Hibru 10:25 - Kaa n Kəzə̀ n fəghə mə

²⁵ Mwam wən saa khənə ni təmə dzəŋi nəŋə tədzəm, kə saa nə buu naŋŋənə tə̀ ghə̂ a loʼ ghey ghəŋŋənə. Saa khə ni fəd ghəŋə nə̀ saa i ndəŋə təmə dzəŋi zeeli ni kuu fə̀ŋ tə saa tə, n təŋkey, ghaa n koʼ nə̀ tsuʼ fey Mûkəbii i bəghənə tii, nya kuʼlə bənu.

Hibru 10:25 ပူးပေါင်းရင်းမြစ်များ

Matyo 10:15

N kuum dza bə tə̀ ghaa nə̀, ghəə ghən n dzanə fa tə̀ ghaa, abə tsuʼ u təsaʼ wə î kpii tsunə, naʼ zey ghaa nyoʼonə dzəm tii, Zə̀ kə î kwɔɔlənu n sî zə n kow naʼ i Sodom zə, nsə i Gomora zə, tsəghəshi naʼ i tii zə.”

Matyo 18:20

Bòʼ nə̀, luʼu key ghə̂ a zuŋŋə doʼonə abəghə nkee atəghə n zəd zuŋ, mə n loʼ fu n fəŋŋə kə ghə.”

Tùm i dzuŋu zə kuum Yeso Klisto tə Jɔn â tɔɔnə 12:48

Wù loʼnu tə i saʼanə ghə̂ ghey ghə tuu maʼanə mə, tuu soʼo ni ney naŋa ghɔɔmə zuŋ, n təŋkey, a i loʼ ghɔɔmə zən i shi bənə n dzuu zuŋ, zə i saʼanə ghə n tsuʼ fey mbi i maynə tii.

Kəfwaʼ 16:16

Ambə n tsuʼ fə loʼ fə ghey ndownə n luʼu kə gɔŋŋə kə, ghey n kpi tsu ghi waa u zən u loʼ wə tə â loʼnə kɔd kə, zay kə bəbə kə loʼ soʼo n kow wi. Zay kə bəbə kən n ghəŋŋə nə̀ tə i dza nyaʼ fə. Tə n fwaʼa tsə ndəmə ukhəə tə ghə mûkəbii a wi ghə n nyaʼ fən tə dzanə.

Kəfwaʼ 2:1

Ambə tsuʼ fə Pentikɔs fə bənə, dzûmə tə Klisto tədzəm tə n dzəŋi loʼ nə kəluʼu kəmɔʼ.

Kəfwaʼ 2:42

Ghə n fuu nyi ndow wû i ghə ni zoʼlə ghəə ghey ngəd tə Yeso tə diinə, təmə dzəŋi ghi ghə, gɔŋŋə, zəə dzəŋi soʼo baa K-a-zə̀ ghi ghə.

Kəfwaʼ 20:7

N tsuʼ inaʼ wə nkala, ghey n tsu doʼo tsu n kuubə tə ni zə̂ baa K-a-zə̀. Nghee tə Pɔl â khənə moʼlə zə ni zəghə tsətsə wey, tə n kaʼ tsu ni ghɔɔmə, tə n ghɔɔmə aghəə tə ghə̂ ghə sa, ndow taa ndow n fə̀ŋ ə tsuʼu tə.

Roma 12:8

Abə Zə̀ kə fuunə wɔ n naamə kə ni kuu fə̀ŋ tə ghə̂ tə, wə n ghəŋə ndow sey n fə̀ŋ zə idzəm. Nə Zə̀ kə fuu wɔ n naamə kə ni buu n wɔɔ kə, wə n fuu ndow n fə̀ŋ zə idzəm. Abə Zə̀ kə fuunə wɔ n daʼa kə ni kwu keeli aghə̂, wə n kwu keeli ghə n wɔɔ a dzuŋu ghə. Nə Zə̀ kə fuu wɔ n naamə kə ni ghəŋŋə ndzuŋ, wə n ghəŋŋə ndow sey nə̀ iduʼlə.

1 Kɔrint 11:20

Abə ghaa təmə dzəŋinə, jìi zey ghaa zə̂ənə tii, way dzə jìi zey ghə zə̂ənə baa K-a-zə̀ kə.

1 Kɔrint 14:23

Ney kɔʼ na nə̀ dzûmə tə Klisto tə təmdzəŋi bənu tədzəm ni fuu nkɔʼlə tə̀ Zə̀ kə, ghə a kaʼ nyi ndownə ni gɔŋŋə n lii tə təghɔɔmə, abə wù kənunu nkee ghə̂ ghən ghə ka bəghəm tə̀ Zə̀ kə kpaʼi ndow bənə fu, ghə i moʼ way nə̀ tow u ghaa u kpiilə way ə?

1 Kɔrint 14:3

Wù wey tə naʼlənə tûm Kəzə̀ kee ghɔɔmə tə̀ ghə̂ ghə, tə ghɔɔmə ni bəghə kɔʼ bə muu i Kəzə̀ i ghə, ni kuu fə̀ŋ tə ghə nsə ni tsəmmə fə̀ŋ tə ghə.

