Galeshia 5:2 - Kaa n Kəzə̀ n fəghə mə

² Tɔʼɔ zəllə bə na ghɔɔmə zən mə Pɔl, n dza bənə tə ghaa. Abə ghaa bəghəm nə ghə səghə tyi u ghaa tə laŋ kə ghə̂ a Təjuu kə diinə, i sey dii nə̀, Klisto kəm khə way fwaʼ kə loʼ kə tə ghaa.

Galeshia 5:2 ပူးပေါင်းရင်းမြစ်များ

Kəfwaʼ 15:1

Ghə̂ a loʼ ghə n nuu bə n mboʼo Judeya ndow bə n naʼ i Antyɔk, zey ndow ni dii aghəə tə dzûmə tə Klisto tə, dza tə ghə nə̀, “Abə ghə ka səghə tyi u ghaa tə laŋ kə Mushi kə diinə, ghaa i keeli way bəghəshi zə.”

Kəfwaʼ 15:24

Ghey n zow nə̀ ghə̂ a loʼ ghə â shi kɔʼ fa n fəŋŋə kə ghey bə fuu ghaa n chɔd wə, fwɔd soʼo tɔb u ghaa nə̀ ghaa khə ni səghə utyi. Ghey dza i dza bə tə ghaa nə̀, â ka tûm dzə ghey ghə.

Kəfwaʼ 15:5

Dzûmə tə loʼ tə, tə â loʼ soʼonə ghə̂ a tə Falasi ghə, n nuu təmi kɔʼ dza nə̀, “Ghə khə ni teeli səghə tyi u ghə̂ ghən ghə way ghə̂ a Təjuu, ghə khə ni teeli naŋŋə soʼo laŋ u Mushi wə.”

1 Kɔrint 16:21

À wən kee loʼ tɔŋɔ zow zuŋ nya, mə Pɔl, n tɔ̀ɔ tsunə n wɔɔ kuŋ kə.

2 Kɔrint 10:1

À loʼ mə̀ Pɔl n wû wuŋ wə, n maʼa tsunə wû wə ni buʼ kəwɔɔ tə̀ ghaa n zəd i Klisto wən tə buulənə, zə̀ələ loʼ soʼo. À loʼ mə wən ghə̂ a loʼ a dza kaabənə nə̀ abə n loʼnə n sə kə ghaa, mə n tsəŋə, kee tɔɔbə ghɔɔmə abə n nuu ndownə.

Galeshia 5:11

Waazə ghə, abə a mə loʼ nə n nam naʼlə kə nə̀ gheynum a khə ni teeli səghə tyi u ghə tə̀ laŋ kə dii nə̀, tə ghə̂ a Təjuu a mə chɔdlɔ way mə. À sə fa loʼ kə nə̀ n naʼlə tûm bòʼ və zən Yeso â kpunə tii n zat kə fəkaʼ, à wey loʼ i ghi ghə chɔdlɔnə mə.

Galeshia 5:6

Nghee saa doʼo bə dzənə nə kəfə kəmɔʼ ghi Yeso Klisto, abə ghə səghə tyi kə kə̀ mɔ ghə ka səghə ə, i zey khə way ghə i loʼ zə ni ghəŋə ghi muu i ghaa zə. Ghə i səŋi zey i loʼnə tii, loʼ bəghəm i fə̀ŋ zən saa khənə nsə ləghə zən saa khənə n wû i saa.

1 Tesalonika 2:18

Ghey â ndzəm ləghənu ni bə koʼ ghaa. Wû wuŋ Pɔl, n mâ ndzəm n ndəmə tənəŋə ni bə koʼ ghaa, à kee Satan tə̀ʼlə̀ maʼanu.

Filemun 1:19

À tɔ̀ɔ tsu mə Pɔl n wɔ kuŋ kə nə̀ mə i tsəə dzəŋŋənu wɔ. N khə dzə way ni zə̀ŋŋə wɔ nə a loʼ mə, mə â ghəŋənə wɔ nə wə doʼo dzûmə Klisto.

Filemun 1:9

Nghee n sə ləghənə wɔ, a wey loʼ i ghii n buʼu bənə wɔ n wɔɔ kə. N tsəmə ney dzə way n taŋ nə̀ mə Pɔl, n loʼ nyim kə wù, loʼ soʼo n ndaw tsaʼ bòʼ Klisto.

Hibru 4:2

N dza sey n təŋkey, ghə mâ naʼa tûm i dzuŋu zə tə̀ saa ighəllə tə̀ ghə â naʼa soʼonə tə̀ ghə̂ ghə Izree ghə. Ghə â zow tûm tii, zə n ka kee gaamə ghə n ghə i loʼ zə n təŋkey, nghee ghə â zow tsunə tûm tii, ghə n ka bəghəm naŋa n fə̀ŋ tə ghə.