Hibru 11:35 - Kaa n Kəzə̀ n fəghə mə

³⁵ À loʼ bəghəm i fə̀ŋ zən gheyzən ghə â khənə n kow Zə̀ kə, zə â ghəŋə tsu nə̀ ghə̂ a ghə ghən ghə â kpuulənə nə̀ ghə zhəm dzəŋŋə bə nə ivə. A loʼ bəghəm i fə̀ŋ zə â ghəŋənə nə̀ a loʼ a tuu ni shi n ndaw tsaʼ, ghə n fəghə fu n ndaw tsaʼ, bə kpu daŋŋə soʼo, sey nə̀, ghə loʼ ni keeli muu zey i dzɔb tsəghənə i zən abə ghə i zhəm dzəŋŋə bənə nə ivə.

Hibru 11:35 ပူးပေါင်းရင်းမြစ်များ

Matyo 22:30

Abə ghə̂ a zhəm dzəŋŋə bənə nə ivə, ghə ney way wû zə, ghə a fuu soʼo way gheyzən ghə tə num ghə, ghə fəd muu tə a loʼ tsətəndəghə tə Kəzə̀ idəŋ.

Malakus 12:25

N dza sey n təŋkey, ghə ney way wû zə abə ghə zhəm dzəŋŋə bənə nə ivə, ghə nə fəd loʼ tə a loʼ tstəndəghə tə Kəzə̀ idəŋ abə ghə zhəm dzəŋŋə bə nə ivə.

Lukas 14:14

kùmnə ghə i way ni tsə dzəŋŋə wɔ, sey, wə nə keeli ibuulə, abə ghə̂ ghey ghə loʼ tsətsəghə nə zhəm dzəŋŋə bənə nə ivə.”

Lukas 20:36

Ghə loʼ tə a loʼ tsətəndəghə tə Kəzə̀, ghə way ni kəm kpuu, boʼnə ghə nya loʼ waa a Kəzə̀ nghee ghə zhəm dzəŋŋə dzə nə ivə.

Tùm i dzuŋu zə kuum Yeso Klisto tə Jɔn â tɔɔnə 5:29

Abə ghə nə zownə dzə̂ ə Waa Kəzə̀ zən, ghə i zhəm dzəŋŋə bə. Ghə̂ ghey ghə â ghəŋŋənə ndzuŋ, ghə i keeli imuu, abə ghə̂ ghey ghə â ghəŋŋənə ghəə a bəbə ghə, ghə i saʼ ghə, ghə tûm ndow ghə n luʼu key ghə chɔdlɔnə ghə̂ ghə a fu.”

Kəfwaʼ 22:29

Ghə̂ ghey ghə â dza i ndow bəb Pɔl n ghəə ghə n daŋŋə tyi zəghə tsu wi. Fə̀ŋ n tyi shi tow kə təsawgoʼ wey nghee tə keeli shi kɔʼ nə̀ Pɔl loʼ wù Rom, tə u ney kuum tsunə wi nə tətsaʼ.

Kəfwaʼ 23:6

Nghee Pɔl koʼ tɔb kɔʼ nə̀ dəŋə kə loʼ kə mə loʼ ghə̂ a Sadusi, kə loʼ kə n loʼ ghə̂ a tə Falasi, tə n buʼ shi kɔʼ kəbɔŋ n ndaw tsə nə̀, “Waazə ghə, n loʼ wù Falasi, ghə bày bày ghuŋ a loʼ ghə̂ a tə Falasi. Ghə mə fa saʼa nghee n bəghəmnə nə̀ Zə̀ kə i ghəŋŋənu nə̀ ghə̂ a kpuu a zhəm dzəŋŋə bə nə ivə.”

Kəfwaʼ 24:15

N ləmmə tənə tə Zə̀ kə ighələ tə ghə ləmmə tənə soʼonə nə̀ ghə̂ ghən ghə loʼnə tsətsəghə nsə ghə̂ ghən ghə way tsətsəghə, i zhəm dzəŋŋə bənu nə ivə.

Kəfwaʼ 4:19

Pita ghi Jɔn, n fəd beeli ndow ghə nə̀, “Wû i ghaa, moʼlə tsu na nə̀ a kpii ghə i ghaa zə tə Zə̀ kə ə? Ni zow tə ghaa mɔ, ni zow tə Zə̀ kə ə?

Kəfwaʼ 9:41

Pita kwu tsu wɔɔ kə wi, tɔɔmə kɔʼ wi nə̀ tə nuu təmi kɔʼ idəŋ, daŋŋə tɔŋɔ nyi dzəŋŋə bə dzûmə tə Klisto tey fu tədzəm nsə ghey a kpusə ghey fu, fuu tsəghə ndow wi tə ghə nə tə loʼ utaw.

1 Kɔrint 15:54

Sey, abə wû wən u fwaynə nə̂ kwey doʼo bənə n wû wən u fway way, wû wən u kpunə, nə kwey doʼo bə soʼonə wû wən u kpu way, i nə dii nə̀ zə n luulə ghəə zey i tɔ̀ɔ doʼonə n màʼlə K-a-zə̀ nə̀, “Zə̀ kə n təm zə̂ və zə.”

Filipi 3:11

Sey nə̀, abə jii loʼnə, mə i loʼ ni zhəm dzəŋŋə bə soʼo nə̀ ivə.