Hibru 12:22 - Kaa n Kəzə̀ n fəghə mə

²² Luʼu key ghaa kee bənə tii nya loʼ n Kaʼ u Zayɔn, naʼ i Zə̀ kən kə loʼnə utaw n Yerosalem zey i loʼnə idəŋ. Ghaa n bə n luʼu key ndəmə kam tə tsətəndəghə tə Kəzə̀ tə muunə fu nə̀ wù way ni taŋ may.

Hibru 12:22 ပူးပေါင်းရင်းမြစ်များ

Matyo 16:16

Shimun Pita n beeli ndòw wi nə̀, “Wə loʼ Klisto, Waa Kəzə̀, Zə̀ kən kə loʼnə utaw nəŋə tədzəm.”

Matyo 5:35

nkee kaa mɔm tsuu ghəlikətsə, n təŋkey, a loʼ luʼu key tə gaʼanə ghow a wi ghə tii, nkee kaa sɔʼɔ ndòw Yerosalem, n təŋkey, a lòʼ naʼ i Də̀ŋ kə nii kə.

Roma 11:26

À loʼ n jii i mɔʼɔ zə, Zə̀ kə i bəghəshiənə ghə̂ ghə Izree ghə adzəm. I bɔɔmə loʼ tə i tɔ̀ɔ doʼonə n màʼlə K-a-zə̀ nə̀ Zə̀ kə â dza nə̀ “Wù wey tə bəghəshiənə ghə̂ ghə i shiə kɔʼɔ n naʼ i Zayɔn, Tə i ghəŋə soʼo nə̀ waa a waa a Yakɔb a tyi maʼa ghəə a bəbə ghə.

Roma 9:26

Zə̀ kə dza soʼo n màʼlə kə Hosia nə̀, “Luʼu tey mə̂ â dzanə tə ghə̂ ghə a tii nə̀, ‘Ghaa way dzə ghə̂ ghuŋ,’ Mə i tɔŋŋə ghə̂ ghey n luʼu tə tii tə nya nə̀ a loʼ waa a Zə̀ kən kə fuunə muu zə.”

Galeshia 4:26

Weyzən u loʼ wən tə loʼnə nə a way zən ə kəkɔd tɔŋɔ Sara, kee tey tə a loʼ Yerosalem zən i loʼ idəŋ. Wi ghi waa a wi ghə, way dzə ukɔd n tənə kəlaŋ, à loʼ wi tə loʼnə này saa.

Efesus 2:19

Sey, ghaa kəm way dzə ghə̂ a tətûm nkee ghə̂ a bwey bəghə ghə. Ghaa nya loʼ ghə̂ ghə inaʼ ghi ghə̂ a Kəzə̀ ghə, ghaa shinə n sad i kəbii i Kəzə̀.

Filipi 3:20

Abə ghey, naʼ i ghey i loʼ idəŋ, ghey fa ləmmə bəghəshi ə ghey, tə î nuu tsuu bənə fu, tɔŋɔ Mûkəbii Yeso Klisto.

1 Tesalonika 1:9

N dza sey n təŋkey, luʼu tədzəm, ghə tiilə dza kaabənu jìi zey ghaa â kpii neynə ghey tii. Ghə a tiillə dza soʼonə nghee tə̀ ghaa tuu maʼanə ni kəm ngɔɔmə muʼu mə tii, kaʼ ndow ni ngɔɔmə Zə̀ kən kə ndzəm loʼnə Zə̀ kə, loʼ soʼo utaw.

2 Timoti 4:18

Mûkəbii i bəghəshiənu mə n wɔɔ kə ghəə a bəbə ghə adzəm. Tə nə nyoʼlə ney ndow mə n fɔɔ u wi wə idəŋ wə. N gɔŋŋə nə̀ ghə̂ ghə i fuu wi n kɔʼləmə nəŋə tədzəm. À may kə sey.

Hibru 10:31

À ngii loʼ faalə kə ighəə ni nyi n wɔɔ kə Zə̀ kən kə khənə muu zə nə̀ tə chɔd wɔ.

Hibru 11:10

I loʼ sey n təŋkey, Abraham â ləmmə ni muu n naʼ i zən tsə̂ u tii u loʼ nə a səd Kəzə̀, nə̀ a loʼ soʼo Kəzə̀ kə bəghənə naʼ i tii zə.

Hibru 11:16

Ghə n fədlə mbuŋŋə ndow naʼ zey i dzɔb tsəghənə, tɔŋŋə naʼ zey i loʼnə idəŋ. Sey, Zə̀ kə dədlə way n tow kə abə ghə tɔŋŋənə wi nə̀ loʼ Zə̀ kə ghə bòʼ nə̀ tə n bayyə naŋa naʼ zə tə̀ ghə.

