Galeshia 6:8 - Kaa n Kəzə̀ n fəghə mə

⁸ Wù wey tə ghəŋŋənə ghəə ghey gow uwû wi ləghənə, i keeli ivə. Wù wey tə kee ghəŋŋə nə̀ ghəə ghey Zay kə Zow kə ləghənə, i keeli muu zə itsali.

Galeshia 6:8 ပူးပေါင်းရင်းမြစ်များ

Matyo 19:29

Wù wey tə naŋa sənə ndaw tə wi tə, waazə a wi, bày wi, này wi, waa a wi, nkee sum u wi n zəd zuŋ, î keeli dzəŋŋə fə u tii wə nə nbɔm n mbi i zən, tə i keeli soʼo muu zə itsali.

Matyo 25:46

Sey, ghə i tûm nuu ndòw ghə n luʼu key ghə̂ a fəʼlənə tii nəŋə tədzəm, ghə̂ ghey ghə loʼnə tsətsəghə i zə̂ itsali.”

Lukas 18:30

tə i keeli dzəŋŋənu fə u tii wə n num tə tən, tə buʼ keeli tsəghəshi, tə i keeli soʼo muu zə itsali abə nəŋə i tii i nə bənə.”

Tùm i dzuŋu zə kuum Yeso Klisto tə Jɔn â tɔɔnə 4:14

Wù wey tə kee mə̂nə mmuu mey n fuunə tə̀ ghə, fə̀ŋ ə mmuu nə kəm zuʼlə koʼ way wi. N kuum dza bə tə̀ wɔ nə̀ mmuu mey mə i fuunə tə wi, mə i fəd doʼo tə̀ a loʼ sə̂ i dzuu zən i kuŋunə n kow ghə, fuu ghə n muu zə itsali zə.”

Tùm i dzuŋu zə kuum Yeso Klisto tə Jɔn â tɔɔnə 4:36

Ghə tsəə dzɔbənu wù wey tə kpey fənənə fəzəə wə, fəzəə wey ghə ney fənə bənə loʼ aghə̂ ghə ney bənə n muu zə itsali. Sey nə̀, wù wey tə zəghə naŋanə nsə wù wey tə kpey fənənə, ghə i duʼlə dzəŋi.

Tùm i dzuŋu zə kuum Yeso Klisto tə Jɔn â tɔɔnə 6:27

Kə̂ ghaa nə̂ fwaʼanə ni keeli fəzəə wey u loʼnə ni bəb, fəd fwaʼ na ni keeli fəzəə wey u doʼlə tsalinə. À wey loʼ fəzəə wey Waa wù sɔŋtsuʼ î fuunə tə̀ ghaa, boʼ nə̀, Bày, tɔŋŋə Kəzə̀ n kuu naŋa tsəə wi n kow wi.”

Roma 13:14

Ghaa khə ni fəd ney Mûkəbii Yeso Klisto tə a loʼ ndzə̂ tə tsam tə ghaa. Kə ghaa nə zəghə maʼa soʼonə wû i ghaa zə nə̀ zə i ghəŋŋə ghəə ghey gow uwû ghaa ləghənə.

Roma 6:13

Kə ghaa nə̂ bəghəmnə nə̀ bad kə uwû kə ghaa kə loʼ kə ghəŋŋə nə̀ ghaa i ghəŋŋə ghəə ghey a kpiilə way. Ghaa fəd khə ni fuu nyi may ndow wû i ghaa tə̀ Zə̀ kə tə a loʼ ghə̂ ghey tə bəghəshi bənə ghə nə̀ ivə, fuu ghə n muu i fəghə zə. Ghaa fuu may ndow soʼo wû i ghaa tə Zə̀ kə tə̀ tə loʼ ni ghəŋə nə̀ ghaa i fwaʼa ndow ghəə ghey a loʼnə tsətsəghə n sə kə wi.

Roma 6:23

I loʼ sey n təŋkey, fə̂ key wù keelinə abə tə ghəŋŋənə ghəə a bəbə ghə, loʼ ivə. Naamə key Zə̀ kə kee fuunə tə̀ wù wey tə loʼnə nə kəfə kəmɔʼ ghi Mûkəbii saa Yeso Klisto loʼ muu zən i nə may way.

Roma 8:11

Abə i loʼ nə̀ Zay K-a-zə̀ kən kə â zhəm dzəŋŋə bənə Yeso nə ivə loʼnu n kow wɔ, wi wən tə â zhəm dzəŋŋə bənə Klisto nə ivə, i ghəŋŋənu nə̀ wû i ghaa zən i kpunə, i kəm keeli imuu. I loʼ sey bòʼ Zay kə Zow key kə loʼnə n kow ghaa.

