Hibru 10:32 - Kaa n Kəzə̀ n fəghə mə

³² Moʼlə tsu n na nghee ghaa â buʼ loʼnə tii n nəŋə zey ghaa â bəghəm kɔʼnə tûm i dzuŋu zə bòʼ Klisto. Ghaa n fəghə kɔʼ bə n ndəmə ndəmə tə aghəə, ghəə a tii ghə n ka kee taw tsəghə dzə ghaa.

Hibru 10:32 ပူးပေါင်းရင်းမြစ်များ

Kəfwaʼ 26:18

À loʼ wɔ wə khə ni chi sə̂ a ghə, wə ney nuu shi bə ghə nə kələm, wə naŋa shi bə ghə n sə̂ a zow ghə. À loʼ soʼo wɔ wə khə ni ney nuu bə ghə n wɔ daʼa kə Satan kə, wə ney bə ghə tə Zə̀ kə. Sey nə̀, n bəghəm i fə̀ŋ zən ghə khənə n kow mə, Zə̀ kə i neyzəə bəb i ghə, ghə ney kɔʼ bənə kə ghə n fəŋŋə kə ghə̂ ghey Zə̀ kə sày naŋanə.’”

Roma 12:12

Ghaa khə ni duʼlə ni ləmə ghəə ghən Zə̀ kə təb naŋanə tə ghaa. Ghaa i kow fə̀ŋ abə ghaa loʼnə nə uchɔd, gɔŋŋə nəŋə tədzəm.

2 Kɔrint 4:6

À loʼ Kəzə̀ tə â dza tsu nə̀, “Tsə u bàŋ shi bə nə kələm”, à loʼ wi tə ghəŋənə nə̀ tsə u bàŋ n fə̀ŋ tə ghey sey nə̀ ghey koʼ kɔʼlə n Kəzə̀ mən n baŋanə n tûm usə u Klisto.

Filipi 3:16

Saa kee khə ni bwey ndow kə nə isəŋə zey saa khə zey dzənə.

Kolose 2:1

N ləghə nə̀ ghaa keeli tsu nə n ngii dəmənu bòʼ ghaa nsə ghə̂ ghey ghə loʼnə n dzəŋi kə dzûmə tə Klisto n naʼ i Lodishya, buʼu dəmə soʼo tə ghə̂ ghey ghə loʼ nə ghə ka kam koʼ koʼ tsə mə n wû wuŋ wə.

Hibru 12:4

Nghee ghaa tsəmə dəmə kə ghi ghəə a bəbə ghə, ghaa ka kam dəm kuum dzə n jìi zey ghaa loʼ ni kpu daŋŋə tii.

Hibru 5:12

Ghaa mə khə ni loʼ ghə̂ a dii ghə nya. À fa kee loʼ nə̀ wù loʼ khə ni bə faalə dii kpiʼi bə ghaa n ghəə a sə isə ghə n ghɔɔmə i Kəzə̀. Ghaa fa nam loʼ kə tə̀ a loʼ waa a buu ghə, ghə nam nyɔŋɔnə ghii zə, loʼ sey nə̀ ghaa mə khə ni zə̂ə fəzəə u taw wə.

Hibru 6:10

Zə̀ kə way dzə wù wey tə way tsətsəghə n ghəə a wi, sey, tə i neyzəə way fwaʼ kə ghaa kə nsə ləghə zən ghaa dii bənə tə̀ wi nghee ghaa gaamənə ghə̂ a wi ghə, ghaa a nam ndow kə n sə kə ni ghəŋŋə sey.

Hibru 6:4

Wə way dzə ni kəm ney bə ghə̂ ghey ghə â buʼ keeli dzənə ghəə ghən ibam, aghə̂ nə̀ ghə n mɔm zow naamə kən kə nuu bənə idəŋ n wɔ Zə̀ kə, keeli soʼo Zay kə Zow kə.

2 Jɔn 1:8

Ghə̂mə na nə kə ghaa nə guŋŋənə fə kə loʼ kə n fwaʼ kən ghey fwaʼanə, kuu nyi ndow na sə̀ŋ zə, sey nə̀, ghaa loʼ ni keeli kənaamə naʼ idzəm.

Chi dii 2:5

Moʼlə tsu nghee wə â buʼ loʼ tsə tii tə̀ wɔ ni bə bwu khə̂mə. Kweyyə nuu bə fə̀ŋ zə n ghəə a bəbə ghey ghaa ghəŋŋənə, wə i ghəŋŋə ndow ghəə ghey wə â buʼu ghəŋŋə tsənə. Nə̀ à way sey, mə i bə ney nuu kɔʼ nyəllə kə kədaa kə key n bənə kə wi.

Chi dii 3:3

Moʼlə tsu ghəə zey ghə â diinə ghaa tii nsə ghəə ghey ghaa â zownə. Ghaa i dzûmə ndow ghəə a tii ghə, ghaa kweyyə nuu bə soʼo fə̀ŋ tə ghaa n ghəə a bəbə ghey ghaa ghəŋŋənə. Abə ghaa ka zhəm nuu kɔʼ, mə i bə n kow ghaa tə a loʼ wù tsɔŋɔ, ghaa i keeli soʼo way nəŋə zey mə i bəghənə tii.