Hibru 12:23 - Kaa n Kəzə̀ n fəghə mə

²³ Ghaa n bə n dzəŋi kə ghə̂ ghey ghə loʼ tə a loʼ waa a Kəzə̀ a sə isə ghən zəd a ghə a tɔ̀ɔ doʼonə idəŋ. Ghaa n bə n səə Zə̀ key kə saʼanə ghə̂ ghə adzəm. Ghaa n bə n luʼu key zay u ghə̂ a Kəzə̀ ghən muu i ghə zə â loʼnə tsətsəghə, Zə̀ kə n ghəŋə nə̀ ghə kpii tsu ghə̂ ghey tə ləghənə nə̀ ghə i loʼ ghii kə.

Hibru 12:23 ပူးပေါင်းရင်းမြစ်များ

Lukas 10:20

À kee loʼ nə̀, i kə ghaa nə duʼlənə nə̀ zay u bəbə u zow tə ghaa, ghaa khə ni fədlə duʼlə n təŋkey zəd a ghaa a tɔ̀ɔ doʼo idəŋ.”

Tùm i dzuŋu zə kuum Yeso Klisto tə Jɔn â tɔɔnə 5:27

Tə n fu daʼa kə saʼa kə tə̀ Waa, n təŋkey, tə loʼ Waa wù sɔŋtsuʼ.

Kəfwaʼ 20:28

I keyyə na wû i ghaa zə nsə ghə̂ ghey adzəm Zay kə Zow kə fuu naŋanə n wɔ ghaa. Ghaa i laalə soʼo tə dzûmə tə Klisto tey Zə̀ kə â zuu nuu shi bənə n kaŋ tə waa wi.

1 Kɔrint 13:12

N sey dza n təŋkey, ghəə ghən saa koʼonə nya, saa maŋa koʼo kəzəŋŋə tə wù nə fwɔdlɔnə wû u wi wə nə kəlungali. Abə nəŋə i tii zə i baa kpi tsunə, saa i baa koʼ ndow ghəə a tii ghə n mgbaŋ. Abə Yeso i bə dzəŋŋənə, saa i fwɔdlɔ tûmmə ndow tûm usə wə ghi wi. Ghəə ghən n khənə nya, a maŋ loʼ kəm ukəm, abə Yeso i bə dzəŋŋənə, mə i keeli may ghəə a tii ghə. Isəŋə loʼ nə̀ Zə̀ kə khə aghəə adzəm kuum mə.

1 Kɔrint 15:49

Nghee i loʼ nə̀ saa bɔɔmə khə ndzoʼo wû u Adam wən Zə̀ kə â bɔmnə nə təzub, i sey dii nə̀ saa i bɔɔmə keeli soʼonu ndzoʼo wû u Klisto wən tə â tsu bənə idəŋ.

1 Kɔrint 15:54

Sey, abə wû wən u fwaynə nə̂ kwey doʼo bənə n wû wən u fway way, wû wən u kpunə, nə kwey doʼo bə soʼonə wû wən u kpu way, i nə dii nə̀ zə n luulə ghəə zey i tɔ̀ɔ doʼonə n màʼlə K-a-zə̀ nə̀, “Zə̀ kə n təm zə̂ və zə.”

2 Kɔrint 5:8

Ghey tɔʼ khənu, buʼu ləghə soʼo ni zəghə maʼa vən fə uwû fən, tə̀ ghey doʼo ndòw ghi Mûkəbii.

Efesus 1:22

Sey, Zə̀ kə n ney naŋa bə fə wə udzəm n tənnə Klisto, tsuʼ naŋa kɔʼ wi tə̀ a loʼ kətow n dzəŋi kə dzûmə tə Klisto nə̀ tə i saʼa fə wə udzəm.

Filipi 4:3

N dza bə soʼo tə wɔ fə wuŋ wən ghi wɔ dzəŋi fwaʼa dzɔbə kɔʼɔ bə nə̀ wə gaamə gheyzən ghən, n təŋkey, ghə mâ ndzəm fwaʼ ghi mə ni naʼa tûm i dzuŋu zə. Ghə â loʼ ghi Klemen nsə ghə̂ a loʼ ghey ghə â fwaʼa dzəŋinə ghi mə. Zəd a ghə a tɔ̀ɔ doʼo n màʼlə K-a-zə̀ key tə tɔ̀ɔ naŋŋənə zəd a ghə̂ ghey ghə î zəənə muu zə itsali zə.

Kolose 1:12

Ghey gɔŋŋə nə̀ ghaa i khə duʼlə zə n fə̀ŋ tə ghaa naʼ idzəm, fuu kəzɔŋŋə tə Zə̀ kə nəŋə tədzəm, n təŋkey tə n ghəŋə nə̀ ghaa doʼo n taŋ a ghə̂ ghən ghə i zə̂ənə fə wən tə təb naŋanə tə̀ ghə̂ ghən ghə loʼnə n fɔ̀ɔ u kədaa.

Kolose 1:24

N duʼlənu n fəghə zən n fəʼlənə nya bòʼ ghaa, fəghə zən n fəʼlənə loʼ tə a loʼ tuʼ zuŋ n fəghə zən Klisto â fəghənə tə dzəŋi kə dzûmə tə Klisto, tɔŋɔ wû u wi.

