Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hibru 10:22 - Kaa n Kəzə̀ n fəghə mə

22 sey, saa khə ni ndow n səə Kəzə̀ n fə̀ŋ tə saa tə tədzəm, saa ndzəm bəghəm fuu soʼo tə̀ wi. Saa khə ni bə n səə wi nə̀ saa n sow maʼa moʼlə tə bəbə tən tə loʼnə n fə̀ŋ tə saa nə̀ tə i zow, sow maʼa soʼo wû i saa n mmuu n zow mə.

အခန်းကိုကြည့်ပါ။ ကော်ပီ




Hibru 10:22
66 ပူးပေါင်းရင်းမြစ်များ  

N fa fuu ghaa n mmuu n Kəzə̀ mə nə mmuu, ni dii tsu nə̀ ghaa n fə̀ŋ tə ghaa tə kwey, wù wey tə bəghənə n baa mə̀, n tsəghəshi mə. N ka bùʼ kɔʼ kpii dzə ni boʼo gow tə wi. Tə i sow ghaa n daʼa kə Zay kə Zow kə nsə nə uvəllə.


Mûkəbii Tiofilos, nsə ndəmə tə aghə̂ tə n kùm fwaʼ ni koʼ nə̀ ghə tɔ̀ɔ naŋa tsu bə ghəə ghey ghə â shinə n fəŋŋə kə saa.


Yeso n beeli ndòw wi nə̀, “N kuum dza bə isəŋə tə̀ wɔ nə̀, wù way dzə ni nyi n Fɔɔ u Kəzə̀ nə̀ ghə ka wi ji nə mmuu nsə n Zay kə Zow kə.


Ambə ghə zow tsunə sey, ghə n zey ni nuu fəmɔʼ fəmɔʼ, ni ney nuu tsu ghi gheynyim ghə isə, nuu may tsu adzəm. À n bə doʼo səə tsu kə Yeso n nəŋə wi ghi weyzən wey tə teynə.


Wə nya kəm ləmmə zeeli kee? Nuu kɔʼ ghə fuu wɔ n mmuu n Kəzə̀ mə, wə gɔŋŋə tə Zə̀ kə, tə i sow maʼa ghəə ghə a bəbə ghə.’”


Wə ka kɔʼ kpi dzə ni fwaʼ fwaʼ kən, n təŋkey, fə̀ŋ zə zow way n sə̂ K-a-zə̀.


À wən bɔɔmə loʼ ndzoʼo ghəə ghey ghaa a loʼ ghə â buʼu ghəŋŋə tsənə. Mûkəbii Yeso Klisto nsə Zay kə Zow kə n kee sow maʼa tsu ghaa n ghəə a ghaa a bəbə ghə, ghəŋə nə̀ ghaa i zow n sə K-a-zə̀, ghəŋə soʼo nə̀ ghaa i loʼ tsətsəghə n sə̂ K-a-zə̀.


Waazə ghuŋ a dzuŋu ghə, nghee tə̀ Zə̀ kə təb naŋanə ghəə ghən tə̀ saa, saa khə ni sow zowwə tsu wû i saa n wɔ ghəə ghən adzəm a loʼnə ni dzəələ wû i saa n fə̀ŋ nsə nə kəzay, a i muu muu zey i zownə, tsəŋə ndow soʼo Kəzə̀.


Sey, saa loʼnu nyisa ni ndow n səə Kəzə̀ nə̀ saa khə way tsəŋ zə, tə i kpiney saa nghee saa loʼnə nə kəfə kəmɔʼ ghi Klisto nsə bəghəm i fə̀ŋ zən saa khənə n kow wi.


Tə â ghəŋə ghə i zən ni ghəŋə nə̀ ghə̂ a ndaw Kəzə̀ ghə i zow n sə̂ kə wi. Tə n sow maʼa tsu bəb i ghə n ghɔɔmə i Kəzə̀ tə̀ tə nə sownə nə mmuu.


