Hibru 11:6 - Kaa n Kəzə̀ n fəghə mə

⁶ Sey, wù loʼ way dzə ni ghəŋə nə̀ Zə̀ kə i duʼlə ghi wi abə tə khə way bəghəm i fə̀ŋ zə, n təŋkey, wù wey tə bəghənə n səə Kəzə̀, tə khə ni teeli khə bəghəm i fə̀ŋ zə nə̀ Zə̀ kə loʼnu nsə nə̀ tə naamənu ghə̂ ghən ghə kəŋənə wi.

Hibru 11:6 ပူးပေါင်းရင်းမြစ်များ

Matyo 11:26

Ow a Bày wuŋ, a wən loʼ nghee wə̀ â ləghə nə̀ i bə doʼo.”

Matyo 5:12

Ghaa khə ni duʼlə, saŋŋə, boʼnə naamə kə ghaa kə downu idəŋ. À wey loʼ nghee ghə â chɔdlɔ soʼonə tûm tə Kəzə̀ tə sə isə tə.”

Matyo 6:16

Yeso n dza tə̀ ghə nə̀, “Abə ghaa bamnə dzuu zə, kə ghaa nə njuʼu naŋŋənə koʼ tə tə̀ ghə nəb ityim a ghəŋŋənə, n təŋkey, ghə njuʼu naŋŋə tsuu təkoʼ tə̀ ghə̂ ghə koʼo bə nə̀ ghə bam idzuu. N dza bə isəŋə tə̀ ghaa nə̀ ghə n keeli tən naamə kə ghə kə.

Matyo 6:33

Fəd ndəmi ndow na wû zə n ghəə a fɔɔ u Kəzə̀ nsə ni loʼ tsətsəghə n sə K-a-zə̀, ghaa i keeli may fə̂ u tii wə udzə̀m.

Matyo 6:5

Yeso n nam dza ndow tə̀ ghə nə̀, “Abə ghaa dza i gɔŋŋə, kə̂ ghaa nə̂ ghəŋŋənə tə̀ a loʼ nghee ghə nəb ityim a ghəŋŋənə, n təŋkey, ghə ləghə ni təmi gɔŋŋə n ndaw tə udzəŋi tə ghə̂ a Təjuu nsə n faabə tə jìi sey nə̀, aghə̂ adzəm i koʼo bə ghə. N kuum dza bə tə̀ ghaa nə̀, ghə n sey keeli tən naamə kə ghə kə.

Malakus 16:17

À wən loʼ tsəə tən tə i dzûmə ghə̂ ghey ghə i bəghəmnə ghəə ghey ghaa dzanə; Ghə i keeli kədaʼa ni dzùm shi zay u bəbə wə n zəd zuŋ, ghə i kaʼ ni ghɔɔmə ndəmə ghɔɔmə tə tətùm,

Lukas 12:31

Ghaa khə ni fəd kəŋ ndòw dzə fɔɔ u Kəzə̀, Zə̀ kə i ngəŋə fuu ghaa n fə wən udzəm.

Lukas 6:35

Sey, i ləghə na ghə̂ a təngəmə a ghaa ghə, ghəŋə ndzuŋ tə̀ ghə̂ ghə, fuulə fuu shiə fə u ghaa, moʼlə way nə ghə i teeli fu dzəŋŋə. Abə ghaa ghəŋənə sey, ghaa i keeli naamə kə nii kə, ghaa i loʼ luʼu wey waa a Kəzə̀ a səŋi a loʼnə tii, n təŋkey, tə ghəŋə ndzûŋ tə̀ ghə̂ à məə ghə nsə ghə̂ a bəbə ghə.

Tùm i dzuŋu zə kuum Yeso Klisto tə Jɔn â tɔɔnə 14:6

Yeso n beeli ndow wi nə̀, “N loʼ jii, isəŋə nsə muu zə. Wù way dzə ni bə n səə Bày nə̀ a ka ney ndòw mə wi n səə wi.

Tùm i dzuŋu zə kuum Yeso Klisto tə Jɔn â tɔɔnə 8:24

À wey loʼ ghə i tii zə n mə dza bənə tə̀ ghaa nə̀ ghaa î kpuu kə n ghəə a ghaa a bəbə ghə. Abə ghaa ka bəghəm nə̀ n loʼ wù wey n loʼ nə ghii wə, ghaa i ndzəmə kpuu kənu n ghəə a ghaa a bəbə ghə.”

Roma 10:14

Nya, ghə̂ a sə loʼ ngee ni nɔɔ igaamə n wɔ wi nə̀ ghə ka tə wi bəghəm ə? Ghə loʼ soʼo ngee ni bəghəm tə wi nə̀ ghə ka kam zow koʼ tsə ghə i loʼ zə kuum wi ə? Ghə a loʼ soʼo ngee ni zow aghəə kuum wi nə̀ wù loʼ ka bə naʼa bə tûm tii tə̀ ghə ə?

