Hibru 10:38 - Kaa n Kəzə̀ n fəghə mə

³⁸ Ghə̂ ghuŋ ghən ghə loʼnə tsətsəghə i muulənu nghee ghə gaʼnə fə̀ŋ tə ghə tə n kow mə, Abə wù ghə kee bwu khə̂mmə tsunə n bəghəm i fə̀ŋ i wi Mə i duʼlə way ghi wi.”

Hibru 10:38 ပူးပေါင်းရင်းမြစ်များ

Matyo 12:18

“À wən loʼ wù kəfwaʼ wuŋ n sày kɔʼnə, N ngii ləghə wi, fə̀ŋ zuŋ ngii duʼlənu ghi wi. Mə î kuu tsuu zay kuŋ n kow wi, Tə i naʼlə ghəə zey i loʼ tsətsəghə tə̀ ghə̂ ghən ghə way ghə̂ a Təjuu ghə.

Matyo 13:21

ghə n ka ngii taw tii, ghə n dzə kòw tsu kə fə̀ŋ fənyaŋi, ambə ghəə a dza i bə taw tsu kə n kow ghə, nkee ghə chɔdlɔnə ghə bòʼ ghəə zey ghə bəghəm, ghə n kəm ghaʼi tyi zəghə i tsu.

Roma 1:17

N dza sey n təŋkey à loʼ tûm i dzuŋu zə i dii bənə jii zey i ghəŋŋənə nə̀ wù doʼo tsətsəghə n sə K-a-zə̀. À may tsu kə n bam i bəghəm i fə̀ŋ saa doʼlənə tsətsəghə n sə K-a-zə̀, ji i nuu i kəm way dzə. À wey loʼ ghə i tii zə i tɔ̀ɔ doʼonə n màʼlə K-a-zə̀ nə̀, “Wù wey tə khənə bəghəm i fə̀ŋ zə n kow Zə̀ kə, Zə̀ kə koʼo wi nə̀ tə loʼ tsətsəghə, à loʼ wù tii, tə i keelinə muu zə itsali zə.”

Galeshia 3:11

I sey dii tsu nə a way dzə kəlaŋ kə ghəŋŋənə wù doʼo tsətsəghə n sə K-a-zə̀, tə i tɔ̀ɔ doʼo n màʼlə K-a-zə̀ nə̀, “Wù wey tə loʼnə tsətsəghə n sə K-a-zə̀ n bam i bəghəm i fə̀ŋ, tə i keeli imuu.”

1 Tesalonika 2:15

À loʼ ghə̂ a təjuu ghən ghə â weynə Mûkəbii Yeso nsə tûm tə Kəzə̀ tə, dzùm nuu shi soʼo ghey n ndəmə tə tənaʼa. Ghə ghəŋŋə dzə way ghəə ghey a dzɔbənə n sə K-a-zə̀, ghə u baa soʼo ghə̂ ghə adzəm fa mbi.

Hibru 10:39

I loʼ nə̀, saa way dzəŋi n ndzoʼo ghə̂ ghən ghə bwu khə̂mmə tsunə, Zə̀ kə u ləŋi maʼa tsunə ghə. Saa fəd loʼ ghə̂ ghey ghə khənə bəghəm i fə̀ŋ zə n kow Zə̀ kə, kə i bəghəshiənu saa.

Jems 5:6

Ghaa tsəʼlə saʼ n kow aghə̂, wey daŋŋə ghə, nə̀ ghə ka ghəə i bəbə i loʼ i ghəŋə dzə. N ghəə ghən ghaa ghəŋənə tə ghə, ghə ka zuu dzəŋŋə dzə.

1 Jɔn 2:19

Ghə̂ a təngəmə ghən â way dzəŋi dzə nə kəfə kəmɔʼ ghi saa. À wey loʼ ghə i tii zə ghə â nuu shinə n fəŋŋə kə saa. Abə zə â loʼnə nə̀ ghə â loʼ dzəŋi nə kəfə kəmɔʼ ghi saa, ghə â doʼo dzəŋi bə ghi saa, ghə a ka nuu dzə. Nghee ghə â fəd nuu shinə, i dii bə n mgbaŋ nə̀ wù ghə umɔʼ â way koʼ tsə ghi saa.