Hibru 1:1 - Kaa n Kəzə̀ n fəghə mə

¹ Sə̂ isə, Zə̀ kə â ghɔɔmə tə̀ ghə bày bày a saa ghə n ndəmə tə tənəŋə nsə n ndəmə tə təjìi n bam i tûm tə Kəzə̀.

Hibru 1:1 ပူးပေါင်းရင်းမြစ်များ

Lukas 1:55

ighələ tə̀ tə â dza naŋanə tə̀ ghə bày a saa ghə nə i nə ghəŋŋə sey tə Abraham nsə waa a waa a wi ghə tə̀ mbi nə bə may.”

Lukas 1:72

À wən loʼ ni dii bə sii i kwɔɔlə i Kəzə̀ tə̀ tə â dza naŋanə tə ghə bày a saa a sə̂ isə ghə. Tə n moʼlə kaa n zow mey tə â zə̂nə ghi ghə

Lukas 24:27

Sey, ni zey tsu n laŋ wey Mushi â tɔ̀ɔ naŋa nə̀, ney may bə tûm tə Kəzə̀ tədzəm, tə n tiilə kɔʼ bə ghəə ghey ghə â tɔ̀ɔ naŋŋənə n màʼlə K-a-zə̀ kûm wi.

Lukas 24:44

Sey tə n dza ndòw tə̀ ghə nə̀, “À wən loʼ ghəə ghey mə â dza naŋanə tə̀ ghaa n nəŋə zey mə â nam loʼnə ghi ghaa nə̀, aghəə adzəm khə ni bə doʼo tə̀ ghə â tɔ̀ɔ naŋanə kûm mə n laŋ u Mushi, ghəə ghey tûm tə Kəzə̀ tə̀ â naʼanə, nsə n maʼlə kə Sams.”

Tùm i dzuŋu zə kuum Yeso Klisto tə Jɔn â tɔɔnə 16:13

Abə Zay kən kə dìi bənə isəŋə bòʼ Kəzə̀ nə bənə, tə nə dìi bə ghaa nə isəŋə kuum Kəzə̀. Zay kə Zow kə nə ghɔɔmə way ghəə ghə n daʼa kə wi, tə nə teeli ghɔɔmə kə ghəə zey tə zow ghii zə, tə nə dza zey bə tə̀ ghaa ghəə zey i khə ni bə shi.

Tùm i dzuŋu zə kuum Yeso Klisto tə Jɔn â tɔɔnə 7:22

Mushi â fuu ghaa n laŋ kə ni səghə tyi kə waa kə. Â way dzə Mushi tə â baa kaʼnə ghəə a tii ghə, â kaʼ bə ghə bày bày a ghaa. Ghaa nya ney naŋa kɔʼ nə̀ ghaa nya khə ni səghə tyi kə waa kə n tsuʼ inaʼ.

Tùm i dzuŋu zə kuum Yeso Klisto tə Jɔn â tɔɔnə 9:29

Ghey khə nə̀ Zə̀ kə â ghɔɔmə tə̀ Mushi, abə wù wən, ghey buʼ khə way luʼu key tə nuu bənə tii.”

Kəfwaʼ 13:32

Ghey nya fa bə ni naʼa bə tûm i dzuŋu zə tə ghaa bòʼ təb kən Zə̀ kə â təb naŋanə tə ghə bày bày a saa ghə.

Kəfwaʼ 2:30

À kee loʼ nə tə â loʼ wù tûm Kəzə̀, tə khə nə̀ Zə̀ kə mâ təb naŋa ghəə ghə tə wi, zə̂ nkaa nə i naŋŋə waa waa Devid u loʼ wə, tə i saʼa dzɔbənə ghə̂ a wi ghə tə a loʼ Devid.

Kəfwaʼ 28:23

Ambə ghə̂ ghey ndzɔʼ bəghəm naŋa kɔʼ tsuʼ fə, ndəmə ghə n bə koʼ bə soʼo wi n luʼu key tə â muunə tii. Tə n tiillə ghə i tii zə tə ghə ni zey tsu n bələbələ tə ndow kuum ndow n nəŋə i fənə tə. Tə n tiillə dza ghəə a fɔɔ u Kəzə̀ tə ghə, tə n ney bə soʼo aghəə n laŋ kə Mushi nsə n ghəə ghey tûm tə Kəzə̀ tə â tɔ̀ɔ naŋanə ni dii ndow tə ghə nə̀ ghəə ghey tə dzanə bòʼ Yeso loʼ isəŋə.