Galeshia 5:6

Nghee saa doʼo bə dzənə nə kəfə kəmɔʼ ghi Yeso Klisto, abə ghə səghə tyi kə kə̀ mɔ ghə ka səghə ə, i zey khə way ghə i loʼ zə ni ghəŋə ghi muu i ghaa zə. Ghə i səŋi zey i loʼnə tii, loʼ bəghəm i fə̀ŋ zən saa khənə nsə ləghə zən saa khənə n wû i saa.

Hibru 11:26

Tə â ney kɔʼ n fə̀ŋ ə wi nə̀, ni fəghə bòʼ wù wən Zə̀ kə â dza naŋa nə̀ i tûm bənu dzɔb tsəghəshinu fə u dzuŋu wey udzəm u loʼnə n naʼ zə Ijip, bòʼ nə̀, tə â laalə tənə ndow kə naamə key tə i keelinə isə.

Hibru 3:12

Waazə ghə, ghaa ney ighə̂mə nə̀ kə wù ghaa u loʼ u nə keeli fə̀ŋ i bəbə zə tə̀ tə loʼ ni tuu ni bəghəm tə̀ Zə̀ kə. Wù wey tə khənə ndzoʼo fə̀ŋ zən, way dzə ni ndow n səə Zə̀ kən kə fuunə muu zə.

Hibru 4:2

N dza sey n təŋkey, ghə mâ naʼa tûm i dzuŋu zə tə̀ saa ighəllə tə̀ ghə â naʼa soʼonə tə̀ ghə̂ ghə Izree ghə. Ghə â zow tûm tii, zə n ka kee gaamə ghə n ghə i loʼ zə n təŋkey, nghee ghə â zow tsunə tûm tii, ghə n ka bəghəm naŋa n fə̀ŋ tə ghə.

Hibru 4:6

Ghə̂ a loʼ ghə i nyiə kənu n luʼu kən Zə̀ kə â bayyə naŋanə tə̀ ghə, nghee i buʼ loʼ kənə nə̀ ghə̂ a sə̂ isə ghən ghə â zownə tûm i dzuŋu zən ghə â naʼanə tə̀ ghə, â ka nyi fu, bòʼ nə̀ ghə â tuu ni dzûmə tûm i dzuŋu i tii zə.

Hibru 7:19

Tə â ghəŋə sey n təŋkey, laŋ kə â way ni ghəŋə ghə i loʼ zə i khə way chɔd wə. Abə nya ghə n dii saa n jii i dzuŋu zey saa khə ni ləmmə, nə̀ saa loʼ ni tsəghə tii ni ndow n səə Kəzə̀.

Hibru 7:25

À wey loʼ ghə i tii zə tə loʼ ni bəghəshiə ghə̂ ghey ghə bəghənə n səə Zə̀ kə nəŋə tədzəm nə̀ ghə tsəghə n baa wi n təŋkey, muu i wi i loʼ tən tsə kə ni buʼu wɔɔ kə tə̀ Zə̀ kə n tow u ghə.

2 Pita 1:10

Sey waazə ghuŋ ghə, ghaa ngii dəm tsu ni dii tsu nə̀ Zə̀ kə sày shi bənu ghaa nə̀ ghaa bə doʼo ghə̂ a wi. Abə ghaa ghəŋŋə dzənə sey, ghaa nə bwu koʼ way n bəghəm i fə̀ŋ i ghaa.

2 Pita 1:5

À wən loʼ ghə i tii zə, ghaa khə ni ngii dəm tsu ni koʼ nə̀ nghee ghaa khənə bəghəm i fə̀ŋ zə, ghaa keeli tsu soʼo fə̀ŋ i dzuŋu zə, nghee ghaa khənə fə̀ŋ i dzuŋu zə, ghaa keeli tsu soʼo ghəə a Kəzə̀.

2 Pita 3:14

Sey, fə ghuŋ a dzuŋu ghə, nghee ghaa ləmmənə tsuʼ fən, dəmə tən tsu n na ni koʼ nə̀ ghaa i zow, khə soʼo way bwu i loʼ zə n sə K-a-zə̀, loʼ soʼo nə ibuulə ghi wi.

Chi dii 21:8

A kee bə ghə̂ ghən ghə tsəŋənə, khə way bəghəm i fə̀ŋ zə, ghə nəb ityim, ghə̂ ghey ghə weynə ghə̂ ghə, ghə̂ a laŋŋə ghə, ghə̂ a fənnə ghə, ghə̂ ghən ghə ngɔɔmə muʼu mə nsə ghə̂ ghey ghə badlanə ghəə ghə, luʼu kə ghə kə loʼ n nyî zə uvələ zey sɔlfɔ bəʼlənə fu. À wən loʼ və zən i dzûmə ndow i sə̂ isə zə.”