Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Galeshia 6:1 - Kaa n Kəzə̀ n fəghə mə

1 Waazə ghuŋ ghə, abə wù ghaa u loʼ u ghəŋə bəəbə tsunə ghə zə, ghaa ghən ghaa muu nə n daʼa Zay kə Zow kə, ghaa khə ni nyoʼlə bɔɔ teyyə dzəŋŋə bə wù tii n jii ibam, kee ghə̂mə kə nə kə fə kə loʼ kə nə chimmənə ghaa nə ghaa nyi ndow soʼo ni ghəŋə ghəə a bəbə ghə.

အခန်းကိုကြည့်ပါ။ ကော်ပီ




Galeshia 6:1
41 ပူးပေါင်းရင်းမြစ်များ  

Ney kɔʼ na fwaʼ kuŋ kə n wû i ghaa zə, ghaa zoʼlə tsu aghəə n wɔ mə̀, n təŋkey, n loʼ zəələ kə wù, khə soʼo fə̀ŋ i dzuŋu zə, ghaa i keeli izayyə.


Ghə n bwɔdlɔ Yeso sey nə̀ Pita doʼ a bii n bii kə isə̂ kə. Weyzən ə kəfwaʼ a Fɔɔngili u nii nii wə n bə n səə wi, dza tə̀ wi nə̀, “Wə â loʼ soʼo ghi Yeso wù Galili wən.”


Pita n daŋŋə taa moʼlə tsu ghəə zey Yeso â dzanə tə̀ wi nə̀, “Tə mwaʼ kə ni tɔŋ, a i loʼ nə̀ wə̀ n mə tuu maʼa tənəŋə tətəghə.” Tə n nuu tsu fu, shi ndow a bii, ndòw dey dzɔb i tsu.


Ndòw kəŋ shi kɔʼ na ghəə zey i diinə tə ghɔɔmə zən dza nə̀, ‘N ləghə ghə̂ ghey ghə khənə sî i kwɔɔlə zə n wû i ghə, n ka ləghə dzə nə̀ ghə i səghə nyam tə ni fəələ umaʼlə tii tə̀ mə.’ N təŋkey, n ka bə dzə ni bə tɔŋɔ ghə̂ ghey ghə loʼnə tsətsəghə, n fəd bə ni bə tɔŋɔ ghə̂ a bəbə ghə.”


Ghaa khə ni bəghəm naŋa dzûmə tə Klisto tey tə loʼ nə̀ ghə ka kam tɔʼ beyyə taw n bəghəm i fə̀ŋ i ghə. Kə ghaa nə baŋŋənə fəghəm tə ghi ghə n ghəə zey ghə moʼlənə nə̀ i kpiinu nkee i zey ghə moʼlənə nə̀ i kpiilə way.


Saa ghən bəghəm i fə̀ŋ i saa i loʼnə nə̀ zə n beyyə, saa khə ni kow tsuu fə̀ŋ ghi dzûmə tə Klisto tə loʼ tey bəghəm i fə̀ŋ i ghə i ka kam tɔʼ beyyə. Kə saa nə ghəŋŋənə ghəə ghey a dzɔbə kənə tə saa.


Wù wey tə naŋa tsunə fə̀ŋ ə wi ghəə ghən gow uwû wi ləghənə, tə i kpuunu. A kee bə wù wey tə naŋa tsunə fə̀ŋ ə wi n ghəə ghey Zay kə Zow kə ləghənə, tə n keeli imuu, tə n loʼ soʼo nə ibuulə.


A wey loʼ ghə i tii zə, wù wey tə̀ moʼlənə nə̀ tə tɔʼ teynu n bəghəm i fə̀ŋ i wi, khə ni ney ighə̂mə, sey nə̀, kə tə nə bwunə n bəghəm i fə̀ŋ i wi.


Wù wey tə moʼlənə nə̀ i loʼ wù tûm Kəzə̀ nkee ghəə ghey tə ghəŋŋənə, a fuu Zay kə Zow kə wi n daʼa kə tii kə, wù tii khə ni keeli tsu nə̀, ghəə ghən n dza bənə fa, à loʼ Mûkəbii n wû u wi wə, tə tsəʼlə bənə laŋ kə tii kə.


Wù wey Zay kə Zow kə loʼnə n kow wi, loʼnu ni saʼ aghəə adzəm, wù wey Zay kə Zow kə kee way n kow wi, way dzə ni saʼ wù wey Zay kə Zow kə loʼnə n kow wi.


Waazə ghə, mə â way dzə ni ghɔɔmə tə̀ ghaa tə̀ n ghɔɔmənə tə̀ ghə̂ ghey Zay kə Zow kə loʼnə n kow ghə. Mə â fəd khə ni ghɔɔmə tə̀ ghaa tə̀ a loʼ ghə̂ ghey ghə nam loʼnə n muu i mbi zən, loʼ soʼo tə à loʼ aghinətəghə n bəghəm i fə̀ŋ i ghə n kow Klisto.


Ghaa ləghə ghə i ghaa zə nə̀ n ghəŋə tə̀ ghaa ə? Abə mə i bənə, zə i kpiinu tə̀ mə ni chɔd ghaa nkee zə i kpiinu tə̀ mə ni dii ləghə zuŋ tə̀ ghaa, n dii soʼo ghaa n mwam u dzuŋu wə ə?


