Hibru 11:37 - Kaa n Kəzə̀ n fəghə mə

³⁷ Ghə n təmmə wey ghə nə atay. Ghə n səʼlə khəələ a loʼ ghə nə təsɔɔ nə ukə̀m ubəghə, sawwə wey a loʼ ghə nə təkɔb. A loʼ ghə n laʼa bwey kaabə nə̀ ghə n dzəŋə keeli gow tə tənjì tə nsə gow tə təji tə nə uwû. Ghə n ngii laa soʼo, ghə̂ ghə n koʼo kìi ghə, chɔdlɔ soʼo ghə.

Hibru 11:37 ပူးပေါင်းရင်းမြစ်များ

Matyo 21:35

Ghə̂ ghey tə â tsoʼo naŋanə sum wey n wɔ ghə n kwu tsu ghə̂ a kəfwaʼ ghey, bwɔd umɔʼ, wey maʼa tsu u loʼ wə, təmmə u loʼ wey nə atay.

Matyo 3:4

Jɔn â dzəŋə keeli təndzə̂ nə ghə faalə n gow nyam i loʼ zə ghə tɔŋŋənə nə̀ a loʼ kamel, tə n kow keeli kwɔɔ fə gow nyam nə isad. Fəzəə u wi wə n loʼ təbii nsə zow tə.

Matyo 8:20

Yeso n dza ndòw tə̀ wi nə̀, “Kəŋ u khə ghə n bùʼ wə ni tyi nyì doʼo tii, nnən mə idəŋ mə a khənə ghə n ndaw tə, Waa weynum kee khə way luʼu kə ni doʼo zayyə.”

Lukas 13:34

Ohooo Yerosalem, Yerosalem, naʼ zey i weyyənə tûm tə Kəzə̀ tə, təmmə wey a loʼ ghə nə atay, n mâ dəm ni zuŋŋə naŋa bə waa ghə tə nay mbvə nə zuŋŋə naŋŋə waa a wi ghə n tənə ghaw tə wi, ghaa n ka bəghəm.

Kəfwaʼ 14:19

Ghə̂ a Təjuu a loʼ ghə, ghə a nuu bənə n naʼa tə Antyɔk nsə nə Ikonum n ndow bə fu n Listra. Ghə nəəbə tsu nɔɔ kə aghə̂ key nə ghə dzəŋi bə i ghə. Sey ghə n təmmə Pɔl nə atay, sii nuu shi ndow ghi wi n naʼ i tii zə ndow maʼa naŋa ndow wi, khə kə nə̀ tə n kpuu.

Kəfwaʼ 7:52

Wù tûm Kəzə̀ u loʼ u mâ doʼo koʼ nə̀ ghə bày a ghaa a ka wi chɔd ə? Ghə â buʼ wey maʼa daŋŋə a ghən ghə â dza naŋa zey bənə bə i wù kəfwaʼ a wi wən tə loʼnə tsətsəghə. Ghaa n fìi fu ndow wi tə ghə̂ a təngəmə a wi ghə, ghə n wey maʼa daŋŋə ndow wi.

2 Kɔrint 12:10

À wey loʼ ghə i tii zə n khə way fəmmə kə n fə̀ŋ abə n laynə, ghə̂ a kpaalənə mə, koʼo uchɔd, ghə̂ a tsayyənə mə, chɔdlɔ soʼo mə, n təŋkey nəŋə zey n laynə, à wey loʼ nəŋə zey Klisto fwaʼa dzɔbənə n kow mə.

Hibru 11:25

Tə n sày kɔʼ ni fəghə dzəŋi ghi ghə̂ a Kəzə̀ ghə tsəghəshi ni zow kədzuŋ n ghəə a bəbə ghən gow uwû ləghənə n tɔŋɔ fə inəŋə.

Hibru 13:3

Ghaa i moʼlə tsu ghə̂ ghən ghə fìi naŋanə ghə n ndaw tsaʼ tə̀ a i dza ghaa dzəŋi loʼ n ndaw tsaʼ a tii ghi ghə. I moʼlə tsuu n na ghə̂ ghən ghə chɔdlɔnə ghə tə̀ a i dza ghaa zow soʼo fɔɔbə zey ghə zownə n gow uwû.

Chi dii 11:3

Mə i daŋŋə tûm bə aghə̂ abəghə nə̀ ghə n dzəŋə keeli ndzə̂ tə ivə tə nə̀ ghə bə tiilə dza aghəə bòʼ mə. Ghə i dza ghəə ghən n dzanə tə ghə. Ghə i ghəŋŋə sey nə̀ ntsuʼu kam nsə bɔm mə nbəghə nsə ghəm mə ntuubə.”