Hibru 10:29 - Kaa n Kəzə̀ n fəghə mə

²⁹ ghaa moʼlə nə̀ Zə̀ kə i boʼo chɔdlɔ ngee wù wey tə koʼo kiinə waa Kəzə̀, ngɔɔmə way kaŋ tən tə â fəələnə n kaa mən mə â sow maʼanə ghəə a wi a bəbə ghə, kpaalə soʼo Zay kə Zow kən kə ney bənə ndzuŋ ə?

Hibru 10:29 ပူးပေါင်းရင်းမြစ်များ

Matyo 26:28

a wən loʼ kaŋ tuŋ, kaŋ tə kaa mey Zə̀ kə zə̂nə ghi ghə̂ a wi ghə, tə fəələnə nə̀ Zə̀ kə neyzəə bəb i ndəmə aghə̂.

Matyo 7:6

“Kə̂ ghaa nə neynə fə u Kəzə̀ wə, ghaa fuu ndow tə̀ ghə̂ ghən ghə loʼnə tə a loʼ təbvə, n təŋkey, ghə loʼ ni kəm khə̂mə bə iwû, ghə ŋaŋi ghaa tə̀ bvə tə nə ŋaŋinə wù. Kə̂ ghaa nə̂ ney soʼonə fə u ghaa u dzuŋu wə, ghaa dzəŋə ndow n kow ghə̂ ghey ghə loʼnə tə̀ à loʼ ufelibu, n təŋkey, ghə loʼ ni ney nyuʼ maʼa nə kətsaʼ tə a loʼ kəfelibu.”

Malakus 7:2

Ghə n koʼ ndòw ngəd tə Yeso tə loʼ tə ghə zəənə n wɔɔ a dzəə ghə tə laŋ kə ghə kə diinə.

Lukas 12:10

Wù wey tə ghɔɔmə bəəbənə ghəə ghə n kow Waa wù sɔŋtsuʼ, Zə̀ kə i loʼnu ni neyzəə wi, wù wey tə kee ghɔɔmə bəəbənə ghəə ghə n kow Zay kə Zow kə, Zə̀ kə i neyzəə way wi.

Tùm i dzuŋu zə kuum Yeso Klisto tə Jɔn â tɔɔnə 10:36

a kee loʼ kee ghaa dzanə nə̀ n tsayyə Kəzə̀ nghee tə n dza tsunə nə̀, ‘N loʼ Waa Kəzə̀ ə?’ Loʼ sey nə̀ à loʼ Bày tə sày kɔʼnə mə, tûm bə mə fa n mbi.

Tùm i dzuŋu zə kuum Yeso Klisto tə Jɔn â tɔɔnə 17:19

Mə n ghəŋə wû wuŋ wə nə̀ wə i zow n sə̂ kə n tow u ghə, sey nə̀ ghə i loʼ soʼo ni ndzəmə zow.”

Kəfwaʼ 7:51

Sətifən n ndow n sə kə dza nə̀, “Ghə̂ a taw a kətow ghən! Ghaa bɔɔmə khə kə fə̀ŋ tə ghə̂ ghən ghə ka bəghəm tə Zə̀ kə, ləghə soʼo way ni zow isəŋə. Ghaa baa ni tuu maʼa ghəə ghey Zay kə Zow kə dzanə. Ghə bày bày a ghaa â ghəŋŋə tsə sey, ghaa bɔɔmə loʼ soʼo sey.

Roma 16:20

Zə̀ kən kə ghəŋŋənə nə̀ fə̀ŋ tə saa tə i loʼ nə ibuulə, i kuʼlə təmə zə̂ənu Satan, tə naŋa bə wi n tənnə fuu i ghaa. N gɔŋŋə nə̀ Mûkəbii saa tɔŋŋɔ Yeso Klisto dii ghaa n ndzuŋ ə wi.

1 Kɔrint 11:27

Sey, abə wù zə̂nə baa kə Mûkəbii kən, mə̂ soʼo n wɔ̀ɔ wi zən n jìi zey i kpiilə way, tə n sey ghəŋŋə bəəbə tə̀ wû u Mûkəbii wə nsə tə̀ kaŋ tə wi tə.

1 Kɔrint 11:29

N sey dza n təŋkey, wù wey tə zə̂ənə baa kə Mûkəbii kə, mə̂ə soʼo lə n wi nə̀ tə fuu way ngɔɔmə zə tə̀ wû u Klisto wə, tə sey ney bə uchɔd n wû u wi nghee tə mə̂ənə sey, zə̂ə soʼo.

1 Kɔrint 15:25

I khə ni doʼo sey n təŋkey Klisto khə ni saʼ mbi zən ni ndow kuum n nəŋə zey tə i ney naŋŋə bənə ghə̂ a təngəmə a wi ghə adzəm n tənə fuu i wi.

1 Kɔrint 15:27

I tɔ̀ɔ doʼo n màʼlə K-a-zə̀ nə̀, “Zə̀ kə ney naŋa bə ufə̂ udzəm n tənə fuu i wi.” Nghee tə̀ kə dza tsunə nə̀ tə ney naŋa “ufə̂ udzəm” n tənə fuu i wi, i sey dii nə̀ Zə̀ kə ka taŋ dzəŋi dzə wû u wi wə tii n təŋkey, à loʼ wi tə naŋa fə̂ u tii wə n tənə Klisto.

