Galeshia 6:10 - Kaa n Kəzə̀ n fəghə mə

¹⁰ À wən loʼ zuŋ key, saa khə ni ghəŋŋə ghəə a dzuŋu ghə tə ghə̂ ghə adzəm abə saa keeli kɔʼ buʼ kə tii kə. A ka ndɔm dza dzə ghə̂ ghən ghə bəghəm nə tə Klisto.

Galeshia 6:10 ပူးပေါင်းရင်းမြစ်များ

Matyo 10:25

Waa kəmàʼlə bɔɔmə may kuum tsu kə ni doʼo tə̀ a loʼ wù dii ə wi, wù kəfwaʼ bə doʼlə soʼo tə̀ a loʼ Mûkəbii ə wi. Abə ghə tɔŋŋənə mûkəbii nə̀ tə loʼ Belzebul, ghə̂ a ndaw wi ghə i keeli izəd nə̀ zə n bəb tsəghəshi Belzebul.”

Matyo 12:50

Wù wey tə ghəŋŋənə ghəə ghey Bày wuŋ idəŋ ləghənə, tə sey loʼ waazə wuŋ u num wə, waazə wuŋ u zən wə nsə này wuŋ.”

Matyo 25:40

Tə i beeli ndòw ghə nə̀, ‘N kuum dza bə tə̀ ghaa nə̀, ghəə ghey ghaa â ghəŋənə tə̀ waazə wuŋ u ghaa wə, ghaa â sey ghəŋə tə̀ mə̀.’”

Matyo 5:43

Yeso n ndow n sə̂ kə ni dza nə̀, “Ghaa mâ zow nə̀ ghə â dza n laŋ kə Mushi nə̀, ‘Wə khə ni ləghə wù wey tə kuʼlə loʼnə n səə wɔ, kee baa wù təngəmə.’

Malakus 3:4

Tə n bəb ndòw tə̀ ghə̂ ghey nə̀, “Laŋ kə saa kə dza nə̀ ngee kùm tsuʼ inaʼ ə? Ni ghəŋə ndzuŋ nkee ni ghəŋə bəb ə? Ni bəghəshi muu i wù nkee ni wey wù ə?” Ghə n zow doʼo ndòw mɔŋ ka beeli wi.

Lukas 6:35

Sey, i ləghə na ghə̂ a təngəmə a ghaa ghə, ghəŋə ndzuŋ tə̀ ghə̂ ghə, fuulə fuu shiə fə u ghaa, moʼlə way nə ghə i teeli fu dzəŋŋə. Abə ghaa ghəŋənə sey, ghaa i keeli naamə kə nii kə, ghaa i loʼ luʼu wey waa a Kəzə̀ a səŋi a loʼnə tii, n təŋkey, tə ghəŋə ndzûŋ tə̀ ghə̂ à məə ghə nsə ghə̂ a bəbə ghə.

Tùm i dzuŋu zə kuum Yeso Klisto tə Jɔn â tɔɔnə 12:35

Yeso n dza ndow tə ghə nə̀, “Daa kə i nam doʼlə kəŋŋə ndownu ghi ghaa n tɔŋɔ fə inəŋə. Bwey na nya ghaa khənə daa kə, nə̀ a way sey ləm kə i bwu kwɔɔlə ghaa. Wù wey tə bwey nə kələm khə way luʼu key tə ndownə tii.

Tùm i dzuŋu zə kuum Yeso Klisto tə Jɔn â tɔɔnə 9:4

Saa khə ni teeli fwaʼ fwaʼ kə wù wey tə tûmnə mə nya nə̀ luʼu tə nam zownu, n təŋkey, abə tsuʼ u dzə̂ bənə, wù kəm way ni fwaʼ.

Kəfwaʼ 6:7

Sey, ghɔɔmə i Kəzə̀ zə n ndow n sə̂ kə ni zaamə, taŋ ə dzûmə tə Klisto tə n nyîmmə kɔʼɔ ndow n Yerosalem, ndəmə ghə fɔɔngili a Təjuu ghə bəghəm soʼo tə Yeso.

