Hibru 1:14 - Kaa n Kəzə̀ n fəghə mə

¹⁴ Tsətəndəghə tə Kəzə̀ tə baa loʼ ghə ndee? Ghə loʼ zay wən Zə̀ kə â tûm bənə nə̀ ghə bə fwaʼ tə̀ ghə̂ ghey tə i bəghəshiənə ghə.

Hibru 1:14 ပူးပေါင်းရင်းမြစ်များ

Matyo 1:20

Nghee tə̀ tə moʼlənə ghəə a tii ghə̀, tsəndəghə ə Kəzə̀ n bə tə̀ wi nə ujim, dza tə̀ wi nə̀, “Yosef, waa Devid, kà tsəŋ dzə ni ney ndòw Maliya tə̀ a loʼ wey wə, kuum nə̀, waa wey tə khənə nə unəghə, tə bɔŋ n daʼa kə Zay kə Zow kə.

Matyo 13:41

Waa wù sɔŋtsuʼ nə tûm bə tsətəndəghə tə Kəzə̀ tə wi, ghə nə bə say nuu shi bə ghə̂ ghey ghə ghəŋŋə nə̀ ghə̂ ghə i naŋŋə way laŋ u wi wə nsə ghə̂ ghey ghə ghəŋŋə ghəə a bəbə ghə n fɔ̀ɔ u wi,

Matyo 18:10

Yeso n dza kpiʼi ndow tə ngəd tə wi tə nə̀, “Kə̂ ghaa nə̂ koʼo kìinə nyaŋi mə awaa mən. N dza bə isəŋə tə̀ ghaa nə̀, tsətəndəghə tə ghə tə loʼ tən n səə Bày idəŋ.

Matyo 2:13

Ambə ghə̂ a tɔbə ghey nuu tsunə, tsəndəghə ə Kəzə̀ n ndòw bə n səə Yosef nə ujim, dza tə̀ wi nə̀, “Nuu kɔʼ, wə̀ ney kɔʼ waa wən ghî zə̂, ghaa tyi tsu ndòw n naʼ zə Ijip, ghaa doʼo kə fu ni ndow kuum n nəŋə zey mə i teeli bə dza bə tə̀ ghaa nə̀ ghaa loʼ ni dzəŋŋə nya, n təŋkey, Helɔd kəŋə kaabə waa wən ni wey wi.”

Matyo 24:31

Ghə i daŋŋə zow mbwule i fuŋunə, tə i tûm shi ndòw tsətəndəghə tə Kəzə̀ n badla tə mbi tən n təkaykə, ghə i zuŋŋə naŋa bə ghə̂ a wi ghən tə sàynə n luʼu tədzəm fa mbi.”

Matyo 25:34

Tə i daŋŋə dza ndòw tə̀ ghə̂ ghey n kpii u wi u təmə wə nə̀, ‘Bə na n səə mə, ghaa ghən ghaa loʼ nə̀ Bày wuŋ n ghaa buulə, bə zə̂ na fɔɔ u Kəzə̀ wən ghə â bayyə naŋa nə nzeyyə tə̀ ghaa nə̀ mbi ka kam kaʼ.

Matyo 4:11

Satan n daŋŋə zə̀ghə tsu wi, tsətəndəghə tə Kəzə̀ tə n bə gaamə kɔʼ wi.

Malakus 10:17

Nghee tə̀ Yeso nuu ndòwnə n bwey i wi zə, wù loʼ n nyəŋ bə təm bə tənguʼ n tənə wi, bəb tə̀ wi nə̀, “Wu dii u dzuŋu wə, n loʼ ni ji ngee ni keeli muu zə itsali ə?”

Lukas 1:19

Tsəndəghə ə Kəzə̀ zey n beeli ndòw wi nə̀, “N loʼ Gabriya, wù tûm wey tə fwaʼa nə tə̀ Zə̀ kə, Zə̀ kə tûm mə nə̀ n bə naʼa bə tûm i dzuŋu zən tə̀ wɔ.

Lukas 1:23

Ambə nəŋə i kəfwaʼ i wi i may tsunə, tə n fən dzəŋŋə ndòw n ndaw wi.

