Galeshia 5:20 - Kaa n Kəzə̀ n fəghə mə

²⁰ ni ngɔɔmə muʼu mə, ghəə a kəvuŋ, baa zə iwû, fəghəm tə baŋŋə tə, kəghoʼ, mbwu kə fə̀ŋ, sə a shiə ghə nə ufə̂, nəghə u fəə wə, wù dzawwə maʼa wə aghə̂ wə,

Galeshia 5:20 ပူးပေါင်းရင်းမြစ်များ

Roma 2:8

A kee bə ghə̂ ghey ghə â muunə nə̀ ghə laalə tsuu kə wû i ghə zə, tuu maʼa isəŋə, fədlə dzûmə ndow ghəə a bəbə ghə, Zə̀ kə i chɔdlə ghə, ghə i koʼ nəghə u fəə u wi.

1 Kɔrint 11:19

À loʼ kənu ghə i dzuŋu zə nə̀ ghaa khənu ni dzawwə doʼo n wû i ghaa, sey nə̀, ghə loʼ ni tɔʼɔ koʼo keeli bə ghə̂ ghey ghə ndzəm loʼnə dzûmə tə Klisto tə.

2 Kɔrint 11:19

N dza sey n təŋkey, ghaa dza ghaa tɔbənu, nam bəghəm ghəə ghey ghə̂ a laʼlə a dzanə!

2 Kɔrint 12:20

N dza sey n təŋkey, n fa tsəŋə nə̀ abə mə î bənə, mə i ka koʼ ghaa n jìi zey n ləghənə nə̀ ghaa doʼo tii, ghaa soʼo ghaa i ka koʼ mə nə̀ n way dzə n jìi zey ghaa ləghənə nə n doʼo tii. N tsəŋə nə̀ n loʼ ni bə nə̀ ghaa khə izùu n fəŋŋə kə ghaa, khə kəghoʼ, khə nəghə u fəə wə, khə umə̂, kpaalə kaabə iwû, baŋŋə təfəghəm, kɔʼlə kaabə iwû, fwɔdlɔ maʼa soʼo wû i ghaa.

Galeshia 5:15

Abə ghaa ŋaŋi kaabənə wû i ghaa zə tə a loʼ təbvə n jìi zey ghaa muu nə tii, kee ghə̂mə kə na nu kə ghaa nə weyyənə wû i ghaa zə.

Taytus 3:10

Abə wù loʼnə n fəŋŋə kə ghaa nə̀ tə ləghə ni ghəŋə nə̀ ghaa dzawwə doʼo, wə n kii naŋa ndow wi ni kɔʼ shi tənəŋə təbəghə, nə̀ wù tii ka zow, ghaa n nyoʼo dzəm tə wi.

Jems 3:14

Abə i kee loʼ nə̀ ghaa khə ghoʼ kə bəbə kə n fə̀ŋ tə ghaa, ngii shiə soʼo n sə ghə, kə ghaa nə nəŋŋə nyiə naŋŋənə isəŋə, ghaŋŋə iwû nə̀ ghaa khə utɔb.

2 Pita 2:1

N num tə ibam tə, tûm tə Kəzə̀ tə tsɔŋɔ tə â loʼ tsənu n fəŋŋə kə aghə̂. N jìi i mɔʼɔ zə, ghə̂ a dii a tsɔŋɔ ghə i shiə kɔʼɔnu n fəŋŋə kə ghaa. Ghə nə tsɔŋ nyi bə n fəŋŋə kə ghaa nə̀ ghaa khə way, ghə dii ghəə ghey ghə i ghəŋŋə nə̀ ghaa nyəŋ laʼ. Ghə nə tuu maʼa daŋŋə Mûkəbii wey tə kuum nuu shi bə tow u ghə wə. À wey loʼ ghə i tii zə, ghab kə i kəm shi way tə̀ Zə̀ kə ni ləŋi maʼa ghə.

1 Jɔn 3:15

Wù wən tə bàanə waazə, loʼ wù wən tə weynə ghə̂ ghə. Ghaa khə soʼonu nə̀ wù wey tə weynə ghə̂ ghə i keeli way muu zə itsali zə.

Chi dii 21:8

A kee bə ghə̂ ghən ghə tsəŋənə, khə way bəghəm i fə̀ŋ zə, ghə nəb ityim, ghə̂ ghey ghə weynə ghə̂ ghə, ghə̂ a laŋŋə ghə, ghə̂ a fənnə ghə, ghə̂ ghən ghə ngɔɔmə muʼu mə nsə ghə̂ ghey ghə badlanə ghəə ghə, luʼu kə ghə kə loʼ n nyî zə uvələ zey sɔlfɔ bəʼlənə fu. À wən loʼ və zən i dzûmə ndow i sə̂ isə zə.”