Galeshia 5:22 - Kaa n Kəzə̀ n fəghə mə

²² Ndzoʼo mwam wey Zay kə Zow kə ləghə nə̀ saa keeli loʼ, iləghə, iduʼlə, ibuulə, ni kow fə̀ŋ, fə̀ŋ i dzuŋu zə, ghəə a dzuŋu ghə, zə̀ələ kə fə̀ŋ,

Galeshia 5:22 ပူးပေါင်းရင်းမြစ်များ

Matyo 12:33

Yeso n dza kpiʼi ndow tə ghə nə̀, “Abə kaʼ fə nyim dzɔbənə, fə məə bə tam u dzuŋu wə, abə fə nyim dzɔbə way, fə məə bə tam u bəbə wə, bòʼ nə̀, a koʼo keeli kə fəkaʼ n ndzoʼo tam wey fə məənə.

Lukas 13:9

Abə fə mə̂nə nə kənum, a i loʼ ghə i dzuŋu zə, nə fə ka mə, a i fuŋ maʼa.’”

Tùm i dzuŋu zə kuum Yeso Klisto tə Jɔn â tɔɔnə 15:16

A way dzə ghaa, ghaa â sày bə mə, a loʼ mə, mə â saynə ghaa, fu tsu ghaa n daʼa kə nə̀ ghaa i məə tam u dzuŋu wə, ndzoʼo tam wey u doʼo tən nə, sey nə̀, wù ghaa nɔɔ kə kee tə Bày n zəd zuŋ, Bày i fu fə kə tii kə tə̀ wi.

Tùm i dzuŋu zə kuum Yeso Klisto tə Jɔn â tɔɔnə 15:2

Abə kpìi kə loʼ kə məə way tam wə, tə n khəə maʼa i tsu, u wey u məənə tam wə, tə n faalə kad naŋa kɔʼ nə̀ wə i ngii məə tsu.

Tùm i dzuŋu zə kuum Yeso Klisto tə Jɔn â tɔɔnə 15:5

N loʼ fəkaʼ, ghaa a loʼ kpìi tə tii tə. Wù wey tə loʼ ghi mə nə kəfə kəmɔʼ, mə n loʼ soʼo nə kəfə kəmɔʼ ghi wi, a loʼ wi tə loʼ ni ngii mə̂ utam. I loʼ sey n təŋkey, abə a bow tə mə, ghaa way ni ghəŋə ghə i loʼ zə.

Roma 14:17

N dza sey n təŋkey, ghəə a fɔɔ u Kəzə̀ à way dzə kə ghəə a zə̂ə ghə nkee ghəə a mə̂ə ghə, ghəə a tii a fəd loʼ nə̀ wə i zow ndow tə̀ Zay kə Zow kə, kə ghəŋŋənə nə̀ wə i ghəŋŋə ghəə ghən a kpiilənə tə̀ Zə̀ kə, muu nə ibuulə nsə ni muu nə iduʼlə.

Roma 15:14

Waazə ghə, n ndzəm khənu nə̀ ghaa khənu fə̀ŋ i dzuŋu zə ni ghəŋŋə ghəə ghey Zə̀ kə ləghənə, ghaa u loʼ soʼo nə̀ Zə̀ kə n fuu ghaa n tɔb wə naʼ idzəm. Ghaa n ndzəm kɔʼ kpii ni dii tiilə wû i ghaa zə.

Roma 15:3

N dza sey təŋkey, Klisto n wû u wi wə â ka ghəŋə dzə ghəə ghey a dzɔbə kənə tə wi. I loʼ tə i tɔ̀ɔ doʼonə n màʼlə K-a-zə̀ nə̀, “Kpaalə zən ghə̂ ghə â kpaalənə wɔ, À loʼ mə n boʼonə kpaalə i tii zə.”

Roma 15:30

Waazə ghə, n buʼu bə kəwɔɔ tə ghaa nə̀ ghaa təmdzəŋi ni ngii gɔŋŋə tə̀ Zə̀ kə n tow kuŋ, nghee saa loʼnə nə kəfə kəmɔʼ ghi Mûkəbii saa Yeso Klisto, Zay kə Zow kə u ghəŋə soʼo nə̀ saa i ləghə wû i saa zə.

Roma 6:22

Nya wən Zə̀ kə bəghəshinə ghaa n ghəə a ghaa a bəbə ghə, ghaa u doʼo bənə kɔd u wi, naamə kə ghaa kə loʼ nə̀ ghaa nya loʼ ni muu muu zən i zownə tə̀ Zə̀ kə, sey nə̀ ghaa keeli muu zən i nə may way.

Roma 7:4

Waazə ghə, a loʼ soʼo ghə i mɔʼɔ zə ghi ghaa. Abə a bənə n ghəə a kəlaŋ, ghaa loʼ tə̀ a loʼ ghə̂ a kpuu ghə tə̀ laŋ kə n təŋkey, ghaa mâ kpu dzəŋi ghi Klisto. Ghaa nya loʼ nə kəfə kəmɔʼ ghi wù wən Zə̀ kə â zhəm nuu dzəŋŋə bənə nə ivə, sey nə̀, saa loʼ ni ghəŋə ghəə ghey a fuunə kɔʼləmə tə̀ Zə̀ kə.