Kəfwaʼ 3:21

Yeso khə ni doʼo kə idəŋ ni ndow kuum n nəŋə zey i kpiinə tə Zə̀ kə ni bayyə naŋa dzəŋŋə aghəə adzəm. Zə̀ kə mâ khə təb naŋa ghəə ghən tə saa n bam i tûm tə wi tə zow tə.

Hibru 11:18

Loʼ sey nə̀ Zə̀ kə mâ dza naŋa tə̀ wi nə̀, “À i loʼ n bam i Ayzik wə i keelinə waa a waa ghən mə â təb naŋanə tə̀ wɔ.”

Hibru 11:2

A loʼ bòʼ bəghəm i fə̀ŋ zən ghə̂ a num tə ibam tə â khə tsənə, zə â ghəŋənə nə̀ Zə̀ kə ney ghə nə̀ à loʼ ghə̂ a dzuŋu ghə.

Hibru 12:25

Sey, ghaa ney ighə̂mə nə̀ kə ghaa i tuu ni zəllə tə̀ Zə̀ kə nghee tə ghɔɔmə bənə tə̀ ghaa. Abə ghə̂ ghə Izree ghə â ka nɔb shi nghee ghə â tuu ni zow tə̀ Mushi wey tə â fuunə ghə n tsə̀ zə fa a ghəlitsə, i sey dii nə̀ zə i bəbə tsəghəshiənu n kow saa, abə saa tuunə ni zow tə̀ wù wey tə ghɔɔmə tsuu bənə tə̀ saa idəŋ.

Hibru 2:2

N dza sey n təŋkey, tûm Kəzə̀ zən tsətəndəghə tə Kəzə̀ tə a fuunə tə̀ ghə bày bày a saa ghə, loʼ isəŋə. Ghə̂ ghən adzəm ghə dzûmə way tûm tii nkee ghə naŋŋə way laŋ kə tii kə, ghə mâ keeli ngoʼ zən zə a kpiinə tə̀ ghə.

Hibru 2:3

Saa i nɔbə shiə ngee abə saa tsayyənə bəghəshi i nii zən ə? A loʼ Mûkəbii n wû u wi wə tə a naʼa bənə bəghəshi zən isə. Ghə̂ ghən ghə a zownə, ghə dii bə tə̀ saa nə̀ à loʼ isəŋə.

Hibru 3:5

Mushi â fwaʼ dzɔbnu fwaʼ kə wi kə tə̀ a loʼ wù kəfwaʼ n dzəŋi kə dzûmə tə Klisto, tə n dza naŋa zey bə ghəə ghən Zə̀ kə â khə ni nam bə dza.

Hibru 4:8

I loʼ sey n təŋkey, abə i mə loʼ nə̀ Joshwa mâ ney ndow ghə n luʼu key ghə â khə ni zayyə tii, tə Zə̀ kə mə ka kəm bə dzə ibam ni ghɔɔmə bòʼ zayyə i nuu zə.

Hibru 5:5

N jìi i mɔʼɔ zə, à way dzə Klisto tə â sàynə wû u wi wə ni doʼo fɔɔngili u nii nii wə nə̀ ghə̂ ghə i fuu bə wi n kɔʼlə mə. Â fəd loʼ Kəzə̀ kə â dza ndownə tə̀ wi nə̀, “Wə loʼ waa wuŋ, Ni ney nuu tsu na, n loʼ bày wə.”

Hibru 9:19

Nghee tə Mushi â tiilə may ndownə laŋ u Kəzə̀ wə udzəm tə̀ ghə tɔ̀ɔ naŋanə nə kəlaŋ tə̀ ghə̂ ghə, tə n daŋŋə ney kɔʼ kaŋ tə waa mbɔŋɔlɔʼ nsə kaŋ tə ji tə nə̀ ghə n nyɔmmə kɔʼ ghi muu mə, tsùm nyiə tsu nyaŋi fə kpìi kə kaʼ fə loʼ fə ghə tɔŋŋə nə̀ à loʼ hisɔb nə̀ ghə n baŋ kɔʼ bad kə ndzə̂ kə baŋa kə tii, wədlə tsu n màʼlə key laŋ u tɔ̀ɔ doʼonə tii, wədlə ndow soʼo n kow ghə̂ ghə adzəm.