Kə̂ ghaa nə̂ tuu ni nyəŋi n wû i ghaa tə a loʼ num ghi wey, a may kə nə̀ ghaa saalə tsunu ni doʼo n tɔŋɔ fə inəŋə nə̀ ghaa nyəŋi way, sey nə̀, ghaa loʼ ni fuu nyi may ndòw wû i ghaa nə igɔŋŋə. Abə ghaa gɔŋŋə may tsunə, ghaa n kəm kaʼ dzəŋŋə i ndow ni ghəŋə nə̀ kə Satan nə keelinə buʼ kə ni mɔm koʼ ghaa nghee i loʼ nə̀ ghaa way ni doʼo nə̀ ghaa nyəŋi dzəŋi way.


À loʼ mə̀ Pɔl n wû wuŋ wə, n maʼa tsunə wû wə ni buʼ kəwɔɔ tə̀ ghaa n zəd i Klisto wən tə buulənə, zə̀ələ loʼ soʼo. À loʼ mə wən ghə̂ a loʼ a dza kaabənə nə̀ abə n loʼnə n sə kə ghaa, mə n tsəŋə, kee tɔɔbə ghɔɔmə abə n nuu ndownə.


A nya kpii ni neyzəə wi, ghaa tsəmmə tsu wi, sey nə̀ kə̂ tə nə kəm ngii mow tsəghəshiənə, tə bwu n bəghəm i fə̀ŋ i wi.


Sey n buʼu bə kəwɔɔ tə̀ ghaa nə̀ ghaa dii ndow tə̀ wi nə̀ ghaa ndzəmə ləghənu wi.


ni bɔɔmə ghəŋŋə ghəə ghə nsə zuŋ kə umwam kə. Laŋ kə loʼ kə way dzə kə tuunə nə wə ka ghəŋə ghəə ghən.


Waazə ghə, gɔŋŋə zuŋ i loʼ nə̀, ndzuŋ ə Mûkəbii saa Yeso Klisto, zə i loʼ ghi ghaa adzəm. A may kə sey.


Ni ndow n sə kə waazə ghə, ghey mâ ghaa dəŋ kɔʼ bə n jìi zey ghaa khə ni muu tə̀ i kpiilənə tə̀ Zə̀ kə. Mə u ndzəm khə soʼo nə̀ a wey loʼ nghee ghaa muunə tii. Ghey nay fa buʼu bə ghaa n wɔ̀ kə n zəd i Mûkəbii Yeso nə ghaa ndow kə n sə kə n mwam u tii wə.


A kee loʼ nə̀ kə̂ ghaa nə̂ ghəŋənə ghi ghə tə̀ ghaa khə təngəmə, ghaa i fəllə kpaa ndow ghə tə a loʼ waazə a ghaa.


Tə khə ni dii ndow ghə̂ ghey ghə zuulə baalənə wi nyaŋi fənyaŋi, n nəŋə i loʼ zə Zə̀ kə loʼnu ni ghəŋə nə̀ ghə kweyyə nuu bə fə̀ŋ tə ghə n ghəə a bəbə ghə, ghə zowkeeli soʼo isəŋə.


Ghaa ghəŋə nə̀ jìi zey ghaa bweynə tii i loʼ tsətsəghə, sey nə̀, ghə̂ ghey ghə bəghənə n baa ghaa, nghee ghə buʼ loʼ kə nə̀ ghə ngɔdlɔ bweynu, ghə i way ni nii bwu, ghə i fədlə taw dzɔbə.


Ghaa i moʼlə tsu ghə̂ ghən ghə fìi naŋanə ghə n ndaw tsaʼ tə̀ a i dza ghaa dzəŋi loʼ n ndaw tsaʼ a tii ghi ghə. I moʼlə tsuu n na ghə̂ ghən ghə chɔdlɔnə ghə tə̀ a i dza ghaa zow soʼo fɔɔbə zey ghə zownə n gow uwû.


Abə wù loʼnə n fəŋŋə kə ghaa tə moʼlənə nə̀ i tɔbənu, zowkeeli soʼo aghəə, tə dii tsu ghəə a tii ghə n jìi zey tə muunə tii. Ghəə a dzuŋu ghey tə ghəŋŋənə nsə buulə kə umwam kə wi kə dii bənu nə̀ tə khənu tɔb wə.


I loʼ nə̀, saa adzəm nɔʼɔnu n ndəmə təjìi. À kee loʼ nə̀ wù wey tə loʼ ni doʼo nə̀ tə nɔʼɔ koʼo tsə way ghəə zey tə dzanə, tə loʼ wù tsətsəghə, dii tsu nə̀, tə loʼnu ni tɔʼ kwu keeli soʼo wû u wi.


Ghaa i kee fuu kə kɔʼlə mə tə Klisto n fə̀ŋ tə ghaa, ngɔɔmə soʼo wi tə a loʼ Mûkəbii. Tey tən nəŋə tədzəm ni beeli wù wey tə ləghənə ni keeli fə key wə ləmmənə nə̀ Zə̀ kə ghəŋə tə ghaa.


Abə wə koʼ waazu ghəŋŋə bəəbənə ghəə zə n jìi zey zə i sìi ndow way wi nə ivə, wə n gɔŋŋə nə̀ Zə̀ kə fuu wi n muu zə, bòʼ bəb i wi zey i way ni wey wù. Ghɔɔmə zən loʼ tə̀ ghə̂ ghey ghə ghəŋŋənə bəb zey i way ni ghəŋə nə̀ wù kpu. Bəb i loʼ i loʼnu ni ghəŋə nə̀ wù kpu, n kee dza dzə way nə̀ ghaa khə ni gɔŋŋə n ndzoʼo bəb i tii zə.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