Hibru 12:15 - Kaa n Kəzə̀ n fəghə mə

¹⁵ Dəmə tsu n na nə̀ kə wù ghaa u loʼ u nə doʼlə nə̀ Zə̀ kə ka dii wi n fə̀ŋ ə wi i dzuŋu zə. Kə wù ghaa u loʼ u nə doʼlə naŋ kə bəbə kə n fəŋŋə kə ghaa, kə loʼ ni ghəŋə nə̀ unaŋ udzəm u fway.

Hibru 12:15 ပူးပေါင်းရင်းမြစ်များ

Lukas 22:32

“À kee lòʼnə mə̀ n gɔŋŋə tə wɔ a Shimun, nə khə bəghəm i fə̀ŋ zə i nə buu doʼonə, abə wə̀ i təmi dzəŋŋə bənə, wə̀ i gàamə̀ soʼo waazə ghə.”

1 Kɔrint 10:12

A wey loʼ ghə i tii zə, wù wey tə̀ moʼlənə nə̀ tə tɔʼ teynu n bəghəm i fə̀ŋ i wi, khə ni ney ighə̂mə, sey nə̀, kə tə nə bwunə n bəghəm i fə̀ŋ i wi.

1 Kɔrint 13:8

Tûm Kəzə̀ zən ghə̂ naʼlənə nə maynu, lii tə təghɔɔmə tən ghə̂ a ghɔɔmənə nə bə maynu, tɔb wən fa mbi nə may tsəghə soʼonu, à kee loʼ nə̀ ləghə i nə may koʼ way.

1 Kɔrint 15:33

Sey, kə ghaa i nyəŋ laʼ n baa ghə̂ ghən ghə dzanə ndzoʼo ghəə ghən, n təŋkey, “Fə a bəbə a bəəbə maʼa wù wey tə khənə mwam u dzuŋu wə.”

1 Kɔrint 5:6

I dzɔbə way nghee ghaa bwey ghaŋŋə kaabənə wû zə. Ghaa khə way nə̀ nyaŋi fə mbvuŋ nə nfuŋ, fə ghəŋŋə nə̀ fuŋ n tii mə ndzəm n kɔʼ kɔʼ ə?

2 Kɔrint 13:5

Laalə tsu na wû i ghaa zə̀ ni koʼ nə̀ ghaa nam gaʼnu fə̀ŋ n kow Klisto ə? Ghaa koʼo keeli way nə̀ Klisto ndzəm loʼ n kow ghaa ə? À may kə nə̀ ghaa koʼ tsu nə̀ ghaa n bwu khə̂mə.

2 Kɔrint 6:1

Nghee tə̀ ghey fwaʼa dzəŋinə ghi Zə̀ kə, ghey buʼu bə kəwɔɔ tə̀ ghaa nə̀ kə̂ ghaa nə bəghəmnə nə̀ ndzuŋ ə Kəzə̀ zən ghaa keelinə doʼo Kənunu.

Galeshia 2:13

Ghə̂ a Təjuu a loʼ ghey fu n dzəŋi kə dzûmə tə Klisto n zey soʼo ni nəŋŋə ghəŋə tə a loʼ Pita, sey, Banabas n nyəŋ laʼ soʼo n baa ghə, nəŋŋə ghəŋŋə soʼo ghəə tii ghə.

Galeshia 5:4

Wù wən tə ləghənə ni doʼo tsətsəghə n sə K-a-zə̀ a dza tə naŋŋə kəlaŋ, tə n baʼ nuu shi bə wû u wi wə n səə Klisto. Tə sey ney nuu shi bə dzə wû u wi n jìi zey tə kəm way ni keeli ndzuŋ ə Kəzə̀.

Efesus 5:3

Kə ghaa nə̂ ghəŋŋənə ghəə a laŋŋə ghə nsə mwam u dzəə wə. Kə ghaa nə̂ shiənə n sə̂ zə n fə̂ u ghə. Ndzoʼo ghəə ghən a khə way ni shiə n fəŋŋə kə ghaa, kə̂ ghə nə̂ buʼu zəŋŋənə nə̀ ndzoʼo ghəə ghən a shiə n fəŋŋə kə ghaa, n təŋkey, ghaa loʼ ghə̂ a Kəzə̀ a zow ghə.

