Hibru 11:13 - Kaa n Kəzə̀ n fəghə mə

¹³ Ghə̂ ghən adzəm â bə kpu nə̀ ghə nam khə kənu bəghəm i fə̀ŋ zə n kow Zə̀ kə. Ghə â ka keeli dzə fə key Zə̀ kə â təb naŋanə tə̀ ghə. Ghə mâ kee koʼ ndow kənu fə kə tii kə nə kədaa, ghə n khə tən nə̀ ghə i keelinu fə u tii wə. Ghə n bəghəm kɔʼ soʼo n mgbaŋ nə̀ ghə loʼ ghə̂ a tətùm nsə nə̀ ghə bwey nyi bənu fa a ghəlitsə.

Hibru 11:13 ပူးပေါင်းရင်းမြစ်များ

Matyo 13:17

N kuum dza bə tə̀ ghaa nə̀, ndəmə tûm tə Kəzə̀ nsə ghə̂ ghey ghə loʼ tsətsəghə mâ dəm ni koʼ ghəə ghey ghaa koʼo, dəm kìi, dəm soʼo ni zow ghəə ghey ghaa zow, dəm kìi.”

Tùm i dzuŋu zə kuum Yeso Klisto tə Jɔn â tɔɔnə 12:41

Ayzaya â dza sey kùm nə̀ tə mâ koʼ zey ghaʼ i Yeso zə, tə n dza naŋa bə aghəə bòʼ wi.

Tùm i dzuŋu zə kuum Yeso Klisto tə Jɔn â tɔɔnə 8:56

Wû wə a nyûmə tənə bày bày ghaa Abraham nə i mə mbɔŋ koʼ tsuʼ fey n nə bəghənə tii. Ambə tə koʼ tsunə, tə n duʼlə nay ndòw.”

Roma 4:21

Abraham â khə tən n fə̀ŋ ə wi nə̀ Zə̀ kə khənu daʼa kə tii kə ni ghəŋə ghəə zey tə â təb naŋanə.

Roma 8:24

Nghee Zə̀ kə â bəghəshinə saa, tə n ghəŋə nə̀ saa i ləmmə ni keeli kɔʼlə n wi. Abə saa kee khə dzənə fə kə, saa way ni kəm ngii khə zay ni ləmmə fə kə tii kə. I loʼ sey n təŋkey, wù wey tə khənə fə kə, tə kəm ngii khə dzə way zay ni ləmmə fə kə tii kə.

2 Kɔrint 4:18

I loʼ sey n təŋkey, ghey naŋŋə dzə way sə̂ zə n fə̂ wən a koʼonə, ghey fədlə naŋŋə ndòw isə̂ n fə̂ wey a koʼo way, bòʼ nə̀, fə̂ wən a koʼonə, u doʼlə tsuŋŋə way, fə̂ wey a koʼo way kee doʼlə tənənu.

2 Kɔrint 5:6

À wən loʼ ghəə zey i kuunə fə̀ŋ tə ghey tə. Ghey khə soʼonu nə̀ abə ghey nam muu kə muu i wû u mbi wə, ghey way dzə n səə Mûkəbii.

Efesus 2:19

Sey, ghaa kəm way dzə ghə̂ a tətûm nkee ghə̂ a bwey bəghə ghə. Ghaa nya loʼ ghə̂ ghə inaʼ ghi ghə̂ a Kəzə̀ ghə, ghaa shinə n sad i kəbii i Kəzə̀.

Hibru 11:14

Ghə̂ ghən ghə dza ndzoʼo ghəə ghən dii bənu n mgbaŋ nə̀ à loʼ ghə̂ ghey ghə kəŋənə naʼ zey i loʼnə nə̀ à loʼ i ghə zə.

Hibru 11:17

À loʼ bəghəm i fə̀ŋ zə â ghəŋənə nə̀ Abraham fuu waa wi Ayzik tə a loʼ umaʼlə tə̀ Zə̀ kə nghee Zə̀ kə â mɔm koʼonə wi. Wù mɔʼɔ wən Zə̀ kə â təb naŋanə wi n waa a waa ghə n ndəm, tə n tey tən ni fuu ndow sɔʼi fə waa wi tə̀ Zə̀ kə tə̀ a loʼ umaʼlə.

Hibru 11:27

À loʼ bəghəm i fə̀ŋ zə â ghəŋənə nə̀ Mushi tyi nuu shi bə n naʼ zə Ijip nə̀ tə tsəŋə way nə̀ də̀ŋ kə Ijip kə i fəələnu n nəghə wə ghi wi. Tə n kow fə̀ŋ, ndow kə n sə kə ni tyi shi n təŋkey, tə â naŋa ndow kə isə n kow Zə key a koʼo way.

Hibru 11:39

Nghee Zə̀ kə â bùʼ dii kə tə ghə̂ ghən nə̀ tə duʼlənu ghi ghə bòʼ bəghəm i fə̀ŋ zey ghə khənə, ghə n ka nam keeli fə key Zə̀ kə â təb naŋanə tə̀ ghə.

1 Pita 1:1

À màʼlə kən tɔ̀ɔ bə mə Pita, n loʼnə ngəd ə Yeso Klisto. N tɔ̀ɔ bə tə̀ ghaa ghən Zə̀ kə sàynə, ghaa tyi nyi doʼo kaabə tsənə n mboʼo tə Pontus, Galeshya, Kapadoshya, Eshya, nsə n Bitinya.

1 Pita 1:17

Ghaa tɔŋŋə Kəzə̀ nə̀ a loʼ Bày ghey abə ghaa gɔŋŋə tə̀ wi wən tə saʼanə ghə̂ ghə nə̀ tə laalə way tûm usə u wù wə. Tə saʼa kə kay wù n ghəə ghey tə ghəŋənə. Sey, ghaa khə ni muu tən kə ni ngɔɔmə Zə̀ kə n nəŋə zən ghaa nam khənə nghee ghaa tyi nyi doʼonə fa.

1 Pita 2:11

Fə ghuŋ a dzuŋu ghə, n buʼu bə kəwɔɔ tə̀ ghaa nə̀, tə a loʼ ghə̂ ghey ghə bwey nyi bənə fa n mbi nsə ghə̂ ghən ghə tyi nyì doʼonə, kə ghaa nə ghəŋŋənə ghəə ghey gow uwû ghaa ləghənə, n təŋkey, u zuulə baalə fə̀ŋ tə ghaa.

1 Jɔn 3:19

Ghəə ghey saa ghəŋŋənə dii bənu nə̀ ghəə ghey saa dzanə loʼ isəŋə, sey, saa i loʼ ni bə n sə K-a-zə̀ nə̀ saa khə way tsəŋ zə n fə̀ŋ.