Abə ghaa ghə̂ a kəfwaʼ ghə, ghaa khə ni zow ndow tə̀ ghə mûkəbii a ghaa ghey ghaa khənə fa mbi. Ghaa khə ni tsəŋə ghə, fuu ghə n ngɔɔmə zə, fwaʼa ndow tə̀ ghə n fə̀ŋ i dzuŋu zə tə̀ ghaa fwaʼa tə̀ Klisto.


Ndzoʼo ghəə a tsɔŋɔ ghən, a dii ghə nəb ityim, ghə loʼ nə̀ ghə n fii fuu fə̀ŋ tə ghə tə tə̀ vəətsəə ghə.


tə n bəghəshi tsu saa. Tə â ka bəghəshi dzə saa a dza saa ghəŋə ghə i dzuŋu i loʼ zə, tə â fəd bəghəshi saa bòʼ sî i kwɔɔlə zey tə khənə n kow saa. Tə â bəghəshi saa n bam i Zay kə Zow key tə â tûm bənə nə̀ kə bə sow maʼa saa n ghəə a saa a bəbə ghə, tə ghəŋə soʼo nə̀ saa kweyyə kɔʼ mwam u saa, saa keeli bə muu i fəghə zə.


Laŋ kə maŋa dii bə nyaŋi fə ghəə a dzuŋu ghey ghə i bəghənə, kə dii may bə dzə way nghee tə̀ ghəə a dzuŋu a tii a baa loʼnə tii. À wən loʼ ghə i tii zə maʼlə u mɔʼɔ wən ghə fəələnə num tənum, way ni ghəŋə nə̀ ghə̂ ghən ghə bəghənə n səə Kəzə̀, nə̀ ghə doʼo nə̀ ghə khə way bwù i loʼ zə.


Sey, waazə ghuŋ ghə, saa khə tənnu nə̀ saa i nyiənu n Luʼu kən kə Zow tsəghənə Luʼu tə tədzəm n bam i kaŋ tən Yeso â fəələnə.


À loʼ bəghəm i fə̀ŋ i Mushi zə â ghəŋənə nə̀ ghə̂ ghə Izree a naŋa Zə̂ kə taa zaʼa kə nsə nə̀ ghə tsoʼlə kaabə ndow təkaŋ n fuʼu n təndaw n ghə, sey nə̀ kə tsəndəghə ə ivə nə wey maʼanə waa a num a ghə̂ ghə Izree a sə̂ isə ghə.


Ghaa n bə n səə Yeso wən tə bayyənə nkaa n fəghə mə nsə n səə kaŋ tə wi tən tə â fəələnə ni sow maʼa ibəb i dzɔb tsəghəshi kaŋ tə Ebel tey tə loʼnə ni dey təngəmə.


Abə saa ləghənə fə kə, saa n ndow bəb ndow tə̀ Zə̀ kə saa kən kə diinə saa n fə̀ŋ ə wi i dzuŋu zə nə̀ saa tsəŋə way. Saa khənu nə̀ tə i kwɔɔlənu sî zə n kow saa, tə fuu saa n fə key kə kpiinə tə̀ saa.


Ghey ləghə nə̀ kay wù ghaa tsəghə ndow kə n sə̂ kə ni ndəmi uwû n fwaʼ kə ghaa ni ndow kuum, sey nə̀, ghaa i loʼ ni ndzəm keeli fə key ghaa ləmmənə.


Tə â ghəŋə sey n təŋkey, laŋ kə â way ni ghəŋə ghə i loʼ zə i khə way chɔd wə. Abə nya ghə n dii saa n jii i dzuŋu zey saa khə ni ləmmə, nə̀ saa loʼ ni tsəghə tii ni ndow n səə Kəzə̀.