Lukas 16:22

Ambə wù laa wey kpuu tsunə, tsətəndəghə tə Kəzə̀ tə n ney naŋa ndòw wi n səə Abraham, wù kûm wey n bə kpu tsu soʼo, ghə n ney tsələ ndow wi.

Lukas 2:13

Nɔɔ kə tsətəndəghə tə Kəzə̀ kə n tsu bə idəŋ daŋŋə bə təmdzəŋi bə tsəndəghə ə Kəzə̀ zey, ghə n zey ndòw ni fu nkɔʼlə tə Zə̀ kə dza,

Lukas 2:9

Tsəndəghə ə Kəzə̀ n təmi dii bə uwû tə ghə, sey tsə̂ u Kəzə̀ wə n taw dzəŋ naŋa kɔʼ ghə. Ghə n kaʼ ni tsəŋ.

Kəfwaʼ 11:22

Zɔŋ u tii wə n fuŋ ndow nyi ndow n wɔ dzûmə tə Klisto tey n Yerosalem. Dzûmə tə Klisto tən n Yerosalem n tûm ndow Banabas nə tə ndow n Antyɔk.

Kəfwaʼ 12:23

N nəŋŋə i tii zə kə, tsəndəghə ə Mûkəbii n təm Herɔd n dzaŋ zə, n təŋkey, tə â ka fuu kɔʼlə n tii mə tə Zə̀ kə. Ghaŋighaŋi wə n fə kə wi sa, tə n bə kpu i tsu.

Kəfwaʼ 12:7

Tsəndəghə ə Mûkəbii n gbələ bən shi kɔʼ n sə kə Pita, tsə i loʼ zə n bàŋ tsəghə bə fu tii n ndaw tsaʼ. Tsəndəghə zey n noʼlə tsu Pita n mboʼ, zhəm nuu kɔʼ wi, dza tə wi nə̀, “Zaŋŋə nuu kɔʼ!” Sey, tsaʼ tey n daŋŋə tsɔʼi nuu shi tsu n wɔɔ a wi.

Kəfwaʼ 13:2

Nghee ghə ngɔɔmənə Mûkəbii, bam idzuu, Zay kə Zow kə n dza tə ghə nə̀, “Sày naŋa kɔʼ n na Banabas nsə Sɔl tə mə, nə̀ ghə i fwaʼa fwaʼ kən n tɔŋɔnə ghə tii nə ghə bə fwa.”

Kəfwaʼ 16:26

Sey, ghəlitsə kə vuŋŋə kaʼ ni ngii noʼlə. Tsə kə ndaw kə ndaw tsaʼ kə tii kə kədzəm kə n noʼlə tsəghə ndow. Fuʼu n təndaw ndzəm mə n chi kɔʼ, tsaʼ tey ghə â kùm naŋanə ghə̂ a ndaw tsaʼ ghə tii n tiilə tsu tədzəm.

Kəfwaʼ 27:23

Tsəndəghə ə Zə̀ key kə khənə mə, Zə̀ key n ngɔɔmənə, mə bə n səə mə na n tsuʼu tə,

Kəfwaʼ 5:19

A n kee bə n tsuʼu tə, tsəndəghə ə Mûkəbii n bə chi tsu fuʼu ndaw u ndaw tsaʼ, ney nuu shi bə ghə, dza tsu tə ghə nə̀,

Roma 11:14

N moʼlə nə̀ fwaʼ kə tii kə loʼ ni ghəŋə nə̀ waazə ghuŋ, ghə̂ a Təjuu ghə i ghoʼo fə key ghə̂ ghən ghə way ghə̂ a Təjuu a khənə, sey, mə i loʼ ni gaamə ghə nə̀ ghə keeli ibəghəshi.

Roma 13:6

À wey loʼ soʼo ghə i tii zə ghaa khə ni tsow màʼlə kə n təŋkey ghə̂ ghey ghə loʼnə tow wə inaʼ, loʼ ghə̂ a kəfwaʼ a Kəzə̀, nəŋə i ghə idzəm i loʼ kə ni laalə tə̀ ghə̂ ghə.

