Galeshia 5:18 - Kaa n Kəzə̀ n fəghə mə

¹⁸ À kee loʼ nə̀, abə wə bweynə n daʼa kə Zay kə Zow kə, i sey dii nə̀, wə way dzə n tənə kəlaŋ.

Galeshia 5:18 ပူးပေါင်းရင်းမြစ်များ

Tùm i dzuŋu zə kuum Yeso Klisto tə Jɔn â tɔɔnə 16:13

Abə Zay kən kə dìi bənə isəŋə bòʼ Kəzə̀ nə bənə, tə nə dìi bə ghaa nə isəŋə kuum Kəzə̀. Zay kə Zow kə nə ghɔɔmə way ghəə ghə n daʼa kə wi, tə nə teeli ghɔɔmə kə ghəə zey tə zow ghii zə, tə nə dza zey bə tə̀ ghaa ghəə zey i khə ni bə shi.

Roma 7:4

Waazə ghə, a loʼ soʼo ghə i mɔʼɔ zə ghi ghaa. Abə a bənə n ghəə a kəlaŋ, ghaa loʼ tə̀ a loʼ ghə̂ a kpuu ghə tə̀ laŋ kə n təŋkey, ghaa mâ kpu dzəŋi ghi Klisto. Ghaa nya loʼ nə kəfə kəmɔʼ ghi wù wən Zə̀ kə â zhəm nuu dzəŋŋə bənə nə ivə, sey nə̀, saa loʼ ni ghəŋə ghəə ghey a fuunə kɔʼləmə tə̀ Zə̀ kə.

Roma 8:12

Sey, waazə ghə, saa khə ni teeli muu n jìi zey Zay kə Zay kə Zow kə ləghənə, à way dzə n jìi zey gow uwû saa ləghənə nə̀ saa muu tii.

Roma 8:14

I loʼ sey n təŋkey ghə̂ ghey ghə bweynə nghee tə Zay kə Zow kə ləghənə, ghə loʼ waa a Kəzə̀.

Galeshia 5:16

N dza bə tə ghaa nə̀ ghaa khə ni muu n daʼa kə Zay kə Zow kə, n təŋkey, a wey loʼ fə key kə i gaamənə ghaa nə ghaa ka i ghəŋŋə ghəə a bəbə ghey gow uwû ghaa ləghənə.

Galeshia 5:23

ni bɔɔmə ghəŋŋə ghəə ghə nsə zuŋ kə umwam kə. Laŋ kə loʼ kə way dzə kə tuunə nə wə ka ghəŋə ghəə ghən.

Galeshia 5:25

Nghee saa muunə n daʼa kə Zay kə Zow kə, saa khə ni bwey ndow kə n ghow kə ibwey kə wi.

1 Timoti 1:9

Saa khə soʼonu nə Zə̀ kə ka laŋ kə ghəŋə dzə tə ghə̂ ghən ghə loʼ tsətsəghə. Â fəd loʼ tə ghə̂ ghən ghə bwuulə maʼa laŋ kə nsə ghə̂ ghey ghə ney way n wɔ Zə̀ kə, ghə̂ ghən ghə khə way Zə̀ kə nsə ghə̂ a bəbə ghə, ghə̂ ghən ghə khə way Zay kə Zow kə nsə ghə̂ ghən ghə ngɔɔmə way Zə̀ kə, ghə̂ ghən ghə weyyənə ghə bày a ghə ghə nkee ghə này ghə ghə, ghə̂ ghən ghə weyyənə ghə̂ ghə.

2 Timoti 1:7

N dza sey n təŋkey, Zay key Zə̀ kə â fuunə tə saa ghəŋŋə dzə way nə̀ saa i tsəŋə ghəə ghə. Tə â fəd fuu saa n Zày key kə ghəŋŋənə nə̀ saa i khə daʼa kə, saa i ləghə wû i saa zə, saa i loʼ soʼo ni tɔʼ kwu keeli wû i saa.