Galeshia 5:21 - Kaa n Kəzə̀ n fəghə mə

²¹ wù wey tə ləghə way ni koʼ nə̀ wù loʼ shi kəfə, ni məə khəə nlə mə, dzəŋi u bəbə wə nsə ndəmə ghəə a bəbə a loʼ ghə tə a loʼ a ghən. Tə mə â buʼ kii naŋa dzənə tə ghaa, n nam kii naŋŋə bə ghaa nə̀, wù wey tə ghəŋŋənə ndzoʼo ghəə ghən nə nyi koʼ way n fɔɔ u Kəzə̀.

Galeshia 5:21 ပူးပေါင်းရင်းမြစ်များ

Matyo 25:34

Tə i daŋŋə dza ndòw tə̀ ghə̂ ghey n kpii u wi u təmə wə nə̀, ‘Bə na n səə mə, ghaa ghən ghaa loʼ nə̀ Bày wuŋ n ghaa buulə, bə zə̂ na fɔɔ u Kəzə̀ wən ghə â bayyə naŋa nə nzeyyə tə̀ ghaa nə̀ mbi ka kam kaʼ.

Lukas 21:34

Ney na ghə̂mə zə kə ghəə a zəə ghə, nsə ghəə a məə ghə nsə chɔd u mbi u nə ney nuulənə fə̀ŋ tə ghaa tə. Nə a way sey, tsuʼ fə tii fə nə bə nə̀ ghaa ka keeli.

Roma 13:13

Sa khə ni ghəŋŋə ndow ghəə ghey a kpiilənə tə a loʼ ghə̂ ghey ghə muunə n mgbaŋ. Saa khə way ni mə̂ə khəə kaabə tsə lə mə. Saa khə way ni ghəŋŋə ghəə a laŋŋə ghə, nkee ghəə a dzəə ghə. Saa khə way ni zuulə ballə n wû i saa nkee ni ghoʼo wû i saa zə.

Roma 8:13

N dza sey n təŋkey, abə ghaa muunə nghee tə̀ gow uwû ləghənə, ghaa i kpuunu. Nə̀ ghaa kee muu nghee tə̀ Zay kə Zow kə ləghənə, ghaa i wey maʼa ghəə a bəbə ghey a loʼnə n kow ghaa, ghaa i keeli imuu.

1 Kɔrint 15:50

Waazə ghə, ghəə zey n dzanə i loʼ nə̀, wû u wù sɔŋtsuʼ u way dzə ni nyi n fɔ̀ɔ u Kəzə̀. Gow uwû zən i fwaynə, way dzə ni nyi n fɔɔ u Kəzə̀ wən fə u fway way fu.

1 Kɔrint 5:11

Mə â dza tə̀ ghaa nə̀ kə̂ ghaa nə̂ təmə dzəŋinə ghi wù wən tə tɔŋŋənə wû u wi wə nə̀ i loʼ dzûmə Klisto, loʼ sey nə̀ tə laŋŋənu, shiə n sə̂ ghə n fə u mbi, ngɔɔmə mmuʼu, khəə təfəghəm, mə̂ə khə̀ə nlə, nkee tsɔŋɔ. Kə̂ ghaa nə̂ buʼu zə̂ə dzəŋinə ghi ndzoʼo wù tii.

Efesus 5:18

Kə ghaa nə məə khəənə lə mə, n təŋkey, lə n ghəŋŋə wù tə n dzəŋsə ghəŋŋə aghəə. Ghaa fəd khə ni ghəŋə nə̀ Zay kə Zow kə i tali ghow kə ibwey kə ghaa kə.

Kolose 3:6

À loʼ bòʼ ghəə ghən Zə̀ kə i zàa maʼanə mbow fə wi fə n kow ghə̂ ghən ghə zow way tə wi.

1 Tesalonika 5:7

Abə ləm kə bwunə a wey loʼ nəŋə zey ghə̂ ghə a bweelinə tii, a loʼ ghə n məə khəə nlə.

2 Tesalonika 2:5

Moʼlə tsu na nə̀ n ma ghəə ghən tə̀ ghaa dza n nəŋə zey mə â loʼnə ghi ghaa.

Hibru 13:4

Tɔʼɔ kwu keeli n na ney zə iwû zə. Kə wù loʼ n ghə̂ ghey ghə ney dzənə wû zə nə shiə nyəŋinə ghi wù nuu a bii n təŋkey, Zə̀ kə i chɔdlɔnu ghə̂ ghey ghə shiə nyəŋinə ghi ghə̂ ghə a bii nsə ghə̂ ghey adzəm ghə ghəŋŋənə ghəə a laŋŋə ghə.

1 Pita 4:3

Ghaa n ngii bəəbə kɔʼ bə nəŋə zə ni ghəŋŋə ghey ghə̂ ghən ghə khə way Zə̀ kə ləghənə ni ghəŋŋə. Ghaa muu kɔʼ bə muu i ghaa ni ghəŋŋə dzəə dzəə tə aghəə tə, shiə n sə ghə n kow gheyzən ghə, məə khəə kaabə tsə nlə, ngii zəə kaabə tsə uzə̂, məə kɔʼɔ nlə bwey buʼlə kaabə tsə nbɔŋ, ngɔɔmə soʼo mmuʼu nə̀ Zə̀ kə n bàa tən.

Chi dii 21:27

Fə kə dzəə kə loʼ kə nə nyi koʼ way n naʼ i tii zə, nkee wù wən tə ghəŋŋə ləbi tə aghəə nkee ghəə tow kə dədlə kə nkee ghə̂ a badla ghə aghəə ghə. A fəd loʼ ghə̂ ghən zəd a ghə tɔ̀ɔ doʼo n màʼlə kə Waa Nji key, ghə̂ ghey ghə i keelinə muu zə itsali zə loʼnə tii, ghə i nyiənə fu n naʼ i tii zə.

Chi dii 22:15

Ghə̂ ghey ghə i kee nyi way fu inaʼ, loʼ ghə̂ ghey ghə ghəŋŋə ghəə a dzəə ghə nsə ghə̂ ghən ghə ghəŋŋə ghəə a fənnə ghə, ghə̂ ghey ghə ghəŋŋə ghə a laŋŋə ghə nsə ghə̂ ghey ghə weynə ghə̂ ghə, ghə̂ ghey ghə ngɔɔmə muʼu mə nsə ghə̂ ghey adzəm ghə ləghənə ni badla ghəə ghə n ghɔɔmə i ghə nsə n ghəə ghey ghə ghəŋŋənə.