Roma 15:16

Zə̀ kə n fuu mə n ndzuŋ nə̀ mə i loʼ wù kəfwaʼ ə Yeso Klisto tə ghə̂ ghən ghə way ghə̂ a Təjuu ghə. N fwaʼa tə a loʼ fɔɔngili ni naʼlə tûm i dzuŋu zən Zə̀ kə fuu bənə ni ghəŋə nə̀ ghə̂ ghən ghə way ghə̂ a Təjuu ghə, a doʼo bə maʼlə wən Zə̀ kə bəghəmnə, nə̀ a ghə sow naŋa kɔʼ Zay kə Zow kə tə̀ wi.

Roma 15:27

Ghə â duʼlənu ni ghəŋə sey n təŋkey, ghə â koʼ tsu nə̀ ghə ndzəm khə ghə̂ a Təjuu n ndaŋ kə. Ghə â koʼ sey n təŋkey, tûm i dzuŋu zə â kaʼ nuu bə n wɔ ghə̂ a Təjuu ghə tə tûm tii ni bə tə̀ ghə̂ ghey ghə way ghə̂ a Təjuu ghə, ghə a loʼ dzɔbnə nya tə a loʼ ghə̂ a Kəzə̀. Nghee ghə loʼ dzɔbnə nya bòʼ ghə̂ a Təjuu, ghə a koʼ tsu nə̀ i dzɔbənu ni tsow tsu ufə ni gaamə ndow ghə̂ a Təjuu tii.

Roma 8:17

Nghee saa loʼnə waa a Kəzə̀ ghə, saa i zə̂ə soʼonu fə wey Zə̀ kə â təb naŋanə tə ghə̂ a wi ghə. Saa ghi Klisto i dzəŋi zə̂ə soʼonu fə key Zə̀ kə â naŋanə tə wi. I loʼ sey n təŋkey, abə saa ndzəmə fəʼlə dzəŋinə ghi Klisto, saa i keeli soʼonu kɔʼlə mey tə khənə.

1 Kɔrint 1:21

I loʼ sey n təŋkey, Zə̀ kə n ghəŋə n tɔb u wi nə̀ ghə̂ a way dzə ni keeli wi n tɔb u ghə. Zə̀ kə n ghəŋə nə̀ ghə̂ a mbi a fəd keeli wi n bam i tûm i dzuŋu zən ghə naʼlənə ghə tɔŋŋənə nə̀ a loʼ ilaʼlə. Zə̀ kə n tsəm tsu ni bəghəshi ghə̂ ghey ghə bəghəmnə tə̀ tûm i dzuŋu zən ghə̂ a mbi a tɔŋŋə nə̀ a loʼ ilaʼlə.

2 Kɔrint 9:12

Fwaʼ kə dzuŋu kən fuu tənə kə way gaamə zə tə̀ ghə̂ a Kəzə̀ ghə, kə ghəŋŋə soʼo nə̀ ndəmə aghə̂ i fuu kɔʼləmə tə̀ Zə̀ kə naʼ idzəm.

Galeshia 3:29

Nya wən ghaa loʼ dzəŋinə nə kəfə kəmɔʼ ghi Klisto, ghaa saa loʼ waa Abraham ghən ghə i zəənə fə wən Zə̀ kə â təb naŋanə.

Galeshia 3:7

I sey dii nə̀ ghə̂ ghən ghə baa loʼnə waa a waa ghə Abraham ghə, loʼ ghə̂ ghey ghə khənə bəghəm i fə̀ŋ zə n kow Zə̀ kə.

Galeshia 3:9

Sey ghə̂ ghən ghə bəghəm nə tə Klisto, ghə i keeli soʼo buulə zən Abraham wən tə a bəghəm tə Zə̀ kə â keelinə.

Efesus 3:6

Ghəə zey Zə̀ kə â nyi naŋanə loʼ nə̀, n bam i tûm i dzuŋu zə, ghə̂ ghən ghə way ghə̂ a Təjuu ghə, nya loʼ nə kəfə kəmɔʼ ghi ghə̂ a Təjuu ghə. Ghə nya loʼ tə̀ a loʼ wù umɔʼ. Sey, ghə i dzəŋi keelinu fə̂ key Zə̀ kə təb naŋanə tə̀ ghə̂ a wi ghə n bam i Yeso Klisto.