2 Kɔrint 2:8

Sey n buʼu bə kəwɔɔ tə̀ ghaa nə̀ ghaa dii ndow tə̀ wi nə̀ ghaa ndzəmə ləghənu wi.

Galeshia 1:23

Ghə mâ kee zow kənu ghə dzanə nə̀, “Wù wən tə â chɔdlɔnə ghey ghən ghey bəghəm nə tə Yeso, nya kəm naʼlə tûm i dzuŋu zən tə â ləghə ni bəəbə maʼa.”

Efesus 2:19

Sey, ghaa kəm way dzə ghə̂ a tətûm nkee ghə̂ a bwey bəghə ghə. Ghaa nya loʼ ghə̂ ghə inaʼ ghi ghə̂ a Kəzə̀ ghə, ghaa shinə n sad i kəbii i Kəzə̀.

Efesus 3:15

Tə loʼ Bày tə bɔmnə fə̂ wən fa mbi udzəm, tɔŋŋə fə̂ wən u loʼnə idəŋ nsə fa aghəd.

Efesus 4:28

Wù wey tə â tsɔŋɔ tsənə, khə ni maʼa mwam u tsɔŋɔ wə. Tə khə ni fwaʼa fwaʼ kə səŋi kə n wɔɔ a wi ghə, sey nə̀, tə i mbɔŋ loʼ ni gaamə ghə̂ ghey ghə laʼanə.

Efesus 5:16

Ghaa khə ni ghəŋŋə ndow ghəə a səŋi ghə n nəŋə zey ghaa khənə, n təŋkey ghəə a bəbə a kəmənu nya.

Filipi 4:10

N ngii duʼlənu, mə n fuu soʼo zɔŋŋə kə n doʼo zuŋ ghi Mûkəbii, n təŋkey, ghaa n ndzəm dii ləghə i ghaa zə tə̀ mə. N khənu nə̀ ghaa â moʼlənu mə, ghaa n kee khə way jii ni dii bə moʼlə i tii zə.

Kolose 4:5

I khə na jìi zey ghaa muunə tii ghi ghə̂ ghey ghə loʼ nə̀ ghə ka kam bəghəm tə Klisto, kə ghaa nə bəghəm nə bùʼ kə tsəghə ghaa nə ghaa ka ghəŋə ghə i səŋi zə tə ghə.

1 Tesalonika 5:15

Kə ghaa i bəghəm nə̀ wù loʼ n fəŋŋə kə ghaa kûmmə dzəŋŋə ibəb nə ibəb. Ghaa fəd khə ni ghəŋŋə ghəə ghey a dzɔbənə n wû i ghaa nsə tə̀ ghə̂ ghə adzəm.

1 Tesalonika 5:21

Ghaa i tɔʼɔ laalə tsuu ghəə ghə adzəm, ghəŋŋə ndow a ghey a dzɔbənə.

Taytus 2:14

À loʼ wi tə â fuu ndownə wû u wi wə ni kpu n tow u saa ni bəghəshi saa n ghəə a saa a bəbə ghə adzəm nsə ni sow maʼa ghəə a saa a bəbə ghə, sey nə̀, saa doʼo bə ghə̂ a wi, khə tən soʼo zày ni ghəŋŋə ghəə ghey a dzɔbənə.

Taytus 3:8

Ghəə ghən n dza bənə fa tə̀ wɔ ndzəm loʼ isəŋə. N ləghə nə̀ wə i tɔʼɔ dza kuulə ndow ghəə ghən tə̀ ghə, sey nə̀ ghə̂ ghən ghə bəghəmnə tə̀ Zə̀ kə, loʼ ni khə zày ni ghəŋŋə ghəə ghey a dzɔbənə. Ghəə a tii a dzɔbənu, loʼ soʼo ni gaamə aghə̂ adzəm.

