ ghi muu mə, tsùm nyiə tsu nyaŋi fə kpìi kə kaʼ fə loʼ fə ghə tɔŋŋə nə̀ à loʼ hisɔb nə̀ ghə n baŋ kɔʼ bad kə ndzə̂ kə baŋa kə tii, wədlə tsu n màʼlə key laŋ u tɔ̀ɔ doʼonə tii, wədlə ndow soʼo n kow ghə̂ ghə adzəm.

Hibru 9:21

N jìi i mɔʼɔ zə, tə n wədlə kaabə bə kaŋ tə tii tə n fəə kə kaa mey nsə n fə wey udzəm ghə â fwaʼanə tii ni ngɔɔmə Zə̀ kə a tii.

1 Pita 1:2

Zə̀ kən kə loʼnə Bày saa â sày ghaa tə̀ tə â bayyə naŋa zeynə, Zày kə Zow kə wi kə a sow maʼa tsunə ghaa ni ghəŋə nə̀ ghaa i naŋŋə laŋ u Yeso Klisto wə nsə nə̀ kaŋ tə wi tən tə â fəələnə n zat kə fəkaʼ, tə ghəŋə nə̀ ghaa i loʼ ghə̂ a zow ghə. N gɔŋŋə nə̀ Zə̀ kə dii ghaa n fə̀ŋ ə wi i dzuŋu zə, tə fuu soʼo ghaa n buulə zə naʼ idzəm.