Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hibru 10:20 - Kaa n Kəzə̀ n fəghə mə

20 Saa i tsəghə nyiə fu n jìi i fəghə zən i ghəŋŋənə nə̀ saa keeli muu zən i may way. Yeso n chi fuu jìi zən i nyiə ndownə fu n baa kə̀ŋ kən n bam i və zən tə â kpunə.

အခန်းကိုကြည့်ပါ။ ကော်ပီ




Hibru 10:20
20 ပူးပေါင်းရင်းမြစ်များ  

Sey kə̀ŋ wey wə â loʼnə n Ndaw Kəzə̀ i nii zə n Yerosalem n baalə shi tsu bə nə utɔŋ ubəghə ni nuu tsu idəŋ tsu kuum aghəd, ghəlitsə kə noʼlə, naa wə n kaʼlə.


Kə̀ŋ wey wə â dzawwənə ndaw Kəzə̀ i nii zə n Yerosalem n bàalə shi tsu bə nə utɔŋ ubəghə ni zey tsu idəŋ tsu kùm itən.


Nghee ləm kə bwù tsu nə sey, ndzə tey tə â kəŋ naŋanə luʼu kə zow kə n Ndaw Kəzə̀ i nii zə n Yerosalem n bàalə tsu bə nə ubad ubəghə.


Sey Yeso n kəm dza ndòw tə̀ ghə nə̀, “N kùm dza bə tə̀ ghaa nə̀, n loʼ fuʼ u mbàa u tənjì.


N loʼ fû u mbàa, wù wey tə̀ tsəghə nyinə tii, tə î keeli ibəghəshi. Ghə i shiə fəə ghii wə, nyiə dzəŋŋə nə̀ ghə khə way fəmmə kə loʼ kə.


Yeso n beeli ndow wi nə̀, “N loʼ jii, isəŋə nsə muu zə. Wù way dzə ni bə n səə Bày nə̀ a ka ney ndòw mə wi n səə wi.


Tə a buu naŋa ndow laŋ u ghə̂ a Təjuu nghee tə â kpunə n zat kə fəkaʼ. Sey tə ney kɔʼ naʼa tən təbəghə, təm naŋa dzəŋi bə ghə nə̀ ghə doʼo bə kəfə kəmɔʼ ghi wi. À wən loʼ nghee tə â bayyə naŋa bənə ghə nə kəfə kəmɔʼ nə̀ ghə i loʼ nə ibuulə.


Isəŋə loʼ nə̀, wù loʼ tsəm way ni tuu maʼa ghəə zey i nyi doʼonə n ghəə a Kəzə̀ nə̀, Klisto â bə tə a loʼ wù sɔŋtsuʼ, Zay kə Zow kə n dii bə nə tə loʼ tsətsəghə, Tsətəndəghə tə Kəzə̀ tə koʼ ndow wi, Ghəŋə nə̀ ghə naʼa tûm kùm wi tə ghə̂ ghən ghə ka bəghəm tə Zə̀ kə n naʼa tə mbi tədzəm. Ghə̂ a mbi ghə n bəghəm fuu tə wi. Ni fuu wi n kɔʼləmə, Zə̀ kə n ney kɔʼ ndow wi idəŋ, naŋa ndow wi n kpii u wi u təmə wə.


À loʼ ləmə zən i ghəŋŋənə nə̀ bəghəm i fə̀ŋ i saa zə i taw tə̀ nyəllə u kəfən u tɔɔmənə fə̀n kə n dzuu nə̀ kə təmi taw tsu. Yeso wən saa ndzəm gaʼnə fə̀ŋ tə saa tə n kow wi, tali tsəghə ndow saa n kə̀ŋ wən u loʼnə n dzəŋi kə dzûmə tə Klisto idəŋ, tə nyi daŋŋə ndow n fə̀ŋ ə luʼu key Zə̀ kə muunə tii.


N bàa kə̀ŋ kə loʼ key kə â loʼnə fu, â loʼ fəə fə loʼ fey n fə̀ŋ ghə â tɔŋŋə nə̀ à loʼ Luʼu key kə Zow tsəghəshinə Luʼu tə tədzəm.


Jìi zey fə wən a bayyə doʼonə tii udzəm, Zay kə Zow kə dii may bənu nə̀, jìi ni nyi tɔɔlə ndow n luʼu kən kə zow tsəghənə luʼu tə tədzəm fìi doʼonu abə ghə nam ngɔɔmənə Zə̀ kə n dzuu i sə isə zey nə kəfəə.


N dza sey n təŋkey, Klisto â kpu kə nəŋə imɔʼ ni ney nuu tən ghəə a ghə̂ a bəbə ghə adzəm. Tə â ka ghəŋə koʼ tsə ghə i bəbə i loʼ zə, tə n kee bə kpu n tow u ghə̂ a bəbə ghə, sey nə̀ tə loʼ ni ney bə saa tə̀ Zə̀ kə. Ghə â wey wi nə̀ tə loʼ wù sɔŋtsuʼ, Zay kə Zow kə n kee ghəŋə nə̀ tə doʼo dzəŋŋə bə utaw,


Jii zey saa keelinə ghə̂ ghən ghə khənə Zay K-a-zə̀ kə loʼ nə, wù wən tə bəghəmnə nə̀ Klisto â bə fa n mbi n wû u wù sɔŋtsuʼ, tə sey khə zay key kə nuu bə n wɔ Zə̀ kə.


Ndəm aghə̂ n shi ndow n mbi ni nəb kaabə tsə aghə̂ nə̀, Yeso â ka bə dzə n wû u wù sɔŋtsuʼ. Ndzoʼo wù wən loʼ wù nəbə wə aghə̂ wə, loʼ soʼo wù təngəmə ə Klisto.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