Ghəə ghən adzəm ghə ghəŋŋənə, ghə ghəŋŋə ndow bòʼ ghəə a zə̂ə ghə, ghəə a məə ghə nsə ghəə a sow a wù ghə tə̀ laŋ kə Mushi kə diinə. À wən maŋ loʼ kə ghəə a gow uwû, zə i keeli kə kəfwaʼ nya nsə ni ndow kuum n nəŋə zey Zə̀ kə i kəm faalə tsu ghəə ghə.


Nghee tə Mushi â tiilə may ndownə laŋ u Kəzə̀ wə udzəm tə̀ ghə tɔ̀ɔ naŋanə nə kəlaŋ tə̀ ghə̂ ghə, tə n daŋŋə ney kɔʼ kaŋ tə waa mbɔŋɔlɔʼ nsə kaŋ tə ji tə nə̀ ghə n nyɔmmə kɔʼ ghi muu mə, tsùm nyiə tsu nyaŋi fə kpìi kə kaʼ fə loʼ fə ghə tɔŋŋə nə̀ à loʼ hisɔb nə̀ ghə n baŋ kɔʼ bad kə ndzə̂ kə baŋa kə tii, wədlə tsu n màʼlə key laŋ u tɔ̀ɔ doʼonə tii, wədlə ndow soʼo n kow ghə̂ ghə adzəm.


À kee loʼ nə̀ abə wə dza i nɔɔ kəfə tə̀ Zə̀ kə, wə khə ni teeli khə bəghəm i fə̀ŋ zə, səmə way n ghə i loʼ zə n təŋkey, wù wey tə səmənə, loʼ tə a loʼ kətuŋutuŋu n nali Kədzuu, zəŋ maŋa tənnə kaabə tsənə.


Səŋ kəŋə bə na n səə Kəzə̀, Zə̀ kə i səŋ kəŋə bə soʼo n səə ghaa. Shiələ nuu na wɔɔ a ghaa ghə n ghəə a bəbə ghə, ghaa ghən ghaa ghəŋŋənə ghəə a bəbə ghə. Ghaa sow maʼa soʼo fə̀ŋ tə ghaa ghə nəb ityim.


Zə̀ kən kə loʼnə Bày saa â sày ghaa tə̀ tə â bayyə naŋa zeynə, Zày kə Zow kə wi kə a sow maʼa tsunə ghaa ni ghəŋə nə̀ ghaa i naŋŋə laŋ u Yeso Klisto wə nsə nə̀ kaŋ tə wi tən tə â fəələnə n zat kə fəkaʼ, tə ghəŋə nə̀ ghaa i loʼ ghə̂ a zow ghə. N gɔŋŋə nə̀ Zə̀ kə dii ghaa n fə̀ŋ ə wi i dzuŋu zə, tə fuu soʼo ghaa n buulə zə naʼ idzəm.


Mmuu mən mə â bəghəshinə ghə̂ ghən ifam, loʼ tə a loʼ mmuu n Kəzə̀ mən ghə fuunə nya tə̀ ghaa, n bəghəshiənə ghaa. Mmuu n Kəzə̀ mən ghaa neynə, sow maʼa dzə way dzə wə n wû i saa, n fəd loʼ ni dii nə̀ fə̀ŋ tə saa tə zownu n sə K-a-zə̀. Muu n tii n bəghəshiə ghaa n bam i zhəm dzəŋŋə zə ivə i Yeso Klisto.


N gɔŋŋə nə̀ Yeso Klisto wən tə dii bənə isəŋə zən saa loʼ ni gaʼ fə̀ŋ tii, tə loʼnə wù sə isə ni zhəm dzəŋŋə bə nə ivə, tə saʼa soʼonə dəŋ wə fa a ghəlitsə, dii ghaa n ndzuŋ ə wi, tə fuu soʼo ghaa n buulə zə. Tə ləghənu saa, tə u bəghəshi saa n ghəə a saa a bəbə ghə, nghee tə â fuu ndow wû u wi wə n tow u saa n kaŋ tə wi tən tə â fəələnə n zat kə fəkaʼ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