Hibru 11:3 - Kaa n Kəzə̀ n fəghə mə

³ À loʼ bəghəm i fə̀ŋ zən saa khənə n kow Zə̀ kə, i ghəŋənə nə̀ saa zowkeeli nə̀ Zə̀ kə â maŋ dza tsu kə nə̀ mbi doʼo bə, mbi n doʼo bə. À wey loʼ ghə i tii zə Zə̀ kə â neynə fə wən saa koʼo way ni ghəŋə fə wən saa koʼonə.

Hibru 11:3 ပူးပေါင်းရင်းမြစ်များ

Tùm i dzuŋu zə kuum Yeso Klisto tə Jɔn â tɔɔnə 1:3

Zə̀ kə â bɔm ufə̂ udzəm nə̀ tə tsəghə n kow wi, fə̂ kə loʼ kə way fa n mbi nə̀ a ka wi bɔm.

Kəfwaʼ 14:15

“Kə̂ ghaa nə ghəŋŋənə ghəə ghən, ghey loʼ soʼo ghə̂ a sɔŋtsuʼ tə a loʼ ghaa! Ghey fa bə ni bə naʼa tûm i dzuŋu zə tə̀ ghaa, nə̀ ghaa loʼ ni kwey nuu bə fə̀ŋ tə ghaa n ghəə ghən a gaamə way ghaa, ghaa i ngɔɔmə ndow Zə̀ kən kə loʼnə utaw. À loʼ Zə̀ kən kə loʼnə utaw kə â bɔmnə mbi idzəm, tɔŋɔ bəkighow, ghəlikətsə, tədzuu, nsə fə wey tii udzəm.

Kəfwaʼ 17:24

Zə̀ key kə â bɔm mbi nsə fə wən udzəm tii, a loʼ wi Mûkəbii ə bikighow nsə ghəlikətsə kə. Tə muu dzə way n ndaw nə a faalə wù sɔŋtsuʼ.

Roma 4:17

I loʼ sey n təŋkey i tɔ̀ɔ doʼo n màʼlə K-a-zə̀ nə̀, Zə̀ kə â dza tə Abraham nə̀, “Mə n ghəŋə nə̀ wə doʼo bày tə̀ naʼa tə n ndəm.” Tə loʼ bày saa n sə̂ K-a-zə̀, Zə̀ kən tə â bəghəmnə tə̀ wi. À loʼ Kəzə̀ kə fuunə muu zə tə ghə̂ ghən ghə kpu dzənə, ghəŋŋə soʼo nə̀, fə wən u ka kam doʼo koʼ tsə, nə̀ u doʼo bə.

1 Kɔrint 2:7

Tûm zən n naʼlə bənə loʼ tɔb wən u nuu bənə n wɔ Zə̀ kə. Zə̀ kə â nyi naŋa tɔb wən, ghə̂ ghə u khə way. Zə̀ kə â təb naŋa tɔb u tii wə tə saa nə̀ mbi ka kam kaʼ nə̀ saa i keeli nkɔʼlə tii.

1 Timoti 4:5

I loʼ nə̀, ghɔɔmə i Kəzə̀ zən nsə gɔŋŋə zən wə ghəŋə tsunə n fəzəə u tii wə, zə n ghəŋə nə̀ wə i zow.

Hibru 1:2

Abə nya n num tə tən, Zə̀ kə ghɔɔmə bə aghəə tə̀ saa n bam i waa wi. À loʼ waa wi wən Zə̀ kə â bɔmnə fə wə udzəm n bam i wi, à loʼ soʼo wi Zə̀ kə â sày naŋanə nə̀ à i zə̂ wi fə wə udzəm fa n mbi.

Hibru 6:5

Aghə̂ nə̀ ghə mâ zow ghɔɔmə i Kəzə̀ zə, keeli tsu nə̀ i dzɔbənu. Ghə n mɔm zow soʼo ndzoʼo daʼa wey u loʼnə n mbi zən i bəghənə.

2 Pita 3:5

À ndzəm sày kɔʼ ghə ni kii maʼa nə̀ n num tə ibam tə, Zə̀ kə â bɔm kədəŋ nsə ghəlitsə kə nə̀ tə maŋ tsəʼlə tsu kə kəlaŋ. Tə n faalə shi kɔʼ ghəlikətsə nə mmuu, ghəŋə soʼo nə̀ ghəlitsə kə doʼo tsu n nəŋ ghi mmuu mə.

Chi dii 4:11

“Mûkəbii ghey nsə Zə̀ kə ghey kə, wə kɔʼ kpiinu nə̀ ghə̂ ghə i fuu wɔ n kɔʼlə mə, ngɔɔmə soʼo wɔ n daʼa key wə khənə. Â bɔm wɔ fə wə udzəm, â tsəm soʼo wɔ nə̀ fə wən i loʼ, u keeli soʼo imuu.”