Hibru 11:32 - Kaa n Kəzə̀ n fəghə mə

³² Ghaa ləghə nə̀ n ndow kə n sə kə ni taŋŋə kɔʼ bə fwaʼ kə bəghəm i fə̀ŋ ə? Nəŋə i way ni taŋŋə kɔʼ bə fwaʼ kən bəghəm i fə̀ŋ zə â ghəŋənə ghi Gidiɔn, Barak, Samsən, Jefta, Devid, Samwel nsə tûm tə Kəzə̀ tə.

Hibru 11:32 ပူးပေါင်းရင်းမြစ်များ

Matyo 5:12

Ghaa khə ni duʼlə, saŋŋə, boʼnə naamə kə ghaa kə downu idəŋ. À wey loʼ nghee ghə â chɔdlɔ soʼonə tûm tə Kəzə̀ tə sə isə tə.”

Lukas 13:28

Sey ghaa nə dey, fəə asɔŋ, bə ghaa i koʼnə Abraham, Ayzik, Yakɔb, nsə tûm tə Kəzə̀ tə, ghə loʼnə n fɔɔ u Kəzə̀, nə ghə n ghaa tuu maʼa.

Lukas 16:31

Abraham n fəd dza tə̀ wi nə̀, ‘Abə ghə way ni bwey n laŋ u Mushi nsə n tsə i tûm tə Kəzə̀, ghə i nam way ni kwey abə wù tsəm zhəm dzəŋŋə bə kə nə ivə bə dza bə tə ghə.’”

Tùm i dzuŋu zə kuum Yeso Klisto tə Jɔn â tɔɔnə 21:25

Ndəmə ndəmə tə aghəə tə loʼ tə loʼnu Yeso â ghəŋə nə̀ ghə â ka tɔ̀ɔ naŋa. Abə ghə â tɔ̀ɔ may tsuunə ghəə ghey Yeso â ghəŋənə, tə buʼ kə mə way ni naŋa maʼlə u tii wə fa n mbi.

Kəfwaʼ 10:43

Tûm tə Kəzə̀ tədzəm tə mâ ghɔɔmə bòʼ wi dza nə̀ ghə̂ ghey ghə bəghəm nə tə wi, Zə̀ kə i neyzəənu ghəə a ghə a bəbə ghə n bam i zəd i wi.”

Kəfwaʼ 13:20

Ghəə ghən â ney tənum nbɔm nkaykə nsə ghəm mə ntaa ni bə shi. Ambə ghəə i tii i tsəghə tsu nə̀, Zə̀ kə n fu ndow ghə n ghə̂ ghə ni laalə naʼ i tii zə ni ndow kuum n tsuʼu n Samwel wən tə a loʼnə wù tûm Kəzə̀.

Kəfwaʼ 3:24

Ndzəm ndzəm, tûm tə Kəzə̀ tədzəm, ni ney nuu bə n kow Samwel, ghə mâ naʼa zey ghəə ghən a shiənə n tsuʼu n mən.

Roma 3:5

Ghə̂ a loʼ a loʼnu ni kee dza nə̀, “Ghəə a bəbə ghən ghey ghəŋŋənə, a dzɔbənu n təŋkey, a ghəŋŋə nə̀ ghə̂ ghə i loʼ ni tɔʼ koʼ bə nə̀ Zə̀ kə loʼ tsətsəghə. Abə i loʼnə sey, saa loʼnu ni dza nə̀ Zə̀ kə ka ghəŋə dzɔb abə tə chɔdnə saa bòʼ ghə i tii zə ə?”

Roma 4:1

Saa loʼ ni dza tsu nə̀ ngee kuum Abraham tɔŋŋə bày bày saa a? Tə a loʼ wù sɔŋtsuʼ, à loʼ ghə i ghaa zə zə â shinə tə wi ni dii bə nghee wù doʼlənə tsətsəghə n sə K-a-zə̀ ə?

Roma 6:1

Saa baa loʼ ni dza tsu nə̀ ngee nya a? Nə saa ndow kə n sə kə ni ghəŋŋə ghəə a bəbə ghə tə Zə̀ kə i ndəŋə dii bə saa n ndzuŋ ə wi ə?

Roma 7:7

Saa loʼ ni baa dza tsu nə̀ ngee nya a? À loʼ nə̀ laŋ kə loʼ fə kə bəbə kə ə? Ngaŋ, à ndɔm way dzə sey. À kee ndzəm loʼ nə̀ abə a mə bow tə laŋ kə, mə way ni keeli fə key bəb i loʼ ghii kə. Abə laŋ kə mə ka dza nə̀, “Kə wə nə shiə n sə ghə n fə kə wù.” Tə n mə khə dzə way nə̀ i dzɔbə way ni shiə n sə ghə n fə kə wù.

Jems 5:10

Waazə ghə, koʼo na nghee tûm tə Kəzə̀ tən tə â naʼlənə ghəə ghə n zəd i Mûkəbii â fəghənə tii. Ghə â kow fə̀ŋ n ngoʼ zey ghə â zownə. Dzûmə na ghow kə ibwey kə ghə kə.

2 Pita 1:21

N dza sey n təŋkey, wù sɔŋtsuʼ u loʼ u way dzə tə â tsə̀m koʼ kɔʼnə n nəŋə wi ni dza ghəə ghey a nuu bənə n wɔ Zə̀ kə. Â fəd loʼ Zay kə Zow kə, kə â ghəŋənə nə̀ ghə i dza bə ghəə ghey a nuu bənə n wɔ Zə̀ kə.

2 Pita 3:2

N ləghə nə̀ ghaa i moʼlə tsu ghɔɔmə zey tûm tə Kəzə̀ tə zow tə â dza naŋanə tə̀ ghaa n num tə ibam tə, ghaa i moʼlə tsu soʼo laŋ wey ngəd tə Yeso tə â fuunə tə̀ ghaa nə̀ u nuu bə n wɔ Mûkəbii saa nsə bəghəshi ə saa.