1 Kɔrint 6:11

À wən bɔɔmə loʼ ndzoʼo ghəə ghey ghaa a loʼ ghə â buʼu ghəŋŋə tsənə. Mûkəbii Yeso Klisto nsə Zay kə Zow kə n kee sow maʼa tsu ghaa n ghəə a ghaa a bəbə ghə, ghəŋə nə̀ ghaa i zow n sə K-a-zə̀, ghəŋə soʼo nə̀ ghaa i loʼ tsətsəghə n sə̂ K-a-zə̀.

Efesus 4:30

Kə ghaa nə̂ ghəŋŋənə nə̀ Zay kə Zow kə i mow n jìi zey ghaa muunə a tii. Zay kə Zow kə loʼ tə̀ a loʼ tsəə Zə̀ kə kuu naŋanə n kow ghaa ni dii tsu nə̀ ghaa loʼ ghə̂ a wi ghey tə i bəghəshiənə fa mbi abə nəŋə i kpii bənə.

Efesus 5:26

Tə â ghəŋə ghə i zən ni ghəŋə nə̀ ghə̂ a ndaw Kəzə̀ ghə i zow n sə̂ kə wi. Tə n sow maʼa tsu bəb i ghə n ghɔɔmə i Kəzə̀ tə̀ tə nə sownə nə mmuu.

Hibru 10:10

I loʼ sey n təŋkey, Yeso Klisto a ghəŋə ghəə zey Zə̀ kə ləghənə, nghee tə â fuu ndownə wû u wi wə tə̀ a loʼ umaʼlə, ni sow maʼa tən ghəə a saa a bəbə ghə.

Hibru 12:25

Sey, ghaa ney ighə̂mə nə̀ kə ghaa i tuu ni zəllə tə̀ Zə̀ kə nghee tə ghɔɔmə bənə tə̀ ghaa. Abə ghə̂ ghə Izree ghə â ka nɔb shi nghee ghə â tuu ni zow tə̀ Mushi wey tə â fuunə ghə n tsə̀ zə fa a ghəlitsə, i sey dii nə̀ zə i bəbə tsəghəshiənu n kow saa, abə saa tuunə ni zow tə̀ wù wey tə ghɔɔmə tsuu bənə tə̀ saa idəŋ.

Hibru 13:20

N gɔŋŋə nə̀ Zə̀ kən kə fuunə buulə zə, tə wən tə â zhəm dzəŋŋə bənə Mûkəbii saa Yeso nə ivə, wù baʼa u tənjì u səŋi wə, tə wən tə â ney kɔʼnə kaŋ tə wi tə, zə̂ kɔʼ kaa mən n nə may koʼ way,

Hibru 2:11

Yeso ghi ghə̂ ghey tə â sow maʼa tsunə bəb i ghə zə, dzəŋi khə bày umɔʼ. À wey loʼ ghə i tii zə Yeso dədlə way n tow kə ni tɔŋɔ ghə nə̀ a loʼ waazə a wi.

Hibru 2:3

Saa i nɔbə shiə ngee abə saa tsayyənə bəghəshi i nii zən ə? A loʼ Mûkəbii n wû u wi wə tə a naʼa bənə bəghəshi zən isə. Ghə̂ ghən ghə a zownə, ghə dii bə tə̀ saa nə̀ à loʼ isəŋə.

Hibru 4:14

Sey, nghee i loʼ dzə nə̀ saa khənu taw kə fɔɔngili u nii nii wən tɔŋŋə Yeso, tə loʼnə waa Kəzə̀, nə̀ tə n tsəghə tɔɔlə, ndow nyi n luʼu key Zə̀ kə loʼnə tii idəŋ, saa bɔɔmə təmi tən tsu kə n bəghəm i fə̀ŋ zey saa khənə n kow Zə̀ kə.

Hibru 6:4

Wə way dzə ni kəm ney bə ghə̂ ghey ghə â buʼ keeli dzənə ghəə ghən ibam, aghə̂ nə̀ ghə n mɔm zow naamə kən kə nuu bənə idəŋ n wɔ Zə̀ kə, keeli soʼo Zay kə Zow kə.

Hibru 6:6

Zə i tawnu tə̀ ghə̂ ghən ghə bwu shinə ni kəm kweyyə boʼnə ghə a tuu maʼa waa Kəzə̀, sey, zə i loʼ tə ghə kəm baa kuulə ndow wi n zat kə fəkaʼ, fuu wi n tow kə dədlə kə n sə kə aghə̂.

Hibru 9:13

Ghə fɔɔngili a loʼ ghey â ney kɔʼɔ tsə kaŋ tə ji, kaŋ tə mbɔŋɔlɔʼ nsə dzəm u waa mbɔŋɔlɔʼ wə, ghə n wədlə ndow n wû i ghə̂ ghən ghə loʼ nə̀ ghə n ghəŋə bəəbə, sey nə̀ ghə i zow tə laŋ u Mushi u diinə.

Hibru 9:20

Ambə tə wədlə ndownə, tə n dza tsu nə̀, “À wən loʼ kaŋ tə kaa mən Zə̀ kə dzanə nə̀ ghaa i naŋŋə.”

Chi dii 1:5

N gɔŋŋə nə̀ Yeso Klisto wən tə dii bənə isəŋə zən saa loʼ ni gaʼ fə̀ŋ tii, tə loʼnə wù sə isə ni zhəm dzəŋŋə bə nə ivə, tə saʼa soʼonə dəŋ wə fa a ghəlitsə, dii ghaa n ndzuŋ ə wi, tə fuu soʼo ghaa n buulə zə. Tə ləghənu saa, tə u bəghəshi saa n ghəə a saa a bəbə ghə, nghee tə â fuu ndow wû u wi wə n tow u saa n kaŋ tə wi tən tə â fəələnə n zat kə fəkaʼ.