Hibru 13:14

Saa khə dzə way naʼ zən i doʼo tən nə tə̀ saa fa n ghəlikətsə, saa fədlə ləmmə ndow naʼ zey i nam khə ni bə.

Hibru 3:12

Waazə ghə, ghaa ney ighə̂mə nə̀ kə wù ghaa u loʼ u nə keeli fə̀ŋ i bəbə zə tə̀ tə loʼ ni tuu ni bəghəm tə̀ Zə̀ kə. Wù wey tə khənə ndzoʼo fə̀ŋ zən, way dzə ni ndow n səə Zə̀ kən kə fuunə muu zə.

Hibru 9:14

Abə ghə â loʼ ni sow maʼa ghəə a ghə̂ a bəbə ghə n ghəə ghən ghə â ghəŋŋənə, zə i boʼo doʼlə ngee ghi Klisto wən tə â fuunə wû u wi wə tə̀ a loʼ umaʼlə tə̀ Zə̀ kə n tow u saa. Tə â ghəŋə ghəə ghən n bam i Zay kə Zow kən kə loʼnə nəŋə tədzəm. Kaŋ tə wi tə sow maʼa fə̀ŋ tə saa n ghəə a bəbə ghən saa ghəŋŋənə nə̀ a ney bə ivə n kôw saa. Sey, saa khə ni fwaʼa kə tə̀ Zə̀ kən kə fuunə muu zə.

Màʼlə kə Jud tə̀ ghə̂ a Kəzə̀ ghə 1:14

Enɔk wən tə â ghəŋə tsunə waa a waa ghə Adam ghə asəghəmbəghə, mâ dza naŋa zey ghəə ghə kuum ndzoʼo ghə̂ ghən nə̀, “Koʼo na! Mûkəbii i bəghə ghi ndəmə kam tə tsətəndəghə tə wi tə zow tə.

Chi dii 14:1

Mə n baŋ laalə i ndow, koʼ tsu Waa Nji i tey n Kaʼ u Zayɔn. Zə n loʼ ghi ghə̂ ghə 144,000 (təkam fəbɔm nsə kam tə nghəm nkaykə nsə kam tə təkaykə). Ghə n tɔ̀ɔ naŋa zəd i Waa Nji zən nsə zəd i Bày wi zə n kaʼ n sə n ghə.

Chi dii 21:10

Zay kə Zow kə nyi bə n kow mə, tsəndəghə Kəzə̀ zey n boʼo kɔʼ ndow mə n kaʼ u dabə wə. Tə n dii ndow naʼ i zow zə tə mə, i loʼnə Yerosalem. Naʼ i tii zə n shiə tsu idəŋ nə̀ à fuu tsu bə Kəzə̀.

Chi dii 21:2

Mə n koʼ ndow soʼo naʼ i zow zə, nə̀ a loʼ Yerosalem i fəghə zə, i shiə tsu bənə idəŋ nə̀ a fuu tsu bə Kəzə̀, nə̀ ghə n bayyə tə a loʼ weyzən ghə lab dzɔb tsu ni ndow fuu tə num.

Chi dii 22:19

Abə wù ney nuu shi kɔʼnə ghəə zə n ghɔɔmə zən ghə dza naŋa zeynə n màʼlə kən, Zə̀ kə i ney nuu tuʼ zey tə mə khə ni n tam wey u shiənə kaʼ fey fə fuunə muu zə tə ney nuu shi soʼo wi n naʼ i zow zey ghə tiilənə n màʼlə kən.

Chi dii 3:12

Wù wey tə i taw tsəghənə ghəə a bəbə ghə, mə i ghəŋə nə̀ tə doʼo kənyəllə n fəə kə Zə̀ kuŋ, nə̀ tə nə kəm zəghə maʼa koʼ way luʼu kə tii kə. Mə i tɔ̀ɔ tsu zəd i Zə̀ kuŋ n kow wi nsə zəd zə inaʼ Zə̀ kuŋ tɔŋŋə Yerosalem i fəghə zə, i zən i nuulə shiə tsu bə idəŋ n wɔ Zə̀ kuŋ kə. Mə i tɔ̀ɔ naŋa tsu zəd zuŋ i fəghə zə n kow wi.

Chi dii 7:2

Mə n daŋŋə koʼ ndow tsəndəghə ə Kəzə̀ u loʼ wə tə nuu bə n bad key nyi i shiə kɔʼ bənə a tii nə̀ tə n kwu keeli tsəə zey Zə̀ kə idəŋ kə tsəələ naŋŋə ghə̂ ghə a tii. Tə n tɔŋɔ shi kɔʼ n dzə̂ i taw zə tə tsətəndəghə tey təkaykə, Zə̀ kə fuu naŋa ghə n daʼa kə ni nyimmə ghəlikətsə nsə nali kə dzuu.