Filipi 2:17

Sey, abə n tsəm ney fə̀ələ tsu kə nə kaŋ tuŋ tə tə̀ a loʼ umaʼlə n fwaʼ kən ghaa fwaʼanə bòʼ bəghəm i fə̀ŋ i ghaa tə Zə̀ kə, mə i nam duʼlənu, mə î saŋŋə ghi ghaa adzəm.

Filipi 2:25

N kee moʼlə nə̀ i dzɔbənu nə̀ n tûm bə dzə Epafroditus n səə ghaa, tə loʼ waazə wuŋ n dzəŋi kə dzûmə tə Klisto, tə loʼ wù wey tə fwaʼa dzəŋinə ghi mə, kəm loʼ dzəŋi soʼo sawgoʼ ghi mə ni naʼa tûm i dzuŋu zə. À loʼ wi ghaa â tûm bənə n səə mə̀ nə̀ tə bə fu mə n gaamə zə.

2 Tesalonika 1:7

Tə i ghəŋŋə nə̀ ghaa ghən ghaa fəʼlənə nya nə̀ ghaa keeli izayyə, tə ghəŋə soʼo nə̀ ghey zayyə. Zə̀ kə i ghəŋŋə ghəə ghən abə Mûkəbii Yeso i tsu bənə idəŋ ghi tsətəndəghə tə wi tə nii tə.

Taytus 3:7

sey nə̀, n bam i fə̀ŋ i dzuŋu zən tə khənə, tə i ghəŋə nə̀ saa i loʼ ni doʼo bə tsətsəghə n sə K-a-zə̀, saa i loʼ soʼo ni bə keeli fə wey tə ləghənə ni fuu tə̀ saa nghee saa ləmmə tənə ni keeli muu zə itsali.

Hibru 10:11

Tsuʼu n dzəm fɔɔngili u nii nii u ghə̂ a Təjuu ghə n fwaʼa fwaʼ kə wi tə̀ a loʼ fɔɔngili. Nəŋə tədzəm tə n fəələ kuulə kə maʼlə u mɔʼɔ wə nə̀ u way ni sow maʼa koʼ ghəə a ghə a bəbə ghə.

Hibru 2:3

Saa i nɔbə shiə ngee abə saa tsayyənə bəghəshi i nii zən ə? A loʼ Mûkəbii n wû u wi wə tə a naʼa bənə bəghəshi zən isə. Ghə̂ ghən ghə a zownə, ghə dii bə tə̀ saa nə̀ à loʼ isəŋə.

Hibru 5:9

Ambə Zə̀ kə ghəŋə tsunə nə̀ tə kɔʼ kpii, tə n ghəŋə soʼo wi nə̀ tə doʼo wù wey tə fuunə bəghəshi zən i may way tə̀ ghə̂ ghən ghə zownə tə̀ wi.

Hibru 6:12

Ghey ləghə way nə̀ ghaa doʼo bə ghə̂ a lay ghə, ghey fədlə ləghə nə̀ ghaa i dzûmə ndow ghow kə ibwey kə ghə̂ ghən ghə khənə bəghəm i fə̀ŋ zə, kow soʼo fə̀ŋ ni bə keeli fə key Zə̀ kə â təb naŋanə tə̀ ghə.

Hibru 6:17

Zə̀ kə â ləghə ni tɔʼ dii ndow tə̀ ghə̂ ghey tə â təb naŋanə təb kə tə̀ ghə nə̀ tə bwuulə maʼa way təb kə wi kə. Sey, tə n zə̂ kɔʼ nkaa n təb kə tii kə.

Hibru 8:6

A kee bə nya, Zə̀ kə n fuu Yeso n fwaʼ kə fɔɔngili kən kə tsəghəshinə kə fɔɔngili tə wey tey, ighələ tə̀ kaa mey Klisto â bayyənə tə̀ Zə̀ kə ghi ghə̂ a wi ghə, dzɔb tsəghəshinə n sə isə mey n təŋkey, Zə̀ kə â dza n təb kə fəghə kən nə̀, ghə̂ ghə i keeli fə u dzuŋu wə a tii tsəghəshi u wey ghə â keelinə n laŋ kə Mushi.