Roma 8:13

N dza sey n təŋkey, abə ghaa muunə nghee tə̀ gow uwû ləghənə, ghaa i kpuunu. Nə̀ ghaa kee muu nghee tə̀ Zay kə Zow kə ləghənə, ghaa i wey maʼa ghəə a bəbə ghey a loʼnə n kow ghaa, ghaa i keeli imuu.

Roma 8:6

Wù wey tə naŋa tsunə fə̀ŋ ə wi ghəə ghən gow uwû wi ləghənə, tə i kpuunu. A kee bə wù wey tə naŋa tsunə fə̀ŋ ə wi n ghəə ghey Zay kə Zow kə ləghənə, tə n keeli imuu, tə n loʼ soʼo nə ibuulə.

1 Kɔrint 15:42

À wən bɔɔmə loʼ tə zə i loʼnə tii abə Zə̀ kə i zhəm dzəŋŋə bənə ghə̂ ghə nə ivə. Abə ghə tsəllə tsunə vən i wù zə, tə fwaynu, abə Zə̀ kə i kee zhəm nuu dzəŋŋə bənə ghə̂ ghə nə ivə, ghə nə kəm fway way.

Galeshia 6:7

Kə ghaa nə nəbənə wû i ghaa zə, wù way ni tsìi Kəzə̀. Fə key wə zəghənə, wə i keeli soʼo kə ghii.

1 Timoti 1:16

Zə̀ kə n kee kwɔɔlə isî n kow mə sey nə̀ Yeso Klisto loʼ ni ney mə tə a loʼ tsəə, tə dii tə ghə̂ ghən ghə nam khə ni bəghəm fuu tə wi, nə̀ ghə loʼ soʼonu ni keeli muu zə itsali abə tə lɔʼlə loʼ ni kow fə̀ŋ ghi mə wən n bəb tsəghəshinə ghə̂ a bəbə ghə adzəm.

Taytus 3:7

sey nə̀, n bam i fə̀ŋ i dzuŋu zən tə khənə, tə i ghəŋə nə̀ saa i loʼ ni doʼo bə tsətsəghə n sə K-a-zə̀, saa i loʼ soʼo ni bə keeli fə wey tə ləghənə ni fuu tə̀ saa nghee saa ləmmə tənə ni keeli muu zə itsali.

Jems 3:18

À wey loʼ ghə i tii zə ghəə a dzuŋu a shiənə, n təŋkey ghə̂ ghey ghə khənə fə̀ŋ tə dzuŋu tə, ghəŋŋə ndow ghəə a dzuŋu ghə nə̀ ghə̂ ghə i muu nə ibuulə.

2 Pita 2:12

Ghə̂ ghən ghəŋŋə aghəə nə̀ ghə moʼlə way tə a loʼ nyam tə mbvən tə ghə â jinə ghə nə̀ ghə i kwu ləŋi maʼa. Ghə maŋa tsayyə aghəə nə̀ ghə buʼ tɔʼ khə way ghəə a tii ghə. À wey loʼ ghə i tii zə Zə̀ kə i ləŋi maʼanə ghə tə̀ ghə nə ləŋi maʼanə nyam tə mbvən tə.

2 Pita 2:19

Ghə̂ a dii a tsɔŋɔ ghən dza tə ghə nə̀, ghə loʼ ni ghəŋə ghəə zey ghə ləghənə nə̀ ghə ka bəb zow, loʼ sey nə̀ wû i ghə loʼ ukɔd tə̀ bəb zə. I loʼ sey n təŋkey, fə key kə taw tsəghə dzənə wù, wù tii sey loʼ kəkɔd tə̀ fə kə tii kə.

Màʼlə kə Jud tə̀ ghə̂ a Kəzə̀ ghə 1:21

Keeli tsu na nə̀ Zə̀ kə ləghənu ghaa nghee ghaa ləmmənə nə̀ Mûkəbii saa Yeso Klisto kwɔɔlə isî n kow ghaa, tə fuu ghaa n muu zən i nə may way.

Chi dii 22:11

Wù wey tə ləghə ni ghəŋŋə ghəə a bəbə ghə, tə ndow kə n sə kə ni ghəŋŋə ghəə a bəbə ghə. Wù wey tə ləghə ni ghəŋŋə ləbi tə aghəə tə, tə ndow kə n sə kə ni ghəŋŋə ləbi tə aghəə tə. Wù wey tə ləghə ni ghəŋŋə ghəə a dzuŋu ghə, tə khə ni teeli ndow kə n sə kə ni ghəŋŋə ghəə a dzuŋu ghə. Wù wey tə ləghə soʼonə ni ghəŋŋə ghəə a zow ghə, tə khə ni teeli ndow kə n sə kə ni ghəŋŋə ghəə a zow ghə.”