Galeshia 6:2 - Kaa n Kəzə̀ n fəghə mə

² I tɔɔmə tiilə na wû i ghaa zə n nəŋə zə uchɔd n jii i zən. Abə ghaa ghəŋŋə nə̀ sey, ghaa sey naŋŋə laŋ kə Klisto.

Galeshia 6:2 ပူးပေါင်းရင်းမြစ်များ

Matyo 8:17

Tə â ghəŋə ghəə ghən ni luulə ghɔɔmə zey wù tûm ə Kəzə̀ Ayzaya â dza naŋanə nə̀, “Tə â ney nuu fə u zabə wə n kow saa, ney nuu dzaŋa tə saa.”

Lukas 11:46

Yeso n beeli ndòw wi dza, “Ngoʼ loʼ soʼo tə̀ ghaa ghə̂ a dii a kəlaŋ ghə, n təŋkey ghaa fuu laŋ u taw wə tə̀ ghə̂ ghə nə ghə naŋa, loʼ sey nə̀ ghaa ndɔm naŋŋə soʼo way.

Tùm i dzuŋu zə kuum Yeso Klisto tə Jɔn â tɔɔnə 13:34

N fuu bə ghaa n laŋ kə fəghə kə, laŋ kə tii kə loʼ nə̀, ghaa i ləghə tiilə wû i ghaa zə. Ghaa khə ni ləghə tiilə wû i ghaa zə ighələ tə̀ n ləghənə ghaa.

Tùm i dzuŋu zə kuum Yeso Klisto tə Jɔn â tɔɔnə 15:12

Laŋ kuŋ key n fuu bənə tə ghaa loʼ nə̀ ghaa i ləghə wû i ghaa zə ighələ tə̀ n ləghənə ghaa.

Roma 15:1

Saa ghən bəghəm i fə̀ŋ i saa i loʼnə nə̀ zə n beyyə, saa khə ni kow tsuu fə̀ŋ ghi dzûmə tə Klisto tə loʼ tey bəghəm i fə̀ŋ i ghə i ka kam tɔʼ beyyə. Kə saa nə ghəŋŋənə ghəə ghey a dzɔbə kənə tə saa.

Roma 8:2

I sey loʼ ntənkey, nghee tə saa loʼ soʼonə nə kəfə̂ kəmɔʼ ghi Yeso Klisto, Zay kə Zow kən kə fuunə muu zə, kə nya fwaʼa n kow mə, ghəŋŋə nə̀ mə i naŋŋə laŋ u wi. Kə n bəghəshi soʼonə mə wɔ daʼa kə ghəə a bəbə kən kə ney bənə və zə.

1 Kɔrint 9:21

Ambə n loʼ ghi ghə̂ ghey ghə way n tənə laŋ kə Mushi, mə n muu soʼo tə n way n tənə laŋ kə Mushi, sey nə̀, n loʼ ni kwu zə̂ bə soʼo ghə tə Klisto. Abə n ghəŋŋənə sey, i dii dzə way nə̀ n naŋŋə way laŋ u Kəzə̀ wə. Isəŋə loʼ nə̀ n loʼ n tənə laŋ kə Klisto.

Galeshia 6:5

N sey dza təŋkey, kay wù khə kə ni fwaʼ fwaʼ key Zə̀ kə fuu naŋanə tə wi nə tə fwaʼ.

1 Tesalonika 5:14

Ghey buʼu kəwɔɔ a waazə ghə nə̀ ghaa i kpaa tsu ghə̂ ghey ghə ləghə way ni fwaʼ, tsəmmə ndow a ghey ghə tsəŋənə, gaamə ghə̂ ghey ghə ka kam tɔʼ beyyə n bəghəm i fə̀ŋ i ghə, kow fə̀ŋ ghi ghə̂ ghə adzəm.

Jems 1:25

Wù wey tə kee tɔʼ laalə nyi tsunə ghəə ghə tə̀ laŋ kən kə bəghəshiənə ghə̂ ghə diinə, təmi taw tsu kə tii ni ghəŋŋə ndow ghəə ghey tə zownə nə̀ tə neyzəə way, Zə̀ kə i buulə wi n ghəə ghey tə ghəə ghey tə ghəŋŋənə.

Jems 2:12

Ghaa khə ni ghɔɔmə, ghəŋŋə ndow soʼo aghəə tə a loʼ ghə̂ ghən ghə khənə nə̀ Zə̀ kə i saʼa ghə n laŋ kən kə bəghəshiənə ghə̂ ghə.

Jems 2:8

Abə ghaa ndzəmə naŋŋənə laŋ kə fɔɔ u Kəzə̀ wən kə tɔ̀ɔ doʼonə n màʼlə K-a-zə̀ nə̀, “Wə khə ni ləghə wù wey tə kuʼlə loʼnə n səə wɔ tə wə ləghə wû wə wə̀.” Ghaa sey ghəŋŋə ghə i dzuŋu zə.

1 Pita 2:24

Yeso n wû u wi wə mâ boʼo bəb i saa zə n zat kə fəkaʼ, sey nə̀, saa i way ni kəm ghəŋə ghəə a bəbə ghey saa khənə zày ni ghəŋŋə, saa i muu muu zey i loʼnə tsətsəghə. A loʼ fəŋ ghən tə â keelinə, a baŋŋənə ghaa.

2 Pita 2:21

I mə loʼ ni nyaŋ dzɔb tə ghə abə ghə mə doʼlə tənə kə nə̀ ghə khə way muu zey i ghəŋŋənə nə̀ wù doʼo tsətsəghə, tsəghəshi tə̀ ghə ni keeli tsu, ghə kəm tuu maʼa ni zow ghəə ghey Zə̀ kə dzanə nə̀ ghə̂ ghə i ghəŋŋə tə̀ ghə a diinə tə̀ ghə.

2 Pita 3:2

N ləghə nə̀ ghaa i moʼlə tsu ghɔɔmə zey tûm tə Kəzə̀ tə zow tə â dza naŋanə tə̀ ghaa n num tə ibam tə, ghaa i moʼlə tsu soʼo laŋ wey ngəd tə Yeso tə â fuunə tə̀ ghaa nə̀ u nuu bə n wɔ Mûkəbii saa nsə bəghəshi ə saa.

1 Jɔn 4:21

Laŋ kən Klisto â fuu bənə tə saa, kə loʼ nə̀, wù wey tə ləghənə Zə̀ kə, khə ni ləghə soʼo waazə.