Hibru 10:24 - Kaa n Kəzə̀ n fəghə mə

²⁴ Saa kəŋ tsu soʼo jìi ni gaamə waazə a saa ghə, nə̀ saa i khə zay ni ləghə wû i saa zə, nsə ni ghəŋŋə ghəə a dzuŋu ghə n wû i saa.

Hibru 10:24 ပူးပေါင်းရင်းမြစ်များ

Kəfwaʼ 11:29

Sey, dzûmə tey n saalə tsu ni fuu igaamə tə wɔɔ a ghə ghə â kɔʼ kuumnə tə dzûmə tey tə loʼ nə n Judeya.

Roma 11:4

Ghaa məghənu nghee Zə̀ kə â beeli ndownə Elayja tii ə? Tə â dza tə wi nə̀, “Mə n sày naŋa shi kɔʼ ghə̂ ghə fa inaʼ təkam təsəghəmbəghə nə̀ à loʼ ghə̂ ghuŋ, nə̀ wù ghə umɔʼ ka kam təm koʼ tsə nguʼ tə aghəd ni ngɔɔmə zə̀ kə tsɔŋɔ kən ghə tɔŋŋə nə̀ à loʼ Bal.”

Roma 12:15

I duʼlə n na ghi ghə̂ ghey ghə duʼlənə, mow soʼo ghi ghə̂ ghey ghə mownə.

1 Kɔrint 10:33

À wey loʼ soʼo nghee n dəmənə ni muu nə̀ n khə way chɔd wə ghi wù loʼ n ghəə ghey n ghəŋŋənə. N ghəŋŋə dzə way ghəə ghey a dzɔbə kənə tə̀ mə, n fədlə ghəŋŋə ghəə ghey ghə i gaamənə ndəmə aghə̂, sey nə̀, ghə i loʼ ni keeli ibəghəshi.

1 Kɔrint 9:22

Abə n loʼnə ghi ghə̂ ghey ghə ka kam beyyə n bəghəm i fə̀ŋ i ghə, mə n doʼo bə soʼo tə a loʼ wù wey bəghəm i fə̀ŋ i wi i ka kam beyyə, sey nə̀ mə i loʼ ni kwu zə̂ bə ghə tə̀ Klisto. Sey, n bwey ufə ghi ghə̂ ghə adzəm ni ghəŋə nə̀ abə i bəb kə ngee, mə i loʼ ni bəghəshi a loʼ ghə.

2 Kɔrint 8:8

N dza dzə way ghəə ghən tə̀ n tsəʼlə bə kəlaŋ. N kee dii bə səŋ zey ghə̂ a loʼ a kuunə n fwaʼ kə ghə ni koʼ nə̀ ləghə i ghaa i kuum loʼnu isəŋə.

2 Kɔrint 9:2

N dza sey n təŋkey, n khənu nə̀ ghaa khənu zày ni fuu igaamə, zə â ghəŋənə nə̀ mə i tsɔbə fə̀ŋ tə̀ ghə̂ a Masedonya ghə bòʼ ghaa. N dza tə̀ ghə nə̀, “À nya loʼ kənum tə̀ dzûmə tə Klisto tey nə Akaya â bayyə naŋanə ni fuu igaamə.” Ndzoʼo zày zey ghaa khənə ni fuu igaamə n kəm nùumə dzəŋŋə bə ndəm ə ghə.

Galeshia 5:13

Waazə, ghə Zə̀ kə a say shi bə ghaa nə̀ kə ghaa nə kəm muulənə tə a loʼ ukɔd n tənə kəlaŋ. I kə ghaa nə kee ney kɔʼɔnə nə̀ nghee ghaa kəm way kɔd wə n tənə kəlaŋ, a loʼ kəbùʼ tə ghaa ni ghəŋŋə ghəə a bəbə ghən gow uwû ghaa ləghənə ni ghəŋŋə. Fət ney na buʼ kə tii kə ni gaamə tiilə wû i ghaa nə iləghə.

Galeshia 5:22

Ndzoʼo mwam wey Zay kə Zow kə ləghə nə̀ saa keeli loʼ, iləghə, iduʼlə, ibuulə, ni kow fə̀ŋ, fə̀ŋ i dzuŋu zə, ghəə a dzuŋu ghə, zə̀ələ kə fə̀ŋ,

Galeshia 5:6

Nghee saa doʼo bə dzənə nə kəfə kəmɔʼ ghi Yeso Klisto, abə ghə səghə tyi kə kə̀ mɔ ghə ka səghə ə, i zey khə way ghə i loʼ zə ni ghəŋə ghi muu i ghaa zə. Ghə i səŋi zey i loʼnə tii, loʼ bəghəm i fə̀ŋ zən saa khənə nsə ləghə zən saa khənə n wû i saa.