1 Kɔrint 3:13

N tsuʼ fey Zə̀ kə i saʼanə mbi tii, vəllə wə i dii bənu ndzoʼo fə key kay wù bəghə u təndaw u neynə ni bəghə ndaw tii. Vəllə u tii u nə mɔm koʼ tsu ni dii bə nə̀ wù tii â bəghə ndaw tii n fə wey u tawnə mɔ u wey u taw way.

1 Kɔrint 5:4

Abə ghaa i təmdzəŋi bənə, mə i loʼ dzəŋi ghi ghaa n moʼlə tuŋ, daʼa kə Mûkəbii ə saa Yeso kə i loʼ soʼo.

Filipi 4:5

Ghaa khə ni dii ndow tə̀ ghə̂ ghə adzəm nə̀ ghaa zuŋ loʼnu n mwam u ghaa, tənkey, nəŋə i Mûkəbii i fənə bə zə n shɔd.

1 Tesalonika 4:18

Nghee tə̀ i loʼnə sey, ghaa khə ni kuu tiilə fə̀ŋ tə ghaa tə n ghɔɔmə zən.

1 Tesalonika 5:11

Sey, ghaa khə ni kuu tiilə fəŋ tə̀ ghaa tə, gaamə tiillə soʼo i wû i ghaa zə ni ghəŋə nə̀ ghaa nyim n bəghəm i ghaa, ighələ tə̀ ghaa ghəŋənə.

Hibru 10:24

Saa kəŋ tsu soʼo jìi ni gaamə waazə a saa ghə, nə̀ saa i khə zay ni ləghə wû i saa zə, nsə ni ghəŋŋə ghəə a dzuŋu ghə n wû i saa.

Hibru 10:37

Ghaa khə ni ghəŋə sey n təŋkey, i tɔ̀ɔ doʼo n màʼlə K-a-zə̀ nə̀, “Fəkəmə kə sa, Wù wey tə khə ni bə, i bəghənu Tə i loʼlə way.

Hibru 13:22

Waazə ghuŋ ghə, n buʼu bə kəwɔɔ tə̀ ghaa nə̀ ghaa kow tsu fə̀ŋ ni zəllə tûm zən n tɔ̀ɔ bənə ni kuu bə fə̀ŋ tə ghaa. A wey loʼ ghə i tii zə n tɔ̀ɔ bənə sə fə aghəə fən tə̀ ghaa.

Hibru 3:13

I fədlə gaamə tiilə ndow na wû i ghaa zə tsuʼu n dzəm, nghee ghə tɔŋɔ tsu dzə tsuʼ fə tii nə̀, “Na!” Sey nə̀, kə bəb zə i nəb fuu ghaa, ghaa taw doʼo ndow tii.

Jems 5:8

Kôw tsu soʼo na fə̀ŋ tə ghaa tə, ghaa təmi taw tsu, n təŋkey, bə i Mûkəbii zə n shɔd.

1 Pita 4:7

Nəŋə zə n kuʼlə tə̀ fə wə udzəm ni bə may. Sey ghaa khə ni kwu keeli tsu wû i ghaa, ghaa təmi kɔʼ n fuu zə, sey nə̀, ghaa i loʼ ni tɔʼ gɔŋŋə.

2 Pita 3:11

Nghee i loʼ nə̀ Zə̀ kə i ləŋi maʼa fə wən udzəm n jìi i zən, i sey dii nə̀ ghaa khə ni muu ndzoʼo muu i ghaa zə ə? Ghaa khə ni muu muu i zow zə, ngɔɔmə soʼo Kəzə̀ nəŋə tədzəm,

2 Pita 3:14

Sey, fə ghuŋ a dzuŋu ghə, nghee ghaa ləmmənə tsuʼ fən, dəmə tən tsu n na ni koʼ nə̀ ghaa i zow, khə soʼo way bwu i loʼ zə n sə K-a-zə̀, loʼ soʼo nə ibuulə ghi wi.

2 Pita 3:9

Mûkəbii lasə dzə way ni luulə ghəə zey tə â təb naŋanə tə̀ ghə̂ a loʼ a moʼlənə. I fəd loʼ nə̀ tə kow fə̀ŋ ghi ghaa n təŋkey tə ləghə way nə̀ Zə̀ kə ləŋi maʼa wù ghaa umɔʼ. Tə kee ləghə nə̀ aghə̂ adzəm a kweyyə nuu bə n ghəə a ghə a bəbə ghə.

Màʼlə kə Jud tə̀ ghə̂ a Kəzə̀ ghə 1:19

À wən loʼ ghə̂ ghey ghə ghəŋŋənə nə̀ ghə̂ ghə i dzawwə doʼlə kaabə tsə. Ndzoʼo ghə̂ ghən naŋa tən kə fə̀ŋ tə ghə n fə u mbi, Zay K-a-zə̀ kə a way soʼo n kow ghə.