Galeshia 5:12 - Kaa n Kəzə̀ n fəghə mə

¹² Abə a mə loʼ kə tə mə, ghə̂ ghən ghə fəmmənə ghaa nə̀ ghaa səghə tyi u ghaa tə laŋ kə dii nə̀, ghə mə ndow n sə kə ni kee kâa tsu wû i ghə.

Galeshia 5:12 ပူးပေါင်းရင်းမြစ်များ

Tùm i dzuŋu zə kuum Yeso Klisto tə Jɔn â tɔɔnə 9:34

Ghə n dza, “Ghə â ji wɔ n ghəə a bəbə ghə, wə u nyim shi kɔʼ bənə n ghəə a bəbə ghə, wə moʼlənə nə̀ wə loʼ ni dii ghey n ghəə ghə?” Sey, ghə n dzum nuu shi wi n Ndaw kədzəŋi ə ghə.

Kəfwaʼ 15:24

Ghey n zow nə̀ ghə̂ a loʼ ghə â shi kɔʼ fa n fəŋŋə kə ghey bə fuu ghaa n chɔd wə, fwɔd soʼo tɔb u ghaa nə̀ ghaa khə ni səghə utyi. Ghey dza i dza bə tə ghaa nə̀, â ka tûm dzə ghey ghə.

Kəfwaʼ 5:5

Ambə Ananyas zow tsu ghəə zən, tə n bwu bə aghəd, kpu i ndow. Tsəŋ zə n kwu ghə̂ ghey adzəm ghə â zownə ghə zey i shinə ghi Ananyas.

Kəfwaʼ 5:9

Pita n dza ndow tə wi nə̀, “À loʼ kee wə dzəŋi saalə kɔʼ ghi num wə ni mɔm koʼ Zay kə Mûkəbii ə? Koʼo, ghə̂ ghey ghə ndow tsələnə num wə, ghə ghey ghə teynə n fuʼ u ndaw, ghə boʼlə kɔʼɔ soʼo wɔ, ghə ndow tsələ.”

1 Kɔrint 5:13

À loʼ Kəzə̀ tə khənə ni saʼ ghə̂ ghey ghə loʼnə nə̀ a way dzûmə tə Klisto. I kee tɔ̀ɔ doʼo n màlə K-a-zə̀ nə̀, “Ghaa khə ni teeli dzum nuu shi wù bəbə wey tə loʼnə n fəŋŋə kə ghaa.”

Galeshia 2:4

Ghə nəb ityim a loʼ ghə n nyi bə n fəŋŋə kə ghey tə a loʼ ghə̂ a tətsìi. Ghə â bə ni tsi koʼ muu i dzuŋu zən ghey khənə nghee ghey loʼnə nə kəfə kəmɔʼ ghi Yeso Klisto. Ghə â ləghə ni ghəŋə nə̀ ghey doʼo ukɔd n laŋ u ghə̂ a Təjuu.

Galeshia 5:10

Fə̀ŋ baŋa dzə way mə n kow ghaa, n təŋkey, n khənu nə nghee tə ghaa loʼ dzənə nə kəfə kəmɔʼ ghi Mûkəbii, ghaa kəm way ni ney dzuu i nuu zə, tsəghəshiə way i zən n fuunə tə ghaa. Sey, keeli tsu na nə̀ Zə̀ kə i chɔdlɔ wù wey tə ləghənə ni fwɔd maʼa ghaa abə a loʼ kə ndee.

Taytus 3:10

Abə wù loʼnə n fəŋŋə kə ghaa nə̀ tə ləghə ni ghəŋə nə̀ ghaa dzawwə doʼo, wə n kii naŋa ndow wi ni kɔʼ shi tənəŋə təbəghə, nə̀ wù tii ka zow, ghaa n nyoʼo dzəm tə wi.