Galeshia 6:1

Waazə ghuŋ ghə, abə wù ghaa u loʼ u ghəŋə bəəbə tsunə ghə zə, ghaa ghən ghaa muu nə n daʼa Zay kə Zow kə, ghaa khə ni nyoʼlə bɔɔ teyyə dzəŋŋə bə wù tii n jii ibam, kee ghə̂mə kə nə kə fə kə loʼ kə nə chimmənə ghaa nə ghaa nyi ndow soʼo ni ghəŋə ghəə a bəbə ghə.

Kolose 3:16

Ghaa ghəŋə nə̀ ghɔɔmə i Klisto i bəghə doʼo n fə̀ŋ tə ghaa naʼ idzəm. Ghaa i dii nduŋŋə ndow ghəə a tii ghə n wû i ghaa, dəŋŋə kɔʼɔ bə wû i ghaa nə utɔb. Zhim dzaŋa tən tə fuu kɔʼləmə tə Zə̀ kə, zhim dzaŋa tə Zay kə Zow kə nsə dzaŋa tən ghaa bəghə kɔʼɔ bənə n fə̀ŋ tə ghaa, zhim ndow ndzaŋa tə Kəzə̀ n fə̀ŋ idzəm.

1 Tesalonika 1:3

Abə ghey gɔŋŋənə tə̀ Zə̀ kə tə loʼnə Bày saa, ghey n moʼlə bə fwaʼ key ghaa fwaʼanə bòʼ bəghəm i fə̀ŋ i ghaa, nsə ghəə a dzuŋu ghey ghaa ghəŋənə bòʼ ləghə zey ghaa khənə n wû i ghaa, ghaa n təmi taw soʼo bòʼ bəghəm i fə̀ŋ zey ghaa khənə n kow Mûkəbii ə saa Yeso Klisto.

1 Tesalonika 5:11

Sey, ghaa khə ni kuu tiilə fəŋ tə̀ ghaa tə, gaamə tiillə soʼo i wû i ghaa zə ni ghəŋə nə̀ ghaa nyim n bəghəm i ghaa, ighələ tə̀ ghaa ghəŋənə.

2 Tesalonika 3:9

 loʼ buʼ kə ghaa ni laalə tə̀ ghey kənunu. À kee loʼ nə̀ ghey â ləghə ni moʼ dii bə ghaa n jìi zey ghaa khənə ni muu ti.

1 Timoti 6:18

Dza tə ghə nə̀ ghə i ghəŋŋə ghəə a dzuŋu ghə, ghə i dii kùm i ghə zə n ghəə a dzuŋu ghən ghə ghəŋŋənə. Ghə i buu n wɔɔ kə ni gaamə ghə̂ ghey ghə laʼanə fə wə, ghə i khə soʼo zày ni fuu dzaw fə wey ghə khənə tə ghə̂ ghə.

Taytus 2:4

Abə ghə khənə ndzoʼo mwam wən ghə i loʼ ni tsə̀ waa a fəghaŋ a zən ghə nə̀ ghə i ləghə num a ghə ghə nsə waa a ghə ghə.

Taytus 3:8

Ghəə ghən n dza bənə fa tə̀ wɔ ndzəm loʼ isəŋə. N ləghə nə̀ wə i tɔʼɔ dza kuulə ndow ghəə ghən tə̀ ghə, sey nə̀ ghə̂ ghən ghə bəghəmnə tə̀ Zə̀ kə, loʼ ni khə zày ni ghəŋŋə ghəə ghey a dzɔbənə. Ghəə a tii a dzɔbənu, loʼ soʼo ni gaamə aghə̂ adzəm.

Hibru 13:1

Ghaa ndow kə na n sə kə ni ləghə wû i ghaa zə tə̀ a loʼ awaazə.

Hibru 13:3

Ghaa i moʼlə tsu ghə̂ ghən ghə fìi naŋanə ghə n ndaw tsaʼ tə̀ a i dza ghaa dzəŋi loʼ n ndaw tsaʼ a tii ghi ghə. I moʼlə tsuu n na ghə̂ ghən ghə chɔdlɔnə ghə tə̀ a i dza ghaa zow soʼo fɔɔbə zey ghə zownə n gow uwû.

Hibru 3:13

I fədlə gaamə tiilə ndow na wû i ghaa zə tsuʼu n dzəm, nghee ghə tɔŋɔ tsu dzə tsuʼ fə tii nə̀, “Na!” Sey nə̀, kə bəb zə i nəb fuu ghaa, ghaa taw doʼo ndow tii.

1 Jɔn 3:18

Waa ghuŋ ghə, kə saa nə diinə ləghə zə nə idzuu kələ. Saa khə ni fədlə dii ndow ndzəm ndzəm kə iləghə kə n ghəə ghey saa ghəŋŋənə.