Hibru 10:14 - Kaa n Kəzə̀ n fəghə mə

¹⁴ I loʼ sey n təŋkey, tə â fəələ kə umaʼlə nəŋə imɔʼ, wə n ghəŋə nə̀ ghə̂ ghən ghə sow maʼa dzənə ghəə a ghə a bəbə ghə, ghə zow may tsu n sə K-a-zə̀.

Hibru 10:14 ပူးပေါင်းရင်းမြစ်များ

Kəfwaʼ 20:32

Nya, n fuu naŋŋə ndow ghaa n wɔɔ K-a-zə̀ nsə tə tûm zən bòʼ ndzuŋ ə Kəzə̀. À loʼ wi tə i loʼ ni bɔɔ teyyə bə ghaa, tə ghəŋŋə soʼo nə̀ ghaa zə̂ fə wey u loʼ n wɔ ghə̂ a wi ghey adzəm tə sày naŋanə.

Kəfwaʼ 26:13

 loʼ n fəŋ ə tsə̀ tə sa a Mbee, nghee a ndownə n jii, mə n koʼ daa kə nuu baŋ shi tsu bənə n bikighow, nə kə baŋ tsəghəshi tsə̀, baŋ ngəə tsəghə bə dəŋə key mə â loʼnə tii ghi ghə̂ ghey mə â dzəŋi ndownə ghi ghə.

Roma 15:16

Zə̀ kə n fuu mə n ndzuŋ nə̀ mə i loʼ wù kəfwaʼ ə Yeso Klisto tə ghə̂ ghən ghə way ghə̂ a Təjuu ghə. N fwaʼa tə a loʼ fɔɔngili ni naʼlə tûm i dzuŋu zən Zə̀ kə fuu bənə ni ghəŋə nə̀ ghə̂ ghən ghə way ghə̂ a Təjuu ghə, a doʼo bə maʼlə wən Zə̀ kə bəghəmnə, nə̀ a ghə sow naŋa kɔʼ Zay kə Zow kə tə̀ wi.

1 Kɔrint 1:2

N tɔ̀ɔ bə màʼlə kən tə ghə̂ a Kəzə̀ ghey n naʼ i Kɔrint, ghə̂ ghən Zə̀ kə sày naŋanə nə̀ ghə doʼo ghə̂ a wi a zow ghə nsə ghə̂ ghən adzəm ghə loʼnə nə kəfə kəmɔʼ ghi Mûkəbii Yeso Klisto nə təluʼu tədzəm. Tə loʼ Mûkəbii ə ghə, loʼ soʼo Mûkəbii ə saa.

Efesus 5:26

Tə â ghəŋə ghə i zən ni ghəŋə nə̀ ghə̂ a ndaw Kəzə̀ ghə i zow n sə̂ kə wi. Tə n sow maʼa tsu bəb i ghə n ghɔɔmə i Kəzə̀ tə̀ tə nə sownə nə mmuu.

Hibru 10:1

Laŋ kə maŋa dii bə nyaŋi fə ghəə a dzuŋu ghey ghə i bəghənə, kə dii may bə dzə way nghee tə̀ ghəə a dzuŋu a tii a baa loʼnə tii. À wən loʼ ghə i tii zə maʼlə u mɔʼɔ wən ghə fəələnə num tənum, way ni ghəŋə nə̀ ghə̂ ghən ghə bəghənə n səə Kəzə̀, nə̀ ghə doʼo nə̀ ghə khə way bwù i loʼ zə.

Hibru 10:10

I loʼ sey n təŋkey, Yeso Klisto a ghəŋə ghəə zey Zə̀ kə ləghənə, nghee tə â fuu ndownə wû u wi wə tə̀ a loʼ umaʼlə, ni sow maʼa tən ghəə a saa a bəbə ghə.

Hibru 10:12

A kee bə fɔɔngili u nii nii wən tɔŋŋə Klisto, â fuu wû u wi tə̀ a loʼ umaʼlə nəŋə imɔʼ ni sòw maʼa tən ghəə a bəbə ghə. Sey Zə̀ kə n kɔʼlə naŋa kɔʼ wi n kpii u wi u təmə wə.

Hibru 13:12

À loʼ soʼo sey Yeso â fəghənə a bii n fuʼu mbàa wə inaʼ ni sow maʼa tsu ghəə a ghə̂ a bəbə ghə n kaŋ tə wi.

Hibru 2:11

Yeso ghi ghə̂ ghey tə â sow maʼa tsunə bəb i ghə zə, dzəŋi khə bày umɔʼ. À wey loʼ ghə i tii zə Yeso dədlə way n tow kə ni tɔŋɔ ghə nə̀ a loʼ waazə a wi.

Hibru 7:19

Tə â ghəŋə sey n təŋkey, laŋ kə â way ni ghəŋə ghə i loʼ zə i khə way chɔd wə. Abə nya ghə n dii saa n jii i dzuŋu zey saa khə ni ləmmə, nə̀ saa loʼ ni tsəghə tii ni ndow n səə Kəzə̀.

Hibru 7:25

À wey loʼ ghə i tii zə tə loʼ ni bəghəshiə ghə̂ ghey ghə bəghənə n səə Zə̀ kə nəŋə tədzəm nə̀ ghə tsəghə n baa wi n təŋkey, muu i wi i loʼ tən tsə kə ni buʼu wɔɔ kə tə̀ Zə̀ kə n tow u ghə.

Hibru 9:10

Ghəə ghən adzəm ghə ghəŋŋənə, ghə ghəŋŋə ndow bòʼ ghəə a zə̂ə ghə, ghəə a məə ghə nsə ghəə a sow a wù ghə tə̀ laŋ kə Mushi kə diinə. À wən maŋ loʼ kə ghəə a gow uwû, zə i keeli kə kəfwaʼ nya nsə ni ndow kuum n nəŋə zey Zə̀ kə i kəm faalə tsu ghəə ghə.

Hibru 9:14

Abə ghə â loʼ ni sow maʼa ghəə a ghə̂ a bəbə ghə n ghəə ghən ghə â ghəŋŋənə, zə i boʼo doʼlə ngee ghi Klisto wən tə â fuunə wû u wi wə tə̀ a loʼ umaʼlə tə̀ Zə̀ kə n tow u saa. Tə â ghəŋə ghəə ghən n bam i Zay kə Zow kən kə loʼnə nəŋə tədzəm. Kaŋ tə wi tə sow maʼa fə̀ŋ tə saa n ghəə a bəbə ghən saa ghəŋŋənə nə̀ a ney bə ivə n kôw saa. Sey, saa khə ni fwaʼa kə tə̀ Zə̀ kən kə fuunə muu zə.

Màʼlə kə Jud tə̀ ghə̂ a Kəzə̀ ghə 1:1

À màʼlə kən tɔ̀ɔ bə mə Jud wən n loʼ waazə Jems nsə wù kəfwaʼ a Yeso Klisto. N màʼlə kən tɔ̀ɔ bə tə̀ ghə̂ ghən adzəm, Zə̀ kən kə loʼnə Bày saa ləghənə, sày naŋa nə̀ ghə doʼo n tənə Yeso Klisto.