1 Timoti 3:5

I loʼ sey n təŋkey abə wù way ni kwu keeli ndaw wi, tə i loʼ ngee ni kwu keeli ghə̂ a Kəzə̀ ə?

Hibru 11:4

A loʼ bəghəm i fə̀ŋ zən Ebel â khənə, zə â ghəŋənə nə̀ tə fəələ maʼlə wən u dzɔb tsəghəshinə u Ken wə. À loʼ n bam i bəghəm i fə̀ŋ i wi, Zə̀ kə â neynə wi nə̀ tə loʼ wù wən tə loʼnə tsətsəghə n təŋkey, Zə̀ kə n wû u wi wə â ney maʼlə wey tə â fəələnə nə̀ a loʼ maʼlə u dzuŋu wə. Nghee i buʼ loʼ kə nə̀ Ebel mâ kpu, saa nam zoʼlənu ghəə ghə na n wɔ wi kuum bəghəm i fə̀ŋ i wi n kow Zə̀ kə.

Hibru 11:40

Zə̀ kə â ka fuu fə key tə â təb naŋanə tə̀ ghə n təŋkey, tə â bayyə naŋa ghəə ghey a dzɔb tsəghənə a ghən tə̀ saa. Tə â ləghə nə̀ bəghəm i fə̀ŋ i saa i teeli doʼo bə soʼo tə̀ a loʼ i ghə zə tə̀ ghə ni doʼo may bə ndzoʼo ghə̂ ghey tə ləghənə nə̀ ghə doʼo.

Hibru 2:12

I loʼ sey n təŋkey, tə â dza tə̀ Zə̀ kə nə̀, “Mə i dza ndow fə key wə loʼ ghii kə tə̀ waazə ghuŋ ghə. Mə i kali wɔ n luʼu tey ghə zuŋŋə doʼonə tii ni fuu wɔ n kɔʼlə mə.”

Hibru 9:27

Wù khə ni teeli kpu kə inəŋə imɔʼ, Zə̀ kə n daŋŋə saʼ wi.

Jems 1:18

 tsəm kɔʼ Kəzə̀ nə saa doʼo bə waa a wi n bam i ghɔɔmə i wi zən i loʼnə isəŋə, sey nə̀, saa loʼ ni doʼo ghə̂ ghey ghə tsəghəshinə fə wən tə bɔmnə fa n mbi udzəm.

1 Pita 2:23

Ambə ghə kpaalənə wi, tə ka kpaalə dzəŋŋə dzə ghə. Ambə tə fəghənə n wɔ ghə tə n ka bii naŋa dzə ghə. Tə n fəd zəghə maʼa ndow saʼ a wi tə̀ Zə̀ kən kə saʼanə ghə̂ ghə n jìi zey i kpiinə.

Chi dii 13:8

Aghə̂ adzəm n mbi ghə i ngɔɔmə faalə kə nyam mbvən i tii zə. Ghə̂ ghən adzəm zəd a ghə â loʼ nə̀ ghə n tɔ̀ɔ n màʼlə kə ghə̂ ghən ghə i keelinə muu zə itsali zə, nə̀ a khə Waa Nji zən ghə a weynə nə ghə n bɔm mbi, i kee ngɔɔmə way nyam tii.

Chi dii 14:4

À wən loʼ ghə̂ ghən ghə â ka dzəələ wû i ghə ghi gheyzən ghə, boʼnə ghə â doʼo tən kə nə̀ ghə ka nyəŋi koʼ ghi weyzən. Ghə n dzûmə Waa Nji zey n luʼu tey tədzəm tə ndownə. Ghə loʼ ghə̂ ghən ghə bəghəshi bənə ghə n wɔɔ kə wù sɔŋtsuʼ. Ghə loʼ fə u sə isə wən u fən bə nə usum, saa fuu ndownə tə̀ Zə̀ kə nsə tə̀ Waa Nji.

Chi dii 20:15

Wù wey zəd i wi zə â way n màʼlə key ghə tɔ̀ɔ naŋanə zəd a ghə̂ ghey ghə i keelinə muu zə itsali zə, ghə n ney maʼa nyi tsu ndow ghə n nyî zə uvələ.

Chi dii 6:11

Ghə n daŋŋə fuu ndow kay wù ghə n ndzə̂ tə fəmə tə, dza tə ghə nə ghə dzə ləmə tsu tə taŋ ə ghə̂ a kəfwaʼ ghən ghə loʼ dzəŋi ghi ghə n kɔʼ kpii tsu, ghə weyyə tsu soʼo dzûmə tə Klisto tey ghə â dzəŋi loʼnə ghi ghə tə̀ ghə â weynə ghə.

Chi dii 6:9

Sey, Waa Nji zey n zhwey nuu kɔʼ mə̀ŋ zey nə ulii utaa. Mə n koʼ ndow n tənə tsə zey ghə fəələnə maʼlə wə tii, zay u ghə̂ ghən ghə â weynə ghə bòʼ bəghəm i fə̀ŋ i ghə təŋkey ghə a naʼlə ghɔɔmə i Kəzə̀, təmi taw tsu soʼo ni dza ghəə a Kəzə̀.