Hibru 12:11 - Kaa n Kəzə̀ n fəghə mə

¹¹ Abə ghə fɔɔlənə saa, n nəŋə i tii zə, à n loʼ tə̀ ghə bàa saa, ləghə nə̀ saa i zow fɔɔbə zə. Ni tsuŋŋə kəŋə ndow, ghə̂ ghən ghə fɔɔlənə ghə n bə zoʼlə keeli kɔʼ nghee ghə khə ni muu tii nə ibuulə nsə ni muu muu zey i loʼnə tsətsəghə.

Hibru 12:11 ပူးပေါင်းရင်းမြစ်များ

Roma 14:17

N dza sey n təŋkey, ghəə a fɔɔ u Kəzə̀ à way dzə kə ghəə a zə̂ə ghə nkee ghəə a mə̂ə ghə, ghəə a tii a fəd loʼ nə̀ wə i zow ndow tə̀ Zay kə Zow kə, kə ghəŋŋənə nə̀ wə i ghəŋŋə ghəə ghən a kpiilənə tə̀ Zə̀ kə, muu nə ibuulə nsə ni muu nə iduʼlə.

2 Kɔrint 4:17

Sey, nyaŋi mə nchɔd mən saa koʼonə nyisa, n fədlə bayyə naŋa bə saa nə̀ saa i keeli kɔʼlə mən n nə may way, n tsəghəshinə chɔd mən n dzəm a keelinə.

2 Timoti 4:8

Naamə kə ləmmə mə nya idəŋ n fwaʼ kə dzuŋu kən n fwaʼnə ghii kə. Naamə kə tii kə way kə tə mə, kə loʼ soʼo tə ghə̂ ghey adzəm ghə ləghənə ni koʼ tsuʼ fey Klisto i bəghə dzəŋŋənə ibam. À naamə kə tii kə naŋa Mûkəbii wən tə saʼanə ghə̂ ghə n jìi zey i loʼnə tsətsəghə.

Hibru 12:10

Ghə bày a saa a jiə ghə â fɔɔlə tsu saa n kəmə fə inəŋə nghee tə̀ i kpiinə tə̀ ghə, Zə̀ kə kee fɔɔlə saa n ndzuŋ ə saa, sey nə̀ saa loʼ ni doʼo bə soʼo ghə̂ a zow ghə tə̀ a loʼ wi.

Hibru 5:14

Fəzəə u taw u loʼ tə̀ gheynyim ghən ghə beyyə dzənə, zoʼlə keeli kɔʼ aghəə n jìi zey ghə loʼ ni keeli ghəə zey i dzɔbənə zə nsə ghəə zey i bəbənə.

1 Pita 1:6

À wən loʼ ghəə ghən a khə ni ghəŋə nə̀ ghaa i ngii duʼlə nghee i tsəm loʼ kə nə̀ ghaa i dzəə mow kəŋŋə ndownu bòʼ ndəmə chɔd mən ghaa i keelinə.

2 Pita 2:14

Sə̂ a ghə a baa kə n kow gheyzən a laŋŋə ghə. Ghə buu way ni ghəŋŋə ghəə a bəbə ghə. Ghə təəbə fuu ghə̂ ghən bəghəm i fə̀ŋ i ghə i ka kam tɔʼ beyyə nə̀ ghə nyəŋ laʼ. À n fə̀ŋ tə ghə bəghə doʼo kə umə̂. Zə̀ kə n ləŋ naŋa ghə!