Hibru 10:26 - Kaa n Kəzə̀ n fəghə mə

²⁶ Abə saa ndzəm tsəghə ndow kə n sə kə ni ghəŋŋə ghəə bəbə ghə, loʼ sey nə̀ saa n keeli isəŋə, maʼlə u loʼ u kəm way dzə ni fəələ tə̀ Zə̀ kə, u loʼnə ni sow maʼa ghəə a bəbə a tii ghə.

Hibru 10:26 ပူးပေါင်းရင်းမြစ်များ

Lukas 12:47

Wù kəfwaʼ wey tə khənə ghəə ghey mûkəbii ə wi ləghənə, ka kee fwaʼ tə̀ tə mə̀ khənə ni fwaʼ î ndəŋə məə n fən.

Tùm i dzuŋu zə kuum Yeso Klisto tə Jɔn â tɔɔnə 13:17

Nya wən ghaa khənə isəŋə zən, Zə̀ kə i fuu ghaa n buulə zə abə ghaa dii ndow isəŋə i tii zə n ghəə a ghaa a ghəŋŋə ghə.”

Tùm i dzuŋu zə kuum Yeso Klisto tə Jɔn â tɔɔnə 9:41

Yeso n beeli kɔʼ nə̀, “Abə ghaa bəghəmnə nə̀ ghaa fəb doʼonu, i sey dii nə̀ wɔɔ a ghaa a zownu n ghəə a bəbə ghə. Abə ghaa kee moʼlənə nə̀ ghaa tɔʼɔ koʼonu luʼu tə, i sey diinə wɔ ghə a dzəənu n ghəə a bəbə ghə.”

2 Tesalonika 2:10

Tə i ghəŋə ndəmə ghəə a bəbə ghə ni sii ndzəŋ ghə̂ ghən ghə loʼnə tə̀ a loʼ ghə̂ a kpu ghə tə̀ Zə̀ kə n təŋkey ghə ləghə way ni gaʼ fəŋ n ghəə i loʼ isəŋə sey nə̀ ghə keeli ibəghəshi.

1 Timoti 1:13

Nghee mə â loʼ nə̀ n ka kam bəghəm tə Klisto, mə â ghɔɔmə bəəbə tsə bòʼ wi, tsayyə wi, chɔdlɔ tsə soʼo wi. Zə̀ kə n kee kwɔɔlə isî n kow mə boʼnə mə â ka kam keeli dzə bəghəm i fə̀ŋ zə, mə n khə soʼo way ghəə ghey mə â ghəŋŋənə.

1 Timoti 2:4

Tə ləghə nə̀ aghə̂ adzəm a keeli ibəghəshi, ghə keeli soʼo isəŋə.

Jems 4:17

Keeli tsu na nə̀, abə wù khənə nə̀ à wən loʼ ghəə zey i kpiilənə ni ghəŋə, tə ka ghəŋə ghə i tii zə, wù tii n sey ghəŋə bəəbə.

1 Jɔn 5:16

Abə wə koʼ waazu ghəŋŋə bəəbənə ghəə zə n jìi zey zə i sìi ndow way wi nə ivə, wə n gɔŋŋə nə̀ Zə̀ kə fuu wi n muu zə, bòʼ bəb i wi zey i way ni wey wù. Ghɔɔmə zən loʼ tə̀ ghə̂ ghey ghə ghəŋŋənə bəb zey i way ni ghəŋə nə̀ wù kpu. Bəb i loʼ i loʼnu ni ghəŋə nə̀ wù kpu, n kee dza dzə way nə̀ ghaa khə ni gɔŋŋə n ndzoʼo bəb i tii zə.