Galeshia 5:10 - Kaa n Kəzə̀ n fəghə mə

¹⁰ Fə̀ŋ baŋa dzə way mə n kow ghaa, n təŋkey, n khənu nə nghee tə ghaa loʼ dzənə nə kəfə kəmɔʼ ghi Mûkəbii, ghaa kəm way ni ney dzuu i nuu zə, tsəghəshiə way i zən n fuunə tə ghaa. Sey, keeli tsu na nə̀ Zə̀ kə i chɔdlɔ wù wey tə ləghənə ni fwɔd maʼa ghaa abə a loʼ kə ndee.

Galeshia 5:10 ပူးပေါင်းရင်းမြစ်များ

Kəfwaʼ 15:24

Ghey n zow nə̀ ghə̂ a loʼ ghə â shi kɔʼ fa n fəŋŋə kə ghey bə fuu ghaa n chɔd wə, fwɔd soʼo tɔb u ghaa nə̀ ghaa khə ni səghə utyi. Ghey dza i dza bə tə ghaa nə̀, â ka tûm dzə ghey ghə.

1 Kɔrint 5:5

N nəŋə i tii zə, ghaa teeli khə ni fuu tsəghə ndòw wù wən tə̀ Satan, sey nə̀, abə Satan ləŋi maʼa kənə gow uwû wi, fə̀ŋ ə wi i loʼ ni keeli ibəghəshi n tsuʼ fey Mûkəbii i bəghənə tii.

2 Kɔrint 1:15

Nghee tə̀ mə̀ â tɔʼ khənə ghəə ghən, mə n naŋa tsu n fə̀ŋ zuŋ nə̀ n khə ni bə dzə̀ n səə ghaa, sey nə̀ ghaa i loʼ ni keeli kuulə ibuulə.

2 Kɔrint 10:2

N buʼu bə kəwɔɔ tə̀ ghaa nə̀ kə ghaa nə̂ ghəŋŋənə nə̀ n tɔɔbə ghɔɔmə abə mə î bənə, n təŋkey n loʼnu ni tɔɔbə ghɔɔmə tə̀ ghə̂ ghey ghə dzanə nə̀ ghey ghəŋŋə aghəə n jìi zey ghə̂ a mbi a ghəŋŋənə.

2 Kɔrint 10:6

Ghey ləmmə tənə nə̀ ghaa doʼo may bə ghə̂ ghey ghə zownə tə̀ klisto, sey ghey i loʼ ni chɔd ghə̂ ghey ghə zow way tə̀ wi.

2 Kɔrint 13:10

À wən loʼ ghə i tii zə, n tɔ̀ɔ bənə ghəə ghən tə̀ ghaa nə̀ n way ghi ghaa, sey nə̀, abə n bənə, mə i ka tɔɔbə dzə ghi ghaa n daʼa kən Mûkəbii fuunə tə̀ mə. Mûkəbii fuu mə n daʼa kə tii kə ni bəghə bəghəm i fə̀ŋ i ghaa, à way dzə ni wey maʼa bəghəm i fə̀ŋ i ghaa.

2 Kɔrint 2:3

À wey loʼ ghə i tii zə mə â tɔ̀ɔ bənə màʼlə key mə̀ â bùʼ tûm bənə tə̀ ghaa sey nə̀, abə n bənə, kə̂ ghaa nə ghəŋŋənə nə̀ n fəələ n fə̀ŋ loʼ sey nə̀ à mə loʼ ghə ni ghəŋə mə nə̀ mə i duʼlə. N khənu nə̀ abə n duʼlənə, i sey dii nə̀ ghaa adzəm duʼlə soʼonu.

2 Kɔrint 2:6

Chɔd mən ndəmə ghaa fuunə tə̀ wù tii, mə n kpii.

2 Kɔrint 5:16

Sey, ni ney nuu tsu nya ndòw isə̂, ghey kəm ney dzə way wù n jìi zey wù sɔŋtsuʼ neynə wù tii. Sə̂ i sə, ghey â ney tsə Klisto n jìi zey wù sɔŋtsuʼ neynə wù tii, abə nya, ghey kəm khə dzə way wi sey.

2 Kɔrint 7:16

N ngii duʼlənu n təŋkey n loʼnu ni gaʼ fə̀ŋ n kow ghaa nə aghəə adzəm.

2 Kɔrint 8:22

Ghey tûm bə soʼo waazə saa u loʼ wə ghi ghə. Ghey n wi mɔm koʼ n ndəmə tənəŋə, koʼ tsu nə̀, tə khənu zày ni gaamə n ndəmə tə aghəə. Tə baa khə zày ni gaamə nya tsəghəshi nghee tə â bùʼ khə tsənə n təŋkey, tə ngii gaʼ fə̀ŋ n kow ghaa.