Hibru 9:28

Sey, Klisto a fəələ kə wû u wi nəŋə imɔʼ ni ney nuu ghəə a bəbə ghə n tow u ndəmə aghə̂. Tə i kəm bəghə kpiʼinu, a i way dzə ni ney nuu ghəə a bəbə ghə, a i loʼ ni ney bə ibəghəshi tə̀ ghə̂ ghən adzəm ghə ləmmənə wi.

Jems 2:5

Zow na a waazə ghuŋ a dzuŋu ghə! N dza Zə̀ kə n mgbaŋ sày ghə̂ ghən ghə̂ a mbi a koʼnə nə̀ a loʼ ghə̂ a laa ghə nə̀ ghə doʼo tə a loʼ ghə̂ a kûm ghə bòʼ bəghəm i fə̀ŋ, ghə doʼo soʼo ghə̂ ghey ghə i zə̂ənə fə wən u loʼnə n fɔɔ wən tə â təb naŋanə tə̀ ghə̂ ghey ghə ləghənə wi ə?

1 Pita 1:12

Zə̀ kə mâ dii naŋa zey bə tə̀ tûm tə wi tə nə̀ fwaʼ kə ghə kə â way dzə ni gaamə wû i ghə, â fəd loʼ ni gaamə ghaa. I loʼ soʼo tə̀ nghee tûm tə Kəzə̀ tən â dza naŋa zey bənə ghəə ghey ghaa zownə nya n wɔ ghə̂ ghey ghə naʼlə bə tûm i dzuŋu zən tə̀ ghaa n daʼa kə Zay kə Zow key Zə̀ kə tûm tsu bənə tə̀ ghaa idəŋ. À wən loʼ aghəə nə̀ tsətəndəghə tə Kəzə̀ tə buʼu dəmə soʼo ni zowkeeli.

1 Pita 1:4

Tə n ghəŋə nə̀ saa i ləmmə tənə nə̀ saa i keelinu fə wey tə â bayyə naŋanə tə̀ ghə̂ a wi ghə. Tə bayyə naŋa fə u tii wə tə̀ ghaa idəŋ n luʼu key fə u tii u way ni fway, way ni bəb, way soʼo ni fəd koʼ.

1 Pita 3:7

N jii i mɔʼɔ zə, ghaa gheynum ghən ghaa bəghəmnə tə̀ Klisto, ghaa khə ni muu ghi ghey a ghaa ghə nə̀ ghaa zowkeeli tsuunu ghə nghee i loʼ nə̀ ghə taw way tə a loʼ ghaa. Ghaa i fuu ndow ghə n ngɔɔmə zə nghee i loʼ nə̀ Zə̀ kə i dzəŋi diinu ghaa n fə̀ŋ ə wi i dzuŋu zə ni fuu ghaa n muu zən i may way. Ghaa i ghəŋŋə ndow ghəə ghən sey nə̀, kə fə kə loʼ kə nə təʼlə maʼa gɔŋŋə i ghaa zə.

Màʼlə kə Jud tə̀ ghə̂ a Kəzə̀ ghə 1:14

Enɔk wən tə â ghəŋə tsunə waa a waa ghə Adam ghə asəghəmbəghə, mâ dza naŋa zey ghəə ghə kuum ndzoʼo ghə̂ ghən nə̀, “Koʼo na! Mûkəbii i bəghə ghi ndəmə kam tə tsətəndəghə tə wi tə zow tə.

Chi dii 5:6

Mə n koʼ ndow waa njì i teynə n fə̀ŋ ə kuu kə fɔɔ key tə̀ ghə n wey, nə̀ fə wən u loʼnə utaw ukaykə nsə ngəd tə n taʼ dzəŋ tsəghə bə. Waa njì ə tii n khə təndɔŋ təsəghəmbəghə nsə sə̂ ghə asəghəmbəghə. Sə̂ ghən asəghəmbəghə loʼ zày u Kəzə̀ wən ghə tûm shi ndownə n badla tədzəm fa a ghəlitsə.