Kolose 3:5

Sey, ghaa khə ni teeli tuu maʼa ghəə a bəbə ghən gow uwû ləghənə, tə a loʼ; ilaŋŋə, ghəə a dzəə ghə, ni mbuŋŋə ni nyəŋi ghi wù, moʼlə tə bəbə tə, nsə mə̂ wə, n təŋkey, mə̂ u loʼ ighələ tə̀ wù nə̀ ngɔɔmənə muʼu mə.

Taytus 1:15

Fə udzəm u zownu tə̀ ghə̂ ghən ghə zownə. A kee bə ghə̂ ghey ghə fwɔdlɔnə luʼu tə, bəghəm soʼo way tə̀ Zə̀ kə, aghəə adzəm tə̀ ghə loʼ ghəə a dzəə ghə n təŋkey, moʼlə tə ghə nsə fə̀ŋ tə ghə tə fwɔd doʼo soʼonu.

Hibru 3:12

Waazə ghə, ghaa ney ighə̂mə nə̀ kə wù ghaa u loʼ u nə keeli fə̀ŋ i bəbə zə tə̀ tə loʼ ni tuu ni bəghəm tə̀ Zə̀ kə. Wù wey tə khənə ndzoʼo fə̀ŋ zən, way dzə ni ndow n səə Zə̀ kən kə fuunə muu zə.

Hibru 4:1

Nghee Zə̀ kə â təb naŋa dzənə tə saa nə̀ saa i nyiənu n luʼu kə wi kə zayyə kə, i nam loʼ kə sey. Saa khə ni ney ighə̂mə nə̀ kə wù loʼ i bwu khə̂mə nə̀ tə ka ndow nyi fu n luʼu kə zayyə kə tii kə.

Hibru 4:11

Sey, saa dəm tsu ni ndow nyi n luʼu kə zayyə kə tii kə, sey nə̀, kə wù saa u loʼ u nə bwu khə̂mənə tə̀ ghə bày bày a saa ghə â bwu khə̂mənə a dza ghə â tuu ni bəghəm tə̀ Zə̀ kə.

Hibru 6:11

Ghey ləghə nə̀ kay wù ghaa tsəghə ndow kə n sə̂ kə ni ndəmi uwû n fwaʼ kə ghaa ni ndow kuum, sey nə̀, ghaa i loʼ ni ndzəm keeli fə key ghaa ləmmənə.

2 Pita 1:10

Sey waazə ghuŋ ghə, ghaa ngii dəm tsu ni dii tsu nə̀ Zə̀ kə sày shi bənu ghaa nə̀ ghaa bə doʼo ghə̂ a wi. Abə ghaa ghəŋŋə dzənə sey, ghaa nə bwu koʼ way n bəghəm i fə̀ŋ i ghaa.

2 Pita 2:18

Ghə kɔʼlə kaabə tsə iwû, ghɔɔmə ilaʼlə, ney kɔʼɔ ghəə a laŋŋə ghey ghə ghəŋŋənə ni nəəbə ghə̂ ghey ghə kuʼlə tyi nuu shi bənə n fəŋŋə kə ghə̂ ghey ghə muunə n ghəə a bəbə ghə nə̀ ghə i ghəŋŋə dzəə dzəə tə aghəə tey gow uwû ghə ləghənə nə̀ ghə i ghəŋŋə.

2 Pita 3:11

Nghee i loʼ nə̀ Zə̀ kə i ləŋi maʼa fə wən udzəm n jìi i zən, i sey dii nə̀ ghaa khə ni muu ndzoʼo muu i ghaa zə ə? Ghaa khə ni muu muu i zow zə, ngɔɔmə soʼo Kəzə̀ nəŋə tədzəm,

2 Pita 3:14

Sey, fə ghuŋ a dzuŋu ghə, nghee ghaa ləmmənə tsuʼ fən, dəmə tən tsu n na ni koʼ nə̀ ghaa i zow, khə soʼo way bwu i loʼ zə n sə K-a-zə̀, loʼ soʼo nə ibuulə ghi wi.

2 Jɔn 1:8

Ghə̂mə na nə kə ghaa nə guŋŋənə fə kə loʼ kə n fwaʼ kən ghey fwaʼanə, kuu nyi ndow na sə̀ŋ zə, sey nə̀, ghaa loʼ ni keeli kənaamə naʼ idzəm.