Galeshia 1:7

Isəŋə loʼ nə̀, tûm i dzuŋu i nuu i kəm way dzə. I dii bə nə ghə̂ a loʼ a loʼnu ghə fwɔdlənə ghaa, ləghə ni kwey tûm i dzuŋu zə kùm Klisto.

Galeshia 2:4

Ghə nəb ityim a loʼ ghə n nyi bə n fəŋŋə kə ghey tə a loʼ ghə̂ a tətsìi. Ghə â bə ni tsi koʼ muu i dzuŋu zən ghey khənə nghee ghey loʼnə nə kəfə kəmɔʼ ghi Yeso Klisto. Ghə â ləghə ni ghəŋə nə̀ ghey doʼo ukɔd n laŋ u ghə̂ a Təjuu.

Galeshia 2:6

Ghə̂ ghey ghə â loʼ tə a loʼ təngəd fu, ka tsəm kuu kpiʼi ghəə i loʼ zə n tûm zuŋ. N ghəə ghən maŋ dzanu, bùʼ key ghə khənə ghii kə, khə way ghə i loʼ zə ni ghəŋə ghi mə, n təŋkey, Zə̀ kə saʼa dzə way wù nə tə laalə ndow tûm usə u wi.

Galeshia 3:1

Ghaa ghə̂ a Galeshya ghən, ghaa ngii laʼlənu! À ghaa ləŋ naŋa ndee? N dza ghə mâ mgbaŋ tiilə dìi bə zuŋ key ghə â baa Yeso Klisto tii n zat kə fəkaʼ a?

Galeshia 4:11

Fə̀ŋ baŋa mə n kow ghaa! Fiilə kə sa tə n fa maŋ fəghə nay n kow ghaa kənunu.

Galeshia 4:17

Ghə̂ a loʼ ghey ghə ləghə ni kwey tûm i dzuŋu zə khə kənu zày n kow ghaa, a kee loʼ nə̀ ghə khə moʼlə tə bəbə tə. Ghə ghəŋŋə sey ni khə̀mə nu fə̀ŋ tə ghaa, nə̀ ghaa ka zow tə mə, ghaa i zow bə kə tə ghə.

Galeshia 4:20

Abə jii mə kpaʼi loʼ tə mə ni doʼo fey ghi ghaa nya, tə n mə keeli jìi zey n loʼ ni ghɔɔmə tii tə̀ ghaa, bòʼ nə̀ fə̀ŋ ngii baŋa mə n kow ghaa.

Galeshia 5:12

Abə a mə loʼ kə tə mə, ghə̂ ghən ghə fəmmənə ghaa nə̀ ghaa səghə tyi u ghaa tə laŋ kə dii nə̀, ghə mə ndow n sə kə ni kee kâa tsu wû i ghə.

Galeshia 5:7

Ghaa â mgbaŋa bwey dzɔbənu n muu i ghaa ghi Klisto. À ghaa â kəm kwu naŋa ndee nə̀ ghaa ka təmi tən kə nə isəŋə zən ghaa â bəghəm nə ə?

Galeshia 6:17

Ni ney nuu tsu nya, ndow n sə kə, i kə wù nə kəm fəmmə, bòʼ nə̀, tɔ̀ɔ tən n kow mə tə dii may bə nə̀ n loʼ kɔd kə Yeso.

Filipi 3:15

À wən loʼ jìi zey saa ghən adzəm saa beyyə dzənə n ghəə a Kəzə̀, saa khə ni koʼo ghəə ghə tii. Abə wù loʼ khənə ghə i loʼ zə tə tɔʼɔ zowkeeli way, n moʼlə nə̀ Zə̀ kə î chiə diinu ghə i tii zə soʼo tə̀ wi.

2 Tesalonika 3:4

Ghey khənu n fə̀ŋ tə ghey nə Mûkəbii loʼ ghi ghaa. Ghey khənu nə̀ ghaa ghəŋənu ghəə ghey ghey dzanə tə̀ ghaa, ghey u khə soʼo nə̀ ghaa i ndow kənu n sə kə ni ghəŋə ghəə a tii ghə.

1 Timoti 1:20

Hemenus nsə Alekzanda loʼ ndzoʼo ghə̂ a tii ghə, Mə n ghə fuu tsəghə ndow tə Satan nə̀ tə ghəŋə ghəə zey tə loʼ ni ghəŋə tə ghə. Zə i ghəŋŋənu tə ghə zoʼlə tsu nə̀ ghə khə way ni tsayyə Zə̀ kə.

Filemun 1:21

N khənu nə̀ wə i ghəŋŋənu ghəə ghən n bəbə bənə tə wɔ, wə i ndzəmə ghəŋŋənu. N tsəm khənu nə wə ghəŋŋənu, wə i buʼ ghəŋə tsəghəshi daŋŋə tə n moʼlənə.