Roma 8:5

I loʼ nə̀, ghə̂ ghən ghə muunə muu zən gow uwû ləghənə, bɔɔmə moʼlə tənə kə ghəə ghey a kpiilənə tə̀ gow uwû. A kee bə ghə̂ ghey ghə muunə, muu zey Zay kə Zow kə ləghənə, bɔɔmə moʼlə tənə kə ghəə ghey a kpiilənə tə Zay kə Zow kə.

1 Kɔrint 13:13

N ghəə ghən saa adzəm, ghəə a təmi shi bə atəghə, a doʼlə tənə nə̀, bəghəm i fə̀ŋ, moʼlə tə dzuŋu tə nsə ləghə zə. A kee loʼ nə̀, ləghə i bə isə̂ n ghəə ghən adzəm.

Galeshia 5:13

Waazə, ghə Zə̀ kə a say shi bə ghaa nə̀ kə ghaa nə kəm muulənə tə a loʼ ukɔd n tənə kəlaŋ. I kə ghaa nə kee ney kɔʼɔnə nə̀ nghee ghaa kəm way kɔd wə n tənə kəlaŋ, a loʼ kəbùʼ tə ghaa ni ghəŋŋə ghəə a bəbə ghən gow uwû ghaa ləghənə ni ghəŋŋə. Fət ney na buʼ kə tii kə ni gaamə tiilə wû i ghaa nə iləghə.

Efesus 4:23

Ghaa khə ni fu ndow wû i ghaa tə̀ Zay K-a-zə̀ kə nə̀ kə kweyyə bə fə̀ŋ tə ghaa, ghaa doʼo bə ghə̂ a fəghə ghə.

Efesus 5:9

kuum nə̀, abə wù muunə nə ustə̀, tə n ghəŋŋə ndzuŋ, loʼ tsətsəghə, fwaʼa nə isəŋə.

Filipi 1:11

Ghaa i khə muu i dzuŋu zey wù keelinə n bam i Yeso Klisto. Seynə nkɔʼlə nsə kali wə i loʼ tə̀ Zə̀ kə.

Kolose 1:10

Abə i loʼnə sey, saa i loʼ ni muu ndzoʼo muu zey Mûkəbii ləghənə, ghəŋŋə ndow ghəə ghey a dzɔbənə n sə kə wi nəŋə tədzəm. Ghaa i nyîmmə n ghəə a dzuŋu ghən ghaa ghəŋŋə, nyîmmə soʼo n jìi zey ghaa zowkeelinə Zə̀ kə a tii.

2 Tesalonika 3:2

Ghaa i gɔŋŋə soʼo nə Zə̀ kə gaamə ghey tə̀ ghey nɔb shi n wɔɔ kə ghə̂ a bəbə ghə, n təŋkey a way dzə aghə̂ adzəm ghə ndzəm khənə bəghəm i fə̀ŋ zə.

1 Timoti 3:11

Weyzən wən tə loʼnə wù wən tə gaamənə n dzəŋi kə dzûmə tə Klisto, teeli khə soʼo ni khə bəghəm i fə̀ŋ zə, khə mwam u dzuŋu wə. Tə khə way ni ghɔɔmə ghəə a bəbə ghə bòʼ aghə̂, tə khə soʼo way ni ngii ləghə lə mə.

1 Timoti 4:12

I kə wə nə bəghəmnə nə̀ wù loʼ koʼ kìi wɔ a dza wə loʼ winətəghə. Wə khə ni fəd loʼ wù wey wə moʼo diinə ghəə ghə tə ghə̂ ghən ghə bəghəm tə Zə̀ kə, n ghɔɔmə zə, n mwam wə, n jìi zey wə ləghənə ghə̂ ghə tii, n bəghəm i fə̀ŋ zey wə khənə, nsə n jìi zey muu zə i zownə tii.

1 Pita 1:22

Nya wən ghaa sow maʼa dzənə wû i ghaa zə nghee ghaa naŋŋənə isəŋə, sey nə̀, ghaa i ndzəmə ləghə wû i ghaa zə tə a loʼ a awaazə, i ndzəmə ləghə na wû i ghaa zə n fə̀ŋ tə ghaa tə tədzəm.

1 Pita 1:8

Nghee ghaa loʼ kə nə̀ ghaa ka kam buʼ koʼ wi, ghaa a nam ləghə wi. Nghee ghaa koʼo kə way wi ghaa a nam bəghəm fuu kə tə wi, ghaa a khə soʼo duʼlə i nii zə n jìi zey wù way ni buʼ tiilə dza.

1 Pita 5:12

À mə gaamə Saylas ni tɔ̀ɔ bə kəmə fə kəmàʼlə fən. Tə loʼ waazə wuŋ wən n tɔʼ khə nə̀ tə loʼ tsətsəghə n bəghəm i fə̀ŋ i wi. N màʼlə kən tɔ̀ɔ bə tə̀ ghaa ni kuu bə fə̀ŋ tə ghaa nə̀ kə ghaa nə kweyyənə bəghəm i fə̀ŋ zey ghaa khənə n kow Klisto nsə ni təmi tiilə bə nə̀ Zə̀ kə ndzəmə diinu fə̀ŋ ə wi i dzuŋu zə tə̀ ghaa. Ghaa ndow kə n sə kə ni bəghəm tûm i tii zə.