Hibru 13:16

Kə ghaa i neyzəə ni ghəŋŋə ndzuŋ nsə ni dzawwə fuu ndow ghə̂ ghey ghə khə way boʼnə Zə̀ kə duʼlənu n ndzoʼo maʼlə wən.

Hibru 3:6

Klisto kee loʼ waa Kəzə̀ wən tə â fwaʼ dzɔbnə n dzəŋi kə dzûmə tə Klisto. Saa loʼ tə a loʼ ndaw wi abə saa ndownə n sə kə ni kow fə̀ŋ nsə ni ləmə fə key saa ləmmənə nə̀ saa tsəŋə way.

Hibru 6:10

Zə̀ kə way dzə wù wey tə way tsətsəghə n ghəə a wi, sey, tə i neyzəə way fwaʼ kə ghaa kə nsə ləghə zən ghaa dii bənə tə̀ wi nghee ghaa gaamənə ghə̂ a wi ghə, ghaa a nam ndow kə n sə kə ni ghəŋŋə sey.

1 Pita 2:5

Bə n na n səə Mûkəbii tə a loʼ tay ghey a loʼnə utaw, ghə ney kɔʼ ghaa, ghə bəghə teyyə kɔʼ ndaw Kəzə̀ i nii zə a tii, ghaa i fwaʼa tə a loʼ fɔɔngili tə Zow tə ni fəələ maʼlə u Zay kə Zow kə Zə̀ kə ləghənə n bam i Yeso Klisto.

1 Pita 4:17

N dza sey n təŋkey, nəŋə zə n kpii tə Zə̀ kə ni saʼ mbi. Tə i zey tsu dzə ni saʼ ghə̂ a Kəzə̀ isə. Abə tə khə ni kaʼ nuu tsu ni saʼ saa ghən saa loʼnə waa a Kəzə̀ ghə, zə i boʼo bəbə ngee n kow ghə̂ ghey ghə loʼ nə̀ ghə bəghəm way tûm i dzuŋu zən Zə̀ kə tûm bənə ə?

1 Jɔn 5:1

Wù wey tə bəghəmnə nə̀ Yeso loʼ wù wən Zə̀ kə â dza naŋa nə̀ i tûm bənu, tə loʼ waa Kəzə̀. Wù wey tə ləghənə bày, ləghə soʼonu waa wi.

3 Jɔn 1:10

Abə mə i bənə, mə i tiilə dza bə ghəə a bəbə a loʼ ghən tə ghəŋənə nsə ghəə badla a loʼ ghən tə ghɔɔmənə bòʼ ghey. Tə ghəŋŋə kə way ghəə a ghən, tə tsəmə ləghə way ni kpiney ghə̂ a dii ghən ghə bwey bəghənə n dzəŋi kə dzûmə tə Klisto, tuu soʼo nə kə waazə a loʼ ghey nə kpiney bə ghə. Tə n dzùm shi daŋŋə ghə n dzəŋi kə dzûmə tə Klisto abə ghə ləghə ni kpiney bə ghə.

3 Jɔn 1:11

N fə̂, kə wə nə dzûmə ndzoʼo mwam u bəbə wən, i dzûmə ndow ghəə a dzuŋu ghə. Wə keeli tsu nə ghə̂ ghən ghə ghəŋŋə ndzuŋ, dii bə nə ghə loʼ waa a Kəzə̀. A ghey ghə ghəŋŋə ghəə a bəbə ghə, ghə khə way Zə̀ kə.

3 Jɔn 1:3

N ngii khə iduʼlə nghee ghə̂ a Kəzə̀ a loʼ ghə â bə dza bənə tə̀ mə nə̀, wə bɔɔmə muu kə nə isəŋə zən i loʼnə bòʼ Kəzə̀. Mə n ndzəm khə nə̀ wə muu